სსიპ - ვაჟა თოდუას სახელობის ქალაქ ლანჩხუთის №3 საჯარო სკოლა

მოსწავლეთა ჩარიცხვის პროცედურები პირველ კლასში მოსწავლის ჩარიცხვა ხორციელდება განათლებისა და მეცნიერების მინისტრის 04/ნ ბრძანების თანახმად. პირველ ეტაპზე რეგისტრირდებიან სსსმ მოსწავლეები და მშობლის მომართვის საფუძველზე იგზავნება მოთხოვნა მოსწავლის შეფასების შესახებ. მიღებული დასკვნის საფუძველზე მოსწავლეს ენიჭება სტატუსი. მეორე ეტაპზე ირიცხებიან მოსწავლეები რომელთა და-ძმა სწავლობს მიმღებ სკოლაში ან მშობელი არის დასაქმებული. ხოლო მესამე ეტაპზე ე. წ. საყოველთაო რეგისტრაცია ხორციელდება ონლაინ registration.emis.ge ვებგვერდის გამოყენებით. დოკუმენტაციის მიღება ხორციელდება კანონით განსაზღვრულ ვადებში. მობილობის შემთხვევაში მშობლის განცხადების საფუძველზე ელექტრონული ბაზის მეშვეობით ხდება მომართვის დადასტურება და მოსწავლის ჩარიცხვა/ამორიცხვა. რაც შეეხება აღიარების შედეგად მოსწავლის ჩარიცხვას, მშობლის მომართვის საფუძველზე სკოლა ამზადებს დასკვნას თავსებადობის შესახებ და აწვდის მშობელს ხარისხის განვითარების ეროვნულ ცენტრში წარსადგენად. მიღებული აღიარების დოკუმენტის თანახმად და მშობლის განცხადების საფუძველზე ხდება მოსწავლის ჩარიცხვა. ხოლო განსხვავებული საგნების დასაძლევად მოსწავლე აბარებს ექსტერნის გამოცდებს. სტატუსის შეჩერება ხდება მშობლის განცხადების საფუძველზე (საზღვარგარეთ გადასვლა; რომლებსაც თავის მხრივ სხვა ვალდებულებები მოყვება, როგორიცაა რეფერირება მანდატურის სამსახურის სოციალურ მუშაკის. სტატუსის შეჩერების შემთხვევაში მშობელს ეგზავნება შეტყობინება, რომ მის შვილს შეუჩერდა სტატუსი. სასკოლო სასწავლო გეგმით გათვალისწინებული წლიური, საშემოდგომო და ექსტერნის გამოცდის დანიშვნის შესახებ ინფორმაციას მშობლები იღებენ სასწავლო წლის დასაწყისში. მშობლებთან კომუნიკაციის მრავალფეროვანი მეთოდები გამოიყენება: პირისპირ შეხვედრები, სატელეფონო კომუნიკაცია, სოციალურ ჯგუფებში კომუნიკაცია. მშობლებთან მათი შვილის მოსწრების, საფეხურის დაძლევის და პიროვნული თვისებების განხილვა ხდება ინდივიდუალურად. შექმნილია ბრძანებით ისგ ჯგუფები; პერიოდულად ხდება სსსმ მოსწავლეების ისგ-ების განხილვა და შეფასება; დოკუმენტები ინახება როგორც სპეციალურ მასწავლებელთან, ასევე დირექციაში. მობილობით მოსწავლის ჩარიცხვა ხდება მშობლის განცხადებისა და ელ. დასტურის საფუძველზე. სკოლა მოსწავლეებს სთავაზობს 3 ტიპის პროგრამას: დაწყებითი, საბაზო და საშუალო. ამ პროგრამებზე ჩარიცხვა ხდება ზემოთ აღნიშნული წესით. საბაზო და საშუალო საფეხურების დაძლევის შემდეგ გაიცემა შესაბამისი კვალიფიკაციის დამადასტურებელი დოკუმენტი.

სსიპ ქალაქ ლანჩხუთის N3 საჯარო სკოლა მდებარეობს მუსხელიშვილის 9/11 მისამართზე. სკოლის ტერიტორიაზე განთავსებულია ორი სასწავლო კორპუსი, ხელოვნურსაფარიანი სტადიონი და სააქტო დარბაზი. სასწავლო კორპუსები წარმოადგენენ ორსართულიან შენობას პანდუსითა და ლიფტებით, სკოლა გარემონტებული და კეთილმოწყობილია. II კორპუსი ძირითადად განკუთვნილია დაწყებითი საფეხურის მოსწავლეთათვის და განთავსებულია რესურს ოთახი, სპორტდარბაზი გასახდელებით, ექიმის ოთახი, ბუფეტი, საკლასო ოთახები, მანდატურის ოთახი, ბიბლიოთეკა, ადმინისტრაციის ოთახები, არქივის ოთახი, კომპიუტერული ლაბორატორია. I კორპუსი განკუთვნილია საბაზო-საშუალო საფეხურის მოსწავლეთათვის და განთავსებულია საკლასო ოთახები, სამასწავლებლო, საბუნებისმეტყველო საგნების ლაბორატორიები, კომპიუტერული ლაბორატორია, ბუფეტი. შენობებში განთავსებულია ადაპტირებული სველი წერტილები. შენობას აქვს 4 საევაკუაციო გეგმა, საევაკუაციო გზის მაჩვენებლებით. უზრუნველყოფილია წყლითა და ელექტრო ენერგიით, ცენტრალური გათბობა გაზითაა უზრუნველყოფილი, დამონტაჟებულია მზის ენერგიის პანელები, სკოლის ეზოში და შენობაში ფუნქციონირებს ვიდეო სათვალთვალო კამერები. სკოლის ეზოში არის სპორტული მწვანესაფარიანი მინი სტადიონი, გამწვანების ზოლი და წყლის ფანტანები, ტერიტორია შემოღობილი და დაცულია.