სსიპ - ლანჩხუთის მუნიციპალიტეტის სოფელ ხაჯალიის საჯარო სკოლა

მისია: სსიპ ლანჩხუთის მუნიციპალიტეტის სოფელ ხაჯალიის საჯარო სკოლის მისიაა ფორმალური და არაფორმალური განათლების გაძლიერებით აღვზარდოთ კრიტიკულად და შემოქმედებითად მოაზროვნე, გარემოსდაცვით კლიმატის ცვლილებებით გამოწვეულ საფრთხეებზე სათანადო რეაგირების მქონე გლობალურად მოაზროვნე მოქალაქე, რომელიც შეძლებს თვითრეალიზაციასა და თავის დამკვიდრებას კონკურენტულ გარემოში. ხედვა: ჩვენი სკოლა ფორმალური და არაფორმალური განათლების გაძლიერებით 2032 წლისთვის იქნება ეროვნულ დონეზე აღიარებული 21-ე საუკუნის უნარ-ჩვევებით აღჭურვილი ზოგადსაგანმანათლებლო დაწესებულება, სადაც ყველა მოსწავლე შეძლებს რეალური ცოდნის შეძენას, მაღალი სააზროვნო უნარების განვითარებას და აღზრდის ეროვნულ და საერთაშორისო დონეზე კონკურენტუნარიან, კრიტიკულად მოაზროვნე, გარემოსდაცვითი ცნობიერების მქონე პატრიოტ პიროვნებას, რომელიც სარგებელს მოუტანს საზოგადოებასა და სახელმწიფოს. ღირებულებები: სკოლა მუდმივად ზრუნავს საზოგადოების წევრებისთვის შემოქმედებითი და თანამშრომლობითი გარემოს შექმნისა და განვითარებისათვის და ხელმძღვანელობს სწავლის პროცესში ჩართული მხარეების საუკეთესო ინტერესებით და საქმიანობას წარმართავს შემდეგ ღირებულებებზე დაყრდნობით: სამართლიანობა: ჩვენ უზრუნველვყოფთ, რომ სკოლის მიერ მიღებული ყველა გადაწყვეტილება შეესაბამებოდეს ჩვენი ქვეყნის მოქმედ კანონმდებლობასა და ითვალისწინებდეს დაინტერესებულ მხარეთა საუკეთესო ინტერესებს. გამჭვირვალობა: ჩვენი საქმიანობა, ხედვები და ღირებულებები საჯაროდაა ხელმისაწვდომი და უზრუნველყოფილია სკოლის საქმიანობის შესახებ ინფორმაციის საჯაროობა. პასუხისმგებლობა: სასკოლო საზოგადოების თითოეულ წევრს გააზრებული აქვს საკუთარი როლი, ფუნქცია და მოვალეობები. თანამშრომლობა: ჩვენი სკოლა ყოველთვის ღიაა კონსტრუქციული თანამშრომლობისათვის და ორიენტირებულნი ვართ პრობლემების გადაჭრაზე. ურთიერთპატივისცემა: კომუნიკაცია ემყარება ერთმანეთის აზრის მოსმენას, გაზიარებასა და გათვალისწინებას. ტოლერანტობა: სასკოლო საზოგადოება ყოველთვის მზადაა ხელი შეუწყოს განსხვავებული მსოფლმხედველობის მიმღებლობას.

სკოლის სტრუქტურა 1. სკოლის სტრუქტურა მოიცავს სამეურვეო საბჭოს, სკოლის დირექციას, პედაგოგიურ საბჭოს, მოსწავლეთა თვითმმართველობას, დისციპლინურ კომიტეტს, სააპელაციო კომიტეტს, ექთანს,ტექნიკურ პერსონალს; 2. სკოლის ხელმძღვანელობასა და წარმომადგენლობას, ახორციელებს სკოლის დირექტორი; 3. სკოლის თვითმმართველობის უმაღლესი არჩევითი ორგანოა სამეურვეო საბჭო. სამეურვეო საბჭო კანონმდებლობით დადგენილ უფლებამოსილების ფარგლებში და წინამდებარე შინაგანაწესის შესაბამისად ასრულებს მასზედ დაკისრებულ მოვალეობას; 4. სკოლას ჰყავს მასწავლებელთა თვითმმართველობის ორგანო – პედაგოგიური საბჭო, რომელშიც შედის სკოლის ყველა პედაგოგი. პედაგოგიური საბჭო სასკოლო სასწავლო გეგმის შესაბამისად დირექტორის მონაწილეობით შეიმუშავებს და სამეურვეო საბჭოსთან შეთანხმებით ამტკიცებს სასკოლო სასწავლო გეგმებს და ასრულებს სკოლის წესდებით განსაზღვრულ ფუნქცია-მოვალეობებს; 5. შრომითი ურთიერთობების საფუძველზე სკოლაში დასაქმებული არიან მასწავლებლები და დამხმარე პერსონალი; 6. სკოლაში დისციპლინური გადაცდომის განხილვის მიზნით სამეურვეო საბჭო ირჩევს დისციპლინურ და სააპელაციო კომიტეტებს.

სკოლა, სკოლის პირველ კლასში მოსწავლის ჩასარიცხად ელექტრონული რეგისტრაციის და ჩასარიცხად აუცილებელი დოკუმენტების წარდგენის ვადების თაობაზე ბრძანებას ათავსებს სკოლის საინფორმაციო დაფაზე, სკოლის ოფიციალურ ვებგვერდსა და სკოლის სოციალურ გვერდზე საჯარო სკოლებში მოსწავლეთა რეგისტრაცია ელექტრონულია. I ეტაპი - სსსმ მოსწავლეების ელექტრონული რეგისტრაცია, რეგისტრაციას უზრუნველყოფს საჯარო სკოლა მოსწავლის მშობლის/კანონიერი წარმომადგენლის განცხადების საფუძველზე. II ეტაპი - რეგისტრირდებიან ბავშვები, რომელთა და-ძმაც სწავლობს სკოლაში; რომელთა მშობელიც სკოლის თანამშრომელია; რომელთა ოჯახიდანაც ერთდროულად ორი, ან მეტი ბავშვი შედის პირველ კლასში. III ეტაპი - საყოველთაო ონლაინ რეგისტრაცია. IV ეტაპი - III ეტაპის დასრულების შემდეგ, განთავისუფლებულ ვაკანტურ ადგილზე ან დარჩენილ თავისუფალ ადგილებზე განხორციელდება იმ მოსწავლეების რეგისტრაცია, რომლებიც ვერ დარეგისტრირდნენ I, II და III ეტაპებზე, ან სურთ რეგისტრაციის შეცვლა. პირველ კლასში მოსწავლის ჩარიცხვისთვის წარსადგენი დოკუმენტაცია: მოსწავლის კანონიერი წარმომადგენლის განცხადება და მოსწავლის დაბადების მოწმობის ან პირადობის დამადასტურებელი დოკუმენტის ასლი და/ან საქართველოში ბინადრობის დამადასტურებელი დოკუმენტის ასლი.

1. სსიპ ლანჩხუთის მუნიციპალიტეტის სოფელ ხაჯალიის საჯარო სკოლის (შემდგომში - სკოლა) შინაგანაწესი (შემდგომში - შინაგანაწესი) შემუშავებულია საქართველოს მოქმედი კანონმდელობის შესაბამისად და აწესრიგებს დაწესებულებაში დასაქმებულთა შრომით ურთიერთობებს. 2. შინაგანაწესი ვრცელდება სკოლაში დასაქმებულ პირებზე, მოსწავლეებსა და მათ მშობლებზე/კანონიერ წარმომადგენლებზე, ასევე სკოლის ტერიტორიაზე მყოფ ნებისმიერ პირზე და სავალდებულოა შესასრულებლად. 3. შინაგანაწესი წარმოადგენს სკოლასა და დასაქმებულებს შორის გაფორმებული შრომითი ხელშეკრულების განუყოფელ ნაწილს. დასაქმებული ვალდებულია გაეცნოს შინაგანაწესს. 4. სკოლაში უზრუნველყოფილია შინაგანაწესის ხელმისაწვდომობა ყველა დაინტერესებული მხარისათვის. 5. დამრიგებელი ვალდებულია სასწავლო წლის დაწყებისას შინაგანაწესი გააცნოს მოსწავლესა და მის მშობელს/კანონიერ წარმომადგენელს, ხოლო შინაგანაწესში განხორციელებული ცვლილება - 5 კალენდარული დღის ვადაში.

დირექტორის ანგარიში, სკოლის ბიუჯეტი, შესყიდვების გეგმა.