სსიპ - ქალაქ თბილისის №71 საჯარო სკოლა

სსიპ ქალაქ თბილისის N71 საჯარო სკოლის მისია არის მოსწავლეებში ოცდამეერთე საუკუნის განვითარების მოთხოვნის შესაბამისი ინტელექტუალური შესაძლებლობების, სამოქალაქო ცნობიერების, ეროვნული ღირებულებებისა და ლინგვისტური უნარ-ჩვევების მქონე პიროვნების აღზრდა. ჩვენი სკოლის ხედვა გამომდინარეობს სკოლის მისიიდან და გვიჩვენებს იმას, თუ სად სურს სკოლას დამკვიდრება გრძელვადიან პერსპექტივაში, რათა სკოლა გახდეს კიდევ უფრო პრესტიჟული, კონკურენტუნარიანი, წარმატებული და იყოს ლიდერი საგანმანათლებლო სივრცეში. ამასთანავე, სკოლა ორიენტირებულია აღზარდოს ეროვნული და ზოგადსაკაცობრიო ღირებულებების მატარებელი თავისუფალი პიროვნება, რომელსაც მისცემს სწავლების კონსტრუქტივისტულ პრინციპებზე დამყარებულ საფუძვლიან განათლებას. სკოლის ხედვა და მისია შეესაბამება ზოგადი განათლების ეროვნულ მიზნებს.

სტრუქტურა მიბმულია ლინკით

მოსწავლეთა ქცევის კოდექსი და შინაგანაწესი

სკოლის შენობა არის ტიპიური 4 სართულიანი, რომელიც გადასასვლელი ხიდით უერთდება დამხმარე შენობას. თითოეულ სართულზე არის საკლასო ოთახები, კომპიუტერული ლაბორატორია, საბუნებისმეტყველო მეცნიერებების ლაბორატორია, უცხოური ენების ოთახი, STEM ოთახი, რესურს ოთახი, ექიმის კაბინეტი, მანდატურის ოთახი. დამხმარე შენობაში არის კანცელარია, საკლასო ოთახები, ბიბლიოთეკა, სპორტული დარბაზი. სკოლის ეზოში არის საქვაბე, გარე საფეხბურთო სტადიონი და ხელოვნურსაფარიანი სპორტული მოედანი. სკოლას აქვს გარე პადუსი, ამწე მექანიზმი ეტლით მოსარგებლე მოსწავლეებისთვის და ადაპტირებული სველი წერტილები სსსმ ბავშვებისთვის..