სსიპ - ხელვაჩაურის მუნიციპალიტეტის სოფელ აგარის საჯარო სკოლა

სსიპ ხელვაჩაურის მუნიციპალიტეტის სოფელ აგარის საჯარო სკოლის მისია მისია სკოლის მისიაა მოსწავლეებისათვის ეროვნული სასწავლო გეგმით გათვალისწინებული ზოგადი განათლების მიცემა. ეროვნული და ზოგადსაკაცობრიო ღირებულების მქონე თავისუფალ პიროვნებად ჩამოყალიბებისათვის საჭირო პირობების, უსაფრთხო და პოზიტიური გარემოს შექმნა, ცხოვრების ჯანსაღი წესის დამკვიდრება, გონებრივი და ფიზიკური უნარ-ჩვევების განვითარება, დემოკრატიულ ღირებულებებზე დამყარებული სამოქალაქო ცნობიერების ჩამოყალიბება, მოსწავლის მიერ კულტურულ ფასეულობათა პატივისცემა და პატრიოტული სულისკვეთების განვითარება. სკოლის მიზანია აღზარდოს მაღალი აკადემიური განათლების, ანალიტიკურად მოაზროვნე, მოტივირებული, კანონმორჩილი, ტოლერანტი მრავალმხრივად განვითარებული პიროვნება, რომელიც შეძლებს როგორც სხვისი, ისე საკუთარი კულტურის წარმოჩენას, მიიღებს თანამედროვე სტანდარტებთან მიახლოებულ, ხარისხიან, ქართულ ტრადიციებზე დაფუძნებულ განათლებას, შეიტანს საკუთარ წვლილს საზოგადოების წინსვლასა და საქართველოს მსოფლიო ინტეგრაციაში. სკოლის მისია, შესაბამისობაშია ზოგადი განათლების ეროვნულ მიზნებთან და გამოხატავს სკოლის საერთო პრინციპებს: საკუთარი მოვალეობების გააზრებისა და საზოგადოებრივი წესრიგის დაცვის უნარ-ჩვევების განვითარება, ჯანსაღი ცხოვრების წესის დამკვიდრება. მისიას იზიარებენ სკოლის მასწავლებლები, მოსწავლეები, მშობლები, ადმინისტრაციის თანამშრომლები. სკოლის ხედვა 2032 წლისათვის აგარის საჯარო სკოლა იქნება ხელვაჩაურის მუნიციპალიტეტის მასშტაბით მაღალი დონისა და აღიარების მქონე საგანმანათლებლო დაწესებულება, რომელიც უზრუნველყოფს თანამედროვე მიდგომებზე დაფუძნებულ ხარისხიან განათლების დანერგვას, იქნება უსაფრთხო გარემო, სადაც საზოგადოების თითოეული წევრი მხარს დაუჭერს მოსწავლეთა შესაძლებლობებს განათლების გაძლიერების გზით. სკოლის ღირებულებები სკოლის ღირებულებებია: უსაფრთხოება, ხარისხიანი განათლება, თანამედროვე მიდგომების დანერგვა, მშობლებთან პოზიტიური თანამშრომლობითი დამოკიდებულება, მოსწავლეთა 21-ე საუკუნის მოქალაქეობრივ კომპეტენციების ფლობა, ასევე მნიშვნელოვანია: • გამჭვირვალობა: ჩვენი საქმიანობა, ხედვები და ღირებულებები საჯაროდაა ხელმისაწვდომი და წინასწარ ცნობილია ყველა დაინტერესებული პირისათვის, უზრუნველყოფილია სკოლის საქმიანობის შესახებ ინფორმაციის საჯაროობა. • მიუკერძოებლობა: ჩვენ უზრუნველვყოფთ, რომ სკოლის მიერ მიღებული გადაწყვეტილებები შეესაბამება მოქმედ კანონმდებლობასა და ითვალისწინებს დაინტერესებულ მხარეთა საუკეთესო ინტერესებს. • თანამშრომლობა: ჩვენ ღია ვართ დაინტერესებულ მხარეებთან თანამშრომლობისათვის. კონსტრუქციულად განვიხილავთ სიახლეებს, წინადადებებს, განსხვავებულ პოზიციებსა და ორიენტირებულნი ვართ პრობლემების გადაჭრაზე. • ობიექტურობა: ჩვენ მიერ განხორციელებული შეფასებები, ეფუძნება ეროვნულ სასწავლო გეგმას და ფაქტობრივ გარემოებებს. დადგენილი პროცედურები მაქსიმალურად გამორიცხავს შეფასებაში მონაწილე პირების სუბიექტივიზმს. • განვითარება და ინოვაციურობა: სისტემატურად ვაფასებთ ჩვენს საქმიანობას და შეფასების შედეგებზე დაყრდნობით, ვგეგმავთ განვითარების ინოვაციურ გზებს. არ ვერიდებით სიახლეების დანერგვას. დამტკიცებულია სკოლის სამეურვეო საბჭოს 2025 წლის 5 სექტემბრის ოქმი №1 სხდომის მიერ. სკოლის დირექტორი: /გ.ბაკურიძე/ სკოლის სამეურვეო საბჭოს თავ-რე: /შ.აბაშიძე/

აი სკოლის სტრუქტურის სრული იერარქიული და ტექსტური აღწერილობა, რომელიც შეგიძლიათ მარტივად დააკოპიროთ: სსიპ ხელვაჩაურის მუნიციპალიტეტის სოფელ აგარის საჯარო სკოლის სტრუქტურა მმართველი და სათათბირო ორგანოები / კომისიები: • მრჩეველთა საბჭო • სამეურვეო საბჭო • დისციპლინარული კომიტეტი 1. დირექცია და ადმინისტრაცია • დირექტორი • ბუღალტერი • საქმისმწარმოებელი 2. პედაგოგიური საბჭო პედაგოგიური საბჭოს დაქვემდებარებაში არსებული საგნობრივი კათედრები: • მათემატიკის კათედრა • ქართული ენის კათედრა • უცხო ენების კათედრა • დაწყებითი კლასების კათედრა • საბუნებისმეტყველო კათედრა • საზოგადოებრივი კათედრა • ესთეტიკური აღზრდის და სპორტის კათედრა 3. არასაშტატო ერთეული • ექთანი • ცეცხლფარეში • წრის ხელმძღვანელი • დამლაგებელი • დარაჯი 4. მოსწავლეთა თვითმმართველობა და აქტივობები • მოსწავლეთა თვითმმართველობა • კლუბები

სსიპ - ხელვაჩაურის მუნიციპალიტეტის სოფელ აგარის საჯარო სკოლის მოსწავლეთა ადაპტაციის წესი მუხლი 1. ზოგადი ინფორმაცია 1.1. სსიპ - ხელვაჩაურის მუნიციპალიტეტის სოფელ აგარის საჯარო სკოლა (შემდგომში „სკოლა“) დაინტერესებულია ხელი შეუწყოს მოსწავლეთა სკოლაში ადაპტაციას და გააადვილოს სასკოლო პროცესში პირველკლასელთა და მობილობის წესით გადმოსული მოსწავლეების ჩართულობა. ამასთან, აღნიშნული წესი შესაძლოა გამოყენებულ იქნას იმ მოსწავლეების ადაპტაციის პროცესის გასამარტივებლად, რომელთა სასკოლო ცხოვრებაში ჩართვას ართულებს ენობრივი ბარიერის არსებობა. 1.2. წინამდებარე დოკუმენტის მიზანია განსაზღვროს სკოლის მიერ, მისი მიზნებისა და საქმიანობის გათვალისწინებით, მოსწავლეთა სასკოლო ცხოვრებაში ადაპტაციის მექანიზმები და მათი განხორციელების პროცედურები. 1.3. აღნიშნული დოკუმენტის მოქმედება ვრცელდება სკოლაში დასაქმებულ ყველა პირზე, მოსწავლეებზე და მათ მშობლებზე. მუხლი 2. ტერმინთა განმარტება 2.1. წინამდებარე დოკუმენტში გამოყენებული ტერმინები განიმარტება სკოლის საქმიანობის სპეციფიკიდან გამომდინარე. 2.2. ამ წესში გამოყენებულ ტერმინებს აქვთ შემდეგი მნიშვნელობა: • ა) ადაპტაცია - მოსწავლის უნარი, შეეგუოს სასწავლო პროცესსა და სასკოლო ცხოვრებას, დაამყაროს წარმატებული კომუნიკაცია სასკოლო საზოგადოებასთან და ჰქონდეს შესაძლებლობა, ჩაერთოს საგაკვეთილო პროცესში; • ბ) დეზადაპტაცია - მდგომარეობა, როდესაც მოსწავლე ვერ ეგუება სასწავლო პროცესსა და სასკოლო ცხოვრებას, ვერ ამყარებს წარმატებულ კომუნიკაციას სასკოლო საზოგადოებასთან და არ აქვს შესაძლებლობა, ჩაერთოს საგაკვეთილო პროცესში. მუხლი 3. მოსწავლის სასკოლო ცხოვრებაში ადაპტაციის პრინციპები და მნიშვნელოვანი ფაქტორები მოსწავლის სასკოლო პროცესში ადაპტაციისას გათვალისწინებულ უნდა იქნას შემდეგი ფაქტორები: • ა) მოსწავლის ინდივიდუალური თავისებურებები, მისი ხასიათი; • ბ) უფროსი და-ძმის გამოცდილება, ასეთის არსებობის შემთხვევაში; • გ) სასწავლო დატვირთვის ინტენსივობა და საგანმანათლებლო პროგრამების სირთულე – ხშირია შემთხვევები, როდესაც მოსწავლე ვერ ახერხებს სასწავლო პროგრამის წარმატებით დაძლევას, განსაკუთრებით კი სწავლების საწყის ეტაპზე. აღნიშნულმა არ უნდა დააზიანოს მოსწავლის თვითშეფასება და არ უნდა უბიძგოს მას ისეთი ქმედებებისკენ, რომელიც ხელს შეუშლის მისი აკადემიური ჩვევების ჩამოყალიბებას; • დ) ენობრივი ბარიერი ან კულტურული განსხვავებულობა – იმ მოსწავლეებთან, რომლებსაც გააჩნიათ ენობრივი ბარიერი ან კულტურული განსხვავებულობა, აუცილებელია, მასწავლებელმა მიმართოს განსაკუთრებულ ღონისძიებებს მოსწავლის საგაკვეთილო პროცესში ჩასართავად. ამ დროს, განსაკუთრებით დიდია კლასის დამრიგებლის როლი. მან უნდა სცადოს, რომ თუნდაც თარგმანის გამოყენებით, გააცნოს მოსწავლეებს კონკრეტული კულტურის ზოგადი მახასიათებლები მათთვის საინტერესო კუთხით, გამოხატოს პატივისცემა იმ კონკრეტული კულტურის მიმართ, დაამყაროს მარტივი კომუნიკაცია მოსწავლესთან და წაახალისოს სხვა თანაკლასელებიც, ჩართონ იგი საერთო აქტივობებში, როგორიცაა ჯგუფური დავალებები, სხვადასხვა სახის თამაშები და ა.შ. • ე) დამრიგებლის როლი - იმ შემთხვევაში, თუ მოსწავლე ვერ ახერხებს წარმატებით ადაპტაციას, სწორედ კლასის დამრიგებელმა უნდა გამოიჩინოს ინიციატივა და წაახალისოს მოსწავლეები, დაამყარონ კომუნიკაცია კლასის ახალ წევრთან. ამ დროს განსაკუთრებული ყურადღება უნდა დაეთმოს ჯგუფურ დავალებებს, თამაშებს და სხვა ისეთ აქტივობებს, სადაც წარმატების მისაღწევად აუცილებელია კოორდინირებული ქმედებები და ჯგუფის წევრებს შორის კომუნიკაცია; • ვ) მშობლის ფაქტორი – მოსწავლის სკოლაში ადაპტაციისათვის უმნიშვნელოვანესია მშობლის ჩართულობა. უმეტესად, მოსწავლის დეზადაპტაციის ნიშნები სახლში უფრო შესამჩნევია, ვიდრე სკოლაში. ამდენად, მოსწავლის მშობელი მყისიერად უნდა იქნას ინფორმირებული მოსწავლის ადაპტაციისა თუ დეზადაპტაციის ტემპების შესახებ, რათა დროულად იქნას დეზადაპტაციის ნიშნები გამოვლენილი და მოსწავლეს გაეწიოს შესაბამისი დახმარება; • ზ) ფსიქოლოგის როლი - იმ შემთხვევაში, თუ მოსწავლეს გამოუვლინდება დეზადაპტაციის ნიშნები, სასურველია მოსწავლის ფსიქოლოგთან გასაუბრება; • თ) საორიენტაციო ვიზიტი - სასწავლო პროცესის დაწყებამდე ან პირველივე დღეს უნდა მოხდეს სასკოლო გარემოს დათვალიერება, გაცნობა, მოსწავლისათვის საჭირო საორგანიზაციო საკითხების მიწოდება. მუხლი 4. პირველკლასელთა ადაპტაცია 4.1. სასკოლო მზაობისთვის მოსწავლეს მინიმალურად მაინც უნდა ჰქონდეს გამომუშავებული დისციპლინის დაცვის უნარი. უნდა შეეძლოს გარკვეული დროის განმავლობაში კონკრეტული აქტივობების შესრულება, როგორიცაა ხატვა, ძერწვა, გაფერადება და ა.შ. ასევე, მნიშვნელოვანია, რამდენად შეუძლია წესების დამორჩილება და სოციალური ადაპტაცია. შესაძლოა, მოსწავლე გონებრივად კარგად განვითარებულია, მაგრამ ემოციურად და ფსიქიკურად მზად არაა სკოლისთვის. ამასთან, სხვადასხვა მიზეზის გამო პირველკლასელები ძალიან განსხვავდებიან ერთმანეთისგან სკოლისათვის მზაობის დონით – არა მხოლოდ ინტელექტუალური, არამედ ფიზიკური, პიროვნული და სოციალური მზაობის დონითაც. პირველკლასელი მოსწავლეების საკმაოდ დიდ ნაწილს ასევე უჭირს ინსტრუქციის შესაბამისად მოქმედება, რაც საგაკვეთილო პროცესის წარმატებით განხორციელების შემაფერხებელ მნიშვნელოვან ფაქტორად შეიძლება იქცეს.

აი „გასაჩივრების წესის“ სრული ტექსტი, რომელიც შეგიძლიათ მარტივად დააკოპიროთ: დამტკიცებულია აგარის საჯარო სკოლის დირექტორის ბრძანებით N023/02 სსიპ ხელვაჩაურის მუნიციპალიტეტის სოფელ აგარის საჯარო სკოლის გასაჩივრების წესი მუხლი 1. ზოგადი დებულებები 1.1. წინამდებარე წესი განსაზღვრავს სსიპ ხელვაჩაურის მუნიციპალიტეტის სოფელ აგარის საჯარო სკოლაში მიღებული გადაწყვეტილებების, მოქმედებებისა და უმოქმედობის გასაჩივრების პროცედურას. 1.2. წესი ეფუძნება საქართველოს მოქმედ კანონმდებლობას, სკოლის წესდებასა და შიდა რეგულაციებს. 1.3. გასაჩივრების უფლება აქვთ მოსწავლეებს, მათ კანონიერ წარმომადგენლებს, მასწავლებლებსა და სკოლის სხვა თანამშრომლებს. მუხლი 2. გასაჩივრების საგანი 2.1. გასაჩივრდეს შეიძლება: ა) სასწავლო პროცესთან დაკავშირებული გადაწყვეტილებები (შეფასება, დისციპლინური ღონისძიება და სხვა); ბ) სკოლის ადმინისტრაციის მიერ მიღებული ინდივიდუალური ადმინისტრაციული აქტი; გ) სკოლის თანამშრომლის ქმედება ან უმოქმედობა; დ) სკოლის შიდა წესების შესაძლო დარღვევა. მუხლი 3. საჩივრის წარდგენის წესი 3.1. საჩივარი წარედგინება წერილობით სკოლის დირექტორს. 3.2. საჩივარი უნდა შეიცავდეს: ა) მომჩივნის სახელს, გვარს და საკონტაქტო ინფორმაციას; ბ) გასაჩივრებული გადაწყვეტილების/ქმედების აღწერას; გ) მოთხოვნას; დ) თარიღსა და ხელმოწერას. 3.3. საჩივარი წარდგენილი უნდა იყოს გადაწყვეტილების გაცნობიდან არაუგვიანეს 10 სამუშაო დღისა, თუ კანონმდებლობით სხვა ვადა არ არის განსაზღვრული. მუხლი 4. საჩივრის განხილვა 4.1. დირექტორი ვალდებულია საჩივარი განიხილოს 10 სამუშაო დღის ვადაში. 4.2. საჭიროების შემთხვევაში დირექტორი ქმნის კომისიას საკითხის შესასწავლად. 4.3. კომისია უზრუნველყოფს მხარეთა მოსმენას და შესაბამისი დასკვნის მომზადებას. 4.4. გადაწყვეტილება მიიღება წერილობით და ეცნობება მომჩივანს. მუხლი 5. გადაწყვეტილების გასაჩივრება ზემდგომ ორგანოში 5.1. დირექტორის გადაწყვეტილების გასაჩივრება შესაძლებელია კანონმდებლობით დადგენილი წესით შესაბამის ზემდგომ ორგანოში. 5.2. მომჩივანს უფლება აქვს მიმართოს სასამართლოს საქართველოს კანონმდებლობის შესაბამისად. მუხლი 6. კონფიდენციალურობა და მიუკერძოებლობა 6.1. საჩივრის განხილვა ხდება მიუკერძოებლად და სამართლიანობის პრინციპის დაცვით. 6.2. საჩივართან დაკავშირებული ინფორმაცია არის კონფიდენციალური, გარდა კანონით გათვალისწინებული შემთხვევებისა. მუხლი 7. დასკვნითი დებულებები 7.1. წესი მტკიცდება სკოლის დირექტორის ბრძანებით. 7.2. წესში ცვლილებების შეტანა ხდება მოქმედი კანონმდებლობის შესაბამისად. 7.3. წესი ძალაში შედის დამტკიცების დღიდან.

სკოლა არის სრულად რეაბილიტირებული. საკლასო ოთახები მოწესრიგებულია, აღჭურვილია თანამედროვე სასკოლო ინვენტარით. სააქტო დარბაზი აღჭურვილია მიკროფონებითა და ხმის გამაძლიერებლებით. ბიბლიოთეკა მოწყობილია შესაბამისი დგამ ავეჯით, ელექტრონული დაფით და პროექტორით. სპორტ დარბაზი შეესაბამება თანამედროვე მოთხოვნებს აღჭურვილია მრავალფეროვანი სპორტული ინვენტარით.

2025წლის შესყიდვების გეგმა