სსიპ - ბაღდათის მუნიციპალიტეტის სოფელ პირველი ობჩის საჯარო სკოლა

სკოლის მისია სსიპ ბაღდათის მუნიციპალიტეტის სოფელ პირელი ობჩის საჯარო სკოლის მისიაა დაწყებით და საბაზო საფეხურზე ეროვნული, თანამედროვე, უსაფრთხო, ძალადობისა და დისკრიმინაციის ნებისმიერი ფორმისაგან თავისუფალი, დემოკრატიული საგანმანათლებლო გარემოს შექმნა და ზოგადსაკაცობრიო იდეების მქონე, ცხოვრებისათვის მომზადებული, ცოდნით, ზნეობით, სასიცოცხლო უნარ - ჩვევებით აღჭურვილი, ადამიანის აღზრდა. მიზნები და ამოცანები • უსაფრთხო და ჯანსაღი სამუშაო და სასწავლო გარემოს შექმნა; • სწავლა - სწავლების ხარისხის ამაღლება; • სკოლის მმართველობაში დემოკრატიული კულტურის დამკვიდრება; • მატერიალურ - ტექნიკური ბაზის სრულყოფა, განვითარება და აღჭურვა; • მშობელთა ჩართულობა სასწავლო - აღმზრდელობით პროცესში; მისიის მისაღწევად სკოლა • უზრუნველყოფს უსაფრთხო და ჯანსაღი სამუშაო და სასწავლო გარემოს; • ხელს შეუწყობს მოსწავლის ფიზიკურ, კოგნიტური და სოციალური უნარების განვითარებას; • ზრუნავს პედაგოგების მუდმივ პროფესიულ განვითარებაზე; • ზრუნავს მატერიალურ - ტექნიკური ბაზის სრულყოფაზე, განვითარებასა და აღჭურვაზე; • ხელს უწყობს მშობლის აქტიურ ჩართულობას შვილის სასწავლო - სააღმზრდელო პროცესში. სკოლის ხედვა • ჩვენი სკოლა არის და იქნება უსაფრთხო და დაცული ადგილი; • გაზიარებული იქნება პასუხისმგებლობა მოსწავლეებს, ოჯახებს, სკოლის პერსონალსა და სასკოლო საზოგადოებას შორის; • იქნება მყარი, მუდმივ განვითარებაზე ორიენტირებული სასწავლო დაწესებულება; • ვიზრუნებთ დემოკრატიული და თავისუფალი ღირებულებების მატარებელი ადამიანის ჩამოყალიბებისათვის; • მოვამზადებთ მოსწავლეს საშუალო საფეხურისათვის ან შრომითი საქმიანობისათვის; სკოლის ღირებულებები • უსაფრთხოება; • სამართლიანობა; • გუნდურობა/თანამშრომლობა; • სხვათა შრომის მიღწევების პატივისცემა; • პატრიოტიზმი; • ღიაობა;

სსიპ ბაღდათის მუნიციპალიტეტის სოფელ პირველი ობჩის საჯარო სკოლა არის მცირეკონტიგენტიანი. სკოლას არ ჰყავს დირექტორის მოადგილე, ბიბლიოთეკარი, მანდატური და სხვა. სკოლაში არის 10 მასწავლებელი, რის გამოც ფუნქციონირებს მხოლოდ სამი კათედრა.

ჩვენი სკოლის მისია და ხედვა ითვალისწინებს მოსწავლეთა ეროვნული სასწავლო გეგმით გათვალისწინებული სტანდარტების შედეგების მიღწევას დაწყებით და საბაზო საფეხურზე, რომელიც განხორციელებული იქნება მოსწავლეებისა და მშობლების თანადგომით.

ქცევის წესები და აპელაციის მექანიზმები გაnთავსებულია სკოლის შინაგანაწესში, ასევე მოიცავს დირექციის, მასწავლებელთა და მოსწავლეთა ქცევის კოდექს რომელიც სკოლას გამოკრული აქვს საჯაროდ

სსიპ ბაღდათის მუნიციპალიტეტის სოფელ პირველი ობჩის საჯარო სკოლის ინფრასტრუქტურა დამაკმაყოფილებელია. რამდენჯერმე მოეწყო ტენდერები და ჩატარდა სკოლის მიმდინარე შეკეთებები. მოეწყო სტანდარტული სახის გარე სპორტული მოედანი. სკოლის შენობა აკმაყოფილებს მოთხოვნებს. სკოლაში არის საკმარის რაოდენობის მერხები, სკამები, დაფები და სხვა სასკოლო ინვენტარი. სკოლის კომპიუტერების კაბინეტში არის მოძველებული კომპიუტერები და ექვემდებარება შეცვლას. კომპიუტერების შეცვლასტან დაკავშირებით მოთხოვნა გაგზავნილი გვაქვს ინფრასტრუქტურის სააგენტოსთან. სკოლის ბიუჯეტის გეგმაში და შესყიდვების გეგმაში ყოველწლიურად ვითვალსიწინეთ სკოლის ინფრასტრუქტურის გაუმჯობესებისათვის საჭიროებების შესყიდვას.

სკოლა ფინანსდება ვაუჩერული დაფინანსებით, აქვს შემუშავებული ბიუჯეტი, რომელიც შეთანხნებული და დამტკიცებულია სამეურვეო საბჭოს მიერ. ასევე აქვს შესყიდვების გეგმა, რომელიც დამტკიცებულია 2023 წლის 17 ნოემბრის #2-56 ბრძანებით.