სსიპ - ქალაქ ბაღდათის №2 საჯარო სკოლა

თავი 1. ეს წესი ადგენს სსიპ. ქალაქ ბაღდათის N 2 საჯარო სკოლის მმართველობითი პროცესის - მისიის, ხედვის, ღირებულებების, სტრატეგიული დაგეგმვისა და განვითარების ძირითად ეტაპებს, განსაზღვრავს პროცესზე პასუხისმგებელ პირსა და პროცესში ჩართულ მხარეებს. წესი ასევე განსაზღვრავს აღნიშნული დოკუმენტების შემუშავების, განხილვის, დამტკიცების, მათში ცვლილებების შეტანის და გაზიარების მექანიზმებს, სტრატეგიული და სამოქმედო გეგმის მონიტორინგის, შეფასებისა და სამოქმედო გეგმის წლიური ანგარიშის მომზადებასთან დაკავშირებულ საკითხებს. თავი 2. სტრატეგიულ დაგეგმვასა და განვითარებაზე პასუხისმგებელი პირი სკოლაში სტრატეგიული დაგეგმვისა და განვითარების პროცესზე პასუხისმგებელ პირად განსაზღვრულია დირექტორის მოადგილე. თავი 3. სტრატეგიული დაგეგმვის პროცესის ქვეპროცესები სტრატეგიული დაგეგმვის პროცესი მოიცავს შემდეგ ქვეპროცესებს: • მისიის, ხედვისა და ღირებულებების შემუშავება/გაზიარების პროცესი; • სტრატეგიული და სამოქმედო გეგმების შემუშავება/გაზიარება/დამტკიცების პროცესი; • სტრატეგიული და სამოქმედო გეგმების მონიტორინგისა და შეფასების პროცესი; • მისიის, ხედვის, ღირებულებების, სტრატეგიულ და სამოქმედო გეგმებში ცლილების შეტანის პროცესი; • სტრატეგიული გეგმის ანგარიშის და სამოქმედო გეგმის წლიური ანგარიშის მომზადების პროცესი. თავი 4. სტრატეგიული დაგეგმვისა და განვითარების პროცესში ჩართული მხარეები სტრატეგიული დაგეგმვისა და განვითარების პროცესში ჩართული არიან შემდეგი მხარეები: • სკოლის დირექცია; • სასკოლო საზოგადოება (სკოლის ადმინისტრაცია, მასწავლებელი, მოსწავლე/მოსწავლეთა თვითმმართველობა, მშობელი);სამეურვეო საბჭო; • თემი. თავი 5. სტრატეგიული დაგეგმვის პროცესთან დაკავშირებული ძირითადი მიდგომები სკოლა სტრატეგიული დაგეგმვისას იცავს შემდეგ ძირითად პრინციპებს: 1. თანამონაწილეობა - სტრატეგიული დაგეგმვა თანამონაწილეობითი პროცესია და ხორციელდება სასკოლო საზოგადოების ჩართულობით, რაც უზრუნველყოფილია პროცესების სამუშაო ჯგუფის ფორმატში წარმართვით და დაინტერესებულ მხარეებთან დოკუმენტების პროექტ(ებ)ის გაზიარებით. 2. სასკოლო საზოგადოების პრიორიტეტებისა და ინტერესების გათვალისწინება - სკოლა სტრატეგიული დაგეგმვის პროცესში მაქსიმალურად ითვალისწინებს სასკოლო საზოგადოების წევრთა მოლოდინს, რისთვისაც, სტრატეგიული დაგეგმვის ყოველი ახალი ციკლის დასაწყისში განსაზღვრავს სასკოლო საზოგადოების წევრებს ამ წესის მე-4 მუხლის შესაბამისად და უზრუნველყოფს სტრატეგიული დაგეგმვის პროცესში მათ ჩართულობას ან/და სტრატეგიული დაგეგმვის პროცესში შემუშავებული დოკუმეტების მათთვის გაზიარებას. 3. გამჭვირვალობა - სკოლა სტრატეგიული დაგეგმვის და მისი განხორციელების პროცესში მუდმივად ახდენს ინფორმაციის გაზიარებას სასკოლო საზოგადოების წევრებთან და სხვა დაინტერესებულ მხარეებთან, რითაც უზრუნველყოფს პროცესების გამჭვირვალობას. 4. ანგარიშვალდებულება - სკოლა ყოველწლიურად ამზადებს სამოქმედო გეგმის შესრულების ანგარიშს და უზრუნველყოფს მის საჯაროობას სკოლის ვებგვერდზე ან სკოლის ციფრულ გაზეთში გამოქვეყნებით. თავი 6. გაზიარების მექანიზმები 1. სკოლაში დოკუმენტების გაზიარებისათვის გამოიყენება შემდეგი საკომუნიკაციო არხები: ა) სკოლის ვებგვერდი; ბ) ელექტრონული ფოსტა; გ) დოკუმენტების ელექტრონული ბრუნვის სისტემა; დ) პორტალი ვებგვერდზე; ე) სოციალური მედია; ვ)საჯარო ღონისძიებები - ინტერაქტიული ორმხრივი კომუნიკაცია აუდიტორიასთან; 1. ინფორმაციის გაზიარება ხორციელდება შემდეგი სქემის მიხედვით: დოკუმენტი/პროცესი ვისთან ხდება გაზიარება გაზიარების რეკომენდებული მექანიზმები მისიის, ხედვის, ღირებულებების, სტრატეგიული და სამოქმედო გეგმის პროექტები სასკოლო საზოგადოების წევრები/სამეურვეო საბჭო/თემის წარმომადგენლები ელექტრონული ფოსტა ან/და ღია შეხვედრა და საჯარო განხილვა ან/და პედსაბჭოს სხდომა ან/და სამეურვეო საბჭოს სხდომა ან/და სკოლის ვებგვერდი დამტკიცებული, შეთანხმებული ან/და განახლებული დოკუმენტები სასკოლო საზოგადოება/სამეურვეო საბჭო/თემი სკოლის ვებგვერდი8 და ელექტრონული ფოსტა ან/და დოკუმენტების ელექტრონული ბრუნვის სისტემა ან/და სოციალური მედია ან/და საჯარო ღონისძიებები ან/და ბეჭდვითი მასალები სტრატეგიული/სამოქმედო გეგმის მონიტორინგისა და შეფასების პროცესში არსებული დოკუმენტები სამუშაო ჯგუფი/მონიტორინგისა და შეფასების ჯგუფი ელექტრონული ფოსტა ან/და პორტალი/დრაივი ვებგვერდზე ან/და დოკუმენტების ელექტრონული ბრუნვის სისტემა წლიური სამოქმედო გეგმის და სტრატეგიული გეგმის შესრულების ანგარიში სასკოლო საზოგადოება/სამეურვეო საბჭო/თემი სკოლის ვებგვერდი და ელექტრონული ფოსტა ან/და დოკუმენტების ელექტრონული ბრუნვის სისტემა ან/და სოციალური მედეა ან/და საჯარო ღონისძიებები ან/და ბეჭდვითი მასალები თავი 7. სამუშაო ჯგუფის ფორმირება და შემადგენლობა 1. სტრატეგიული დაგეგმვის ყოველი ახალი ციკლის დაწყების წინ დირექტორი ქმნის სამუშაო ჯგუფს, რომლის წევრების ნაწილი შერჩეულია სასკოლო საზოგადოების წარმომადგენლებისგან და ბრძანებით ამტკიცებს მას. სამუშაო ჯგუფის შემადგენლობა შეიძლება განახლდეს პერიოდულად არგუმენტირებული დასაბუთების საფუძველზე. 4. სამუშაო ჯგუფს ხელმძღვანელობს დირექტორის მოადგილე . ის პასუხისმგებელია სკოლის სტრატეგიული დაგეგმვის სამუშაოების პროცესის წარმართვაზე, ახორციელებს სტრატეგიული დაგეგმვის პროცესის კოორდინაციას, უზრუნველყოფს სკოლის სხვადასხვა სტრუქტურულ ერთეულებთან კომუნიკაციას, მათ წვდომას ყველა საჭირო ინფორმაცია

სასწავლო პროგრამები. სკოლაში სწავლა –სწავლება მიმდინარეობს ქართულ ენაზე და  მოიცავს სამ საფეხურს, სწავლება მიმდინარეობს დასწრებული სწავლების მოდელით, რომელიც გულისხმობს , დასწრებით სწავლების ფორმას და სინქრონული სწავლების კომბინაციას. ა) დაწყებითი – I-VI კლასების ბ) საბაზო – VII-  IX კლასების გ) საშუალო - X- XII კლასები 1.დაწყებითი საფეხურის ძირითადი ამოცანებია: ა) შეუქმნას მოსწავლეს პირობები საკუთარი შესაძლებლობების გამოსავლენად და სწავლისათვის საჭირო უნარ-ჩვევების გამოსამუშავებლად; ბ) ჩამოუყალიბოს მოსწავლეს სწავლისადმი პოზიტიური დამოკიდებულება და სამყაროს შემეცნების მიმართ ინტერესი; გ) შეუქმნას მოსწავლეს პირობები  და ჩამოუყალიბოს საფუძვლები შემდგომ, საბაზო საფეხურზე სწავლის წარმატებით გასაგრძელებლად; იმ ცოდნის დასაუფლებლად, უნარ-ჩვევების გასავითარებლად და დამოკიდებულებების ჩამოსაყალიბებლად, რომლებიც მას   მომავალში  დასჭირდება. 2. საბაზო საფეხურის ძირითადი ამოცანებია: ა) დაეხმაროს მოსწავლეს ზოგადი განათლების ეროვნული მიზნების მიღწევაში; ბ) შეუქმნას მოსწავლეს პირობები იმ უნარ-ჩვევების გასავითარებლად, რომლებიც განსაკუთრებით მნიშვნელოვანია მთელი ცხოვრების განმავლობაში; გ) შეუქმნას მოსწავლეს წინაპირობა სწავლის გასაგრძელებლად, ან შრომით ბაზარზე სწორი არჩევანის გასაკეთებლად. 3. საშუალო საფეხურის ძირითადი ამოცანებია: ა) შეუქმნას მოსწავლეს პირობები თანამედროვე მოთხოვნების შესაბამისი განათლების მისაღებად; ბ) დაეხმაროს მოსწავლეს მომავალი არჩევანის გასაკეთებლად (სწავლის გასაგრძელებლად და/ან შრომით საქმიანობაში ჩასაბმელად); გ) მისცეს მოსწავლეს ხარისხიანი სრული ზოგადი განათლება.

მოსწავლის ქცევის კოდექსი მოსწავლის ქცევის კოდექსი არეგულირებს მოსწავლის ქცევის წესებს, რომლებსაც მოსწავლე იცავს სასწავლო პროცესის მიმდინარეობისას სკოლაში, აგრეთვე სკოლის მიერ ორგანიზებულ ღონისძიებებში მონაწილეობის დროს. მოსწავლის ქცევის წესები მუხლი 4. მასწავლებელთან და სკოლაში დასაქმებულ სხვა პირთან დამოკიდებულება 1. მოსწავლე ყოველთვის თავაზიანია მასწავლებელთან და სკოლაში დასაქმებულ სხვა პირთან ურთიერთობაში და არ აყენებს მათ რაიმე სახის შეურაცხყოფას. 2. მოსწავლე ემორჩილება სკოლის დირექტორის, მასწავლებლის, სკოლაში დასაქმებული სხვა პირისა და მანდატურის კანონიერ მითითებებს. მუხლი 5. მოსწავლეებთან დამოკიდებულება მოსწავლე თავაზიანად ეპყრობა სხვა მოსწავლეებს, თავს იკავებს მათთან ძალადობის მუქარისგან, ცილისმწამებლური ან დამცინავი განცხადებებისაგან და არ აყენებს მათ რაიმე სახის შეურაცხყოფას. მუხლი 6. მოსწავლის ჩაცმის წესი მოსწავლე სკოლაში ცხადდება ზოგადსაგანმანათლებლო დაწესებულებისათვის შესაფერისი სამოსითა და აქსესუარებით. მუხლი 7. მოსწავლის ქცევა სკოლის ტერიტორიაზე, სასწავლო პროცესისა და სასკოლო ღონისძიებების დროს 1. მოსწავლე დროულად ცხადდება გაკვეთილზე ან სკოლის მიერ ორგანიზებულ სხვა საგანმანათლებლო ღონისძიებაზე. 2. გაკვეთილზე ყოფნისას მოსწავლეს აქვს სასწავლო პროცესისათვის აუცილებელი ნივთები. 3. მოსწავლე გამოხატავს აზრებს და შეხედულებებს სხვა პირთა უფლებების შელახვის გარეშე. 4. მოსწავლე არ იყენებს მობილურ ტელეფონს ან სხვა ტექნიკურ საშუალებებს სასწავლო პროცესის დროს, არასასწავლო მიზნით. 5. მოსწავლე ხელს არ უშლის მასწავლებელსა და სხვა მოსწავლეებს, სასწავლო პროცესის მიმდინარეობისას. 6. მოსწავლე პატივს სცემს სხვის აზრსა და აკადემიურ ნაშრომს, სხვისი ინტელექტუალური საქმიანობის შედეგად შექმნილ პროდუქტს არ ასაღებს თავისად. 7. მოსწავლე არ ეწევა რელიგიურ და პოლიტიკურ პროპაგანდას. 8. მოსწავლე არ ტოვებს გაკვეთილს მასწავლებლის ნებართვის გარეშე. 9. მოსწავლე უფრთხილდება და არ აზიანებს საკუთარ, სხვა პირთა და სკოლის ქონებას. 10. მოსწავლე იცავს სისუფთავეს სკოლაში და მის მიმდებარე ტერიტორიაზე. მუხლი 8. სკოლაში აკრძალული ნივთები მოსწავლე არ ცხადდება სკოლაში შემდეგი ნივთებით: ა) თამბაქოს ნაწარმი; ბ) ყველანაირი სახის იარაღი ან ისეთი ბასრი ნივთები, რომლებიც შეიძლება გამოყენებულ იქნეს იარაღად; გ) სანთებელა ან ასანთი; დ) ალკოჰოლური საშუალებები; ე) ტექნიკური საშუალებები, რომლებმაც შეიძლება ხელი შეუშალოს სასწავლო პროცესს; ვ) ძვირადღირებული ნივთები ან დიდი ოდენობის ფული; ზ) აზარტული თამაშის საშუალებები; თ) უხამსობის ამსახველი ნივთები; ი) ნარკოტიკული საშუალებები; კ) ასაფეთქებელი და მომწამლავი ნივთიერებები; ლ) ფსიქოტროპული საშუალებები, ექიმის შესაბამისი ნებართვის გარეშე. მუხლი 9. პასუხისმგებლობა ქცევის კოდექსის დარღვევისათვის მოსწავლის მიერ ამ კოდექსით განსაზღვრული ქცევის ნორმების დარღვევა იწვევს დისციპლინური დევნის დაწყებას “ზოგადი განათლების შესახებ„ საქართველოს კანონისა და სკოლის შინაგანაწესით გათვალისწინებულ შემთხვევებში და დადგენილი წესით. მასწავლებლის პროფესიული ეთიკის კოდექსი სკოლის დირექტორის ეთიკის კოდექსი

სსიპ ქ. ბაღდათის N2 საჯარო სკოლის ანგარიშსწორების ანგარიშზე 2023წლის 1 იანვრისთვის ირიცხებოდა თავისუფალი ნაშთი, ვაუჩერი 1492 ლარი 2023 წლის განმავლობაში ჩამოირიცხა ვაუჩერი 406 857 ლარი, საქართველოს განათლების და მეცნიერების სამინისტროდან, აგრეთვე სამინისტროდან ჩამოირიცხა პედაგოგების სტასუსისთვის ხელფასის დანამატი 451 283 ლარი, სპეციალური პროგრამით მომუშავე პედაგოგებზე დამატებით ჩამოირიცხა 8 869 ლარი, ექიმის ხელფასის დასაფინანსებლად 7 405 ლარი, წლის განმავლობაში ჩამოირიცხა ბანკიდან სარგებლის სახით 1 603 ლარი. იჯარის შემოსავალი 2 311 ლარი, სამინისტროდან მიღებულია დამატებითი დაფინანსება დეფიციტის დაფარვის მიზნით 31 450 ლარი, სსსმპ მოსწავლეების რაოდ-ის მიხედვ. დაფინანსება და მასწ.დანამატია 22 400 ლარი, სამინისტროს მხრიდან განხორციელებული პროგრამული დაფინანსება (ინფრასტრუქტურიდან) -9 850 ლარი, გახანგრძლივებული ჯგუფებიდან შემოსავალი -1 120 ლარი, ჯარიმებიდან შემოსავალი - 2026 ლარი,.ქვ.-ის თავდაცვა და უსაფრთხოება ფარგ.-ში დასაქმებულ მასწავლებელთა შრომის ანაზღაურების მიზნით სკოლების დაფინანსება ჩამოირიცხა 2 643 ლარი. 2023. გადაირიცხა მოხმარებული წყლის ღირებულება 2 521 ლარი, მოხმარებული გაზის ღირებულება 15 762 ლარი და ელ ენერგიის ღირებულება 10 484 ლარი. შესყიდულ იქნა შენობის კარის სახელურების გამოცვლის მიზნით სხვადასხვა სამეურნეო საქონელი თანხით 811 ლარი, გადავიხადეთ საფოსტო და კავშირგაბმულობის ხარჯები 140 ლარი, შესყიდულ იქნა საბეჭდი კატრიჯები 460 ლარის, შესყიდულ იქნ სხვადასხვა საკანცელარიო საქონელი 1905 ლარის, შესყიდულ იქნა სკოლისთვის საჭირო საოფისე ინვენტარი 625 ლარის , გადაირიცხა აუდიტის მომსახურების თანხა 150 ლარი. დაიხარჯა სკოლის დასანიტარულ-ჰ იგიენურისაშუალებები 3 518 ლარი წლის განმავლობაში გადირიცხა საპენსიო ფონდის 2% სკოლის ანგარიშიდან 8 464 ლარი.საოფისე ხარჯი- 1105, სამედიცინო მომახურეობა 162, ლარის მედიკამენტები, ექსპერტიზის და შემოწმების ხარჯები 5 374 ლარი, საკონსულტაციო ხარჯი -18 353 ლარი, იჯარასთან დაკავშირებული ხარჯი- 638 ლარი, სხვა დანარჩენ საქონელზე და მომსახურებაზე გაწეული ხარჯი 690 ლარი. 2023 წელს სკოლის ფინანსური მდგომარეობა ასეთია: წლის დასაწყისში ნაშთი იყო 1492 ლარი, შემოსავალი - 947 817 ლარი, ხარჯებმა შეადგინა 949 299 ლარი, ნაშთი 01.12.2023წ - 10 ლარი. აზრი გამოთქვეს: სამეურვეო საბჭოს წევრებმა რამაზ გრძელიძემ და ნათია გუმბერიძემ. მათი თქმით, სკოლის 2023 წლის ბიუჯეტი მაქსიმალურად პასუხობდა სკოლის მოთხოვნილებებს. სკოლის თანხების ხარჯვა განხორციელდა სასწავლო პროცესში გამოვლენილი საჭიროებების შესაბამისად.