სსიპ - ტყიბულის მუნიციპალიტეტის სოფელ გურნის საჯარო სკოლა

სსიპ ტყიბულის მუნიციპალიტეტის სოფელ გურნის საჯარო სკოლის მისიაა აღზარდოს მოსწავლე ეროვნულ და ზოგადსაკაცობრიო ღირებულებებზე დაფუძნებულ, განათლებულ, კრიტიკულად მოაზროვნე, ჯანსაღ, კანონმორჩილ და პასუხისმგებლობის მქონე პიროვნებად, რომელსაც გააჩნია თვითდამკვიდრების, დამოუკიდებელი გადაწყვეტილებების მიღებისა და ცვალებად გარემოში ადაპტაციის უნარი. სკოლა ზრუნავს განათლების ხარისხის მუდმივ ამაღლებასა და განახლებაზე, ეროვნული სასწავლო გეგმის საგნობრივი სტანდარტების ეფექტიან განხორციელებაზე და ისეთი უსაფრთხო, პოზიტიური და განვითარებაზე ორიენტირებული საგანმანათლებლო გარემოს შექმნაზე, რომელიც ხელს უწყობს მოსწავლეთა ინტერესებისა და მიდრეკილებების გამოვლენას, კრიტიკული და შემოქმედებითი აზროვნების განვითარებას, თანამედროვე სამეცნიერო და ტექნოლოგიური მიღწევების ფლობასა და პრაქტიკულ გამოყენებას. ჩვენი მისიაა, ოჯახთან და საზოგადოებასთან თანამშრომლობით, შევუქმნათ მოსწავლეებს მყარი საფუძველი ცხოვრებისეული გამოწვევების დასაძლევად, პირადი წარმატებისა და ღირსეული მოქალაქეობრივი პოზიციის დასამკვიდრებლად. სკოლის ხედვა სსიპ ტყიბულის მუნიციპალიტეტის სოფელ გურნის საჯარო სკოლის ხედვაა, იყოს მდგრადი, პროგრესული და მუდმივად განვითარებაზე ორიენტირებული საგანმანათლებლო დაწესებულება, რომელიც ზოგადი განათლების ეროვნული მიზნების, თანამედროვე მოთხოვნებისა და გამოწვევების შესაბამისად უზრუნველყოფს თავისუფალი, კომპეტენტური და მიზანმიმართული პიროვნების ჩამოყალიბებას. სკოლა წარმართავს პიროვნებაზე ორიენტირებულ საგანმანათლებლო-სააღმზრდელო პროცესს, იყენებს პროგრესულ ფსიქო-პედაგოგიურ მიდგომებსა და განათლების თანამედროვე ტექნოლოგიებს, ქმნის გარემოს, სადაც მოსწავლეები ავითარებენ პოზიტიურ უნარ-ჩვევებს, სწავლობენ მიღებული ცოდნის სხვადასხვა სიტუაციებში გამოყენებას და ემზადებიან საზოგადოებაში წარმატებული თვითდამკვიდრებისთვის. გურნის საჯარო სკოლა მიზნად ისახავს წვლილი შეიტანოს ქვეყნის სამეცნიერო, კულტურულ, სოციალურ და ეკონომიკურ განვითარებაში და აღზარდოს თავისუფალი, მოაზროვნე და პასუხისმგებლობის გრძნობის მქონე მოქალაქეები. სკოლის ძირითადი ღირებულებები სამართლიანობა და მიუკერძოებლობა პროფესიონალიზმი და პასუხისმგებლობა ურთიერთთანამშრომლობა ინოვაციური მიდგომები და შემოქმედებითი აზროვნება მოსწავლეთა და პედაგოგთა ინიციატივების მხარდაჭერა პროფესიული ზრდა და უწყვეტი განვითარება

სკოლას ჰყავს დირექტორი, პედაგოგიური საბჭო, სამეურვეო საბჭო, მოსწავლეთა თვითმართველობა, დისციპლინური კომიტეტი, მჩეველთა საბჭო. სკოლას ემსახურება: საქმის მწარმოებელი , სპეციალური პედაგოგი, ბუღალტერი, ტექნიკური პერსონალი, ბიბლიოთეკარი, კათედრის ხელმძღვანელები.