სსიპ - ზესტაფონის მუნიციპალიტეტის სოფელ ქვედა საზანოს №3 საჯარო სკოლა

მისია სკოლის მისიაა ეროვნული ინტერესებისა და ტრადიციების დამცველი, კრიტიკულად მოაზროვნე, შემოქმედი, ზნეობრივად, სულიერად და ფიზიკურად ჯანსაღი მომავალი თაობის მსოფლიო მოქალაქედ ფორმირებაზე ზრუნვა, რაც ხელს შეუწყობს მოსწავლის მიერ კულტურულ ფასეულობათა პატივისცემას, ქვეყნის სახელმწიფოებრივი, მეცნიერული, ეკონომიკური, ბუნებრივი მონაპოვრების დაცვასა და განვითარებას. ხედვა სკოლას კარგად ესმის, რომ არ არსებობს სწორხაზოვანი სწავლება, რადგან ყველა ბავშვს აქვს ინდივიდუალური ნიჭი, შესაძლებლობა და განვითარების განსხვავებული პოტენციალი, ამიტომ სკოლა ზრუნავს თანადგომით, პასუხისმგებლობით, თანამშრომლობით, სიყვარულითა და ერთგულებით, თითოეულმა მოსწავლემ შეიგრძნოს და დაინახოს საკუთარი განვითარების პროგრესი. 2030 წლისთვის სკოლის პედაგოგთა ხარისხოვან პროფესიულ განვითარებაზე ორიენტირება, ხელშემწყობი იქნება მოსწავლეების ღირებული სასწავლო გამოცდილების და სწავლება/სწავლის ინოვაციური მეთოდების ზიარების და მისცემს მათ მზაობას საერთაშორისო სტანდარტის დონის განათლების მისაღებად. სკოლის ყველა თანამშრომელის ზრუნვა უსაფრთხო გარემოში ბავშვის გონებრივ, ფიზიკურ, ემოციურ და სულიერ განვითარებაზე ხელს შეუწყობს მათ სოციუმის სრულუფასოვან წევრებად ჩამოაყალიბებას. სკოლა ითვალისწინებს, თითოეული მოსწავლის შესაძლებლობებს, პოტენციალს, ხელს უწყობს განსაკუთრებული ნიჭის გამოვლენასა და მაქსიმალურად განვითარებას. მიმართულია საზოგადოების, სკოლისა და ოჯახის კონსტრუქციულ თანამშრომლობასა და პასუხისმგებლობის გადანაწილებაზე. სკოლის ძირითადი ღირებულებებია სამართლიანობა ურთიერთპატივისცემა ტოლერანტობა თანამშრომლობა თანასწორუფლებიანობა გამჭვირვალობა სკოლის ძირითადი პრიორიტეტებია: სწავლის სწავლა უსაფრთხო და მოწესრიგებული გარემო მასწავლებელთა მუდმივი განვითარება და კარიერული ზრდა; გარე პარტნიორული ურთიერთობები; სკოლაში არსებული რესურსების ეფექტურად და ეფექტიანად გამოყენება;.

სკოლის სტრუქტურა სკოლის სტრუქტურა მოიცავს სამეურვეო საბჭოს, პედაგოგიურ საბჭოს, მრჩეველთა საბჭოს,, მოსწავლეთა თვითმმართველობას და დისციპლინურ კომიტეტს. სკოლის დირექციას, ადმინისტრაციას, ტექნიკური პერსონალი, კათედრები, ხარისხის მართვის ჯგუფი. სკოლაში შეიძლება შეიქმნას სააპელაციო კომიტეტი

სასწავლო პროგრამები სკოლაში სწავლა –სწავლება მიმდინარეობს ქართულ ენაზე და  მოიცავს სამ საფეხურს, სწავლება მიმდინარეობს დასწრებული სწავლების მოდელით, რომელიც გულისხმობს , დასწრებით სწავლების ფორმას და სინქრონული სწავლების კომბინაციას. ა) დაწყებითი – I-VI კლასების საგნობრივი კურიკულუმი ბ) საბაზო – VII-  IX კლასების საგნობრივი კურიკულუმი გ) საშუალო - X- XII კლასები საგნობრივი კურიკულუმი 1.დაწყებითი საფეხურის ძირითადი ამოცანებია: ა) შეუქმნას მოსწავლეს პირობები საკუთარი შესაძლებლობების გამოსავლენად და სწავლისათვის საჭირო უნარ-ჩვევების გამოსამუშავებლად; ბ) ჩამოუყალიბოს მოსწავლეს სწავლისადმი პოზიტიური დამოკიდებულება და სამყაროს შემეცნების მიმართ ინტერესი; გ) შეუქმნას მოსწავლეს პირობები  და ჩამოუყალიბოს საფუძვლები შემდგომ, საბაზო საფეხურზე სწავლის წარმატებით გასაგრძელებლად; იმ ცოდნის დასაუფლებლად, უნარ-ჩვევების გასავითარებლად და დამოკიდებულებების ჩამოსაყალიბებლად, რომლებიც მას   მომავალში  დასჭირდება. 2. საბაზო საფეხურის ძირითადი ამოცანებია: ა) დაეხმაროს მოსწავლეს ზოგადი განათლების ეროვნული მიზნების მიღწევაში; ბ) შეუქმნას მოსწავლეს პირობები იმ უნარ-ჩვევების გასავითარებლად, რომლებიც განსაკუთრებით მნიშვნელოვანია მთელი ცხოვრების განმავლობაში; გ) შეუქმნას მოსწავლეს წინაპირობა სწავლის გასაგრძელებლად, ან შრომით ბაზარზე სწორი არჩევანის გასაკეთებლად. 3. საშუალო საფეხურის ძირითადი ამოცანებია: ა) შეუქმნას მოსწავლეს პირობები თანამედროვე მოთხოვნების შესაბამისი განათლების მისაღებად; ბ) დაეხმაროს მოსწავლეს მომავალი არჩევანის გასაკეთებლად (სწავლის გასაგრძელებლად და/ან შრომით საქმიანობაში ჩასაბმელად); გ) მისცეს მოსწავლეს ხარისხიანი სრული ზოგადი განათლება.

სკოლაში საჩივრის/განცხადების განხილვის პრინციპები სკოლაში წარდგენილი საჩივარი/განცხადება განიხილება ობიექტურობისა და სამართლიანობის, მიუკერძოებლობის პრინციპის დაცვით, კანონმდებლობისა და ამ წესის შესაბამისად დადგენილ ვადებში. საჩივრის/განცხადების განხილვისას დაუშვებელია იმ პირის მონაწილეობა, რომელსაც აქვს პირადი ინტერესი, ან/და არსებობს სხვა გარემოება, რომელმაც შესაძლოა ზეგავლენა მოახდინოს გადაწყვეტილების მიღებაზე.

სკოლას აქვს ვაუჩერული დაფინანსება