სსიპ - ქობულეთის მუნიციპალიტეტის სოფელ დაგვას საჯარო სკოლა

სსიპ ქობულეთის მუნიციპალიტეტის სოფელ დაგვას საჯარო სკოლის მისიაა უსაფრთხო და პოზიტიური გარემოს შექმნა, სადაც ყველა ბავშვი თავდაჯერებული, მოაზროვნე, მაძიებელი, წიგნიერი, მიღებული და დაფასებულია, სადაც სწავლა სასიამოვნო, საინტერესო პროცესია წარმატების მისაღწევად. ინტელექტუალური თუ მატერიალური ღირებულებების შესაქმნელად მოზარდებს ჩამოვუყალიბებთ თანამედროვე დემოკრატიული საზოგადოების ფუნქციონირებისათვის აუცილებელ უნარ-ჩვევებს, დავეხმარებით ქვეყნის ინტერესების, ტრადიციებისა და ღირებულებების მიმართ საკუთარი პასუხისმგებლობის, უფლება-მოვალეობების გაცნობიერებაში. ხედვა 2030 წლისთვის სასკოლო საზოგადოების კონსტრუქციული თანამშრომლობით თანამედროვე გამოწვევების შესაბამისად შევქმნათ ისეთი გარემო, რომელიც ხელს შეუწყობს თითოეული მოზარდის პოტენციალის სრულფასოვან გამოვლენას და წარმატებას, დამოუკიდებელი ცხოვრებისათვის საჭირო უნარ-ჩვევების გამომუშავებას, ყოველმხრივ განვითარებულ ადამიანად ჩამოყალიბებას. ღირებულებებია უსაფრთხოება, განათლების მაღალი ხარისხი, პედაგოგების კომპეტენტურობა და უწყვეტი განვითარება, თანამედროვე მიდგომებისა და ინოვაციების დანერგვა, კოლეგიალური მხარდაჭერა და თანამშრომლობა, დემოკრატიულობა, კანონმორჩილება, ტოლერანტობა, შემოქმედებითობა, პატრიოტიზმი, მოქალაქეობა.

სსიპ ქობულეთის მუნიციპალიტეტის სოფელ დაგვას საჯარო სკოლის სტრუქტურა დირექტორი სამეურვეო საბჭო - დისციპლინური კომიტეტი მანდატური - მრჩეველთა საბჭო დირექტორის მოადგილე ბუღალტერი ადმინისტრატორი საქმისმწარმოებელი ბიბლიოთეკარი ექთანი სპეც. მასწავლებელი მოსწავლეთა თვითმმართველობა - კლუბები ეკოკლუბი ხელოვნების კლუბი მკითხველთა კლუბი ინტელექტ კლუბი საგნობრივი კათედრები - სახელმწიფო ენის - მათემატიკის - საზოგადოებრივი მეცნიერებების - საბუნებისმეტყველო - უცხოური ენების - ესთეტიკის - სპორტის - დაწყებითი კლასების ტექნიკური პერსონალი - დამლაგებელი - დარაჯი - ცეცხლფარეში

სსიპ ქობულეთის მუნიციპალიტეტის სოფელ დაგვას საჯარო სკოლაში ქცევის წესების დასარეგულირებლად გამოყენებულია შემდეგი მექანიზმები: ინფორმირება და გაცნობა: შინაგანაწესი (და სკოლის სხვა დოკუმენტები) საჯაროდ ხელმისაწვდომია და სავალდებულოა ყველა მხარისთვის. დამრიგებელი ვალდებულია, სასწავლო წლის დასაწყისში გააცნოს შინაგანაწესი მოსწავლეებსა და მშობლებს, ხოლო თანამშრომლები ხელმოწერით ადასტურებენ შინაგანაწესის გაცნობას. წახალისება: სკოლა იყენებს წახალისების სხვადასხვა ფორმებს, როგორიცაა მადლობის გამოცხადება, სიგელები და ფასიანი საჩუქრები, როგორც თანამშრომლებისთვის, ისე მოსწავლეებისთვის. დისციპლინური ზომები: სკოლის შინაგანაწესი დეტალურად აღწერს დისციპლინურ გადაცდომებსა და შესაბამის სასჯელებს, მათ შორის შენიშვნას, გაფრთხილებას, საყვედურს, ფინანსურ სანქციებს და გათავისუფლებას. განსაზღვრულია დისციპლინური წარმოების პროცედურები, მათ შორის გადაცდომების განხილვის უფლებამოსილი ორგანოები. სკოლაში შექმნილია დისციპლინური კომიტეტი, რომელიც განიხილავს დისციპლინურ გადაცდომებს. დოკუმენტი განსაზღვრავს დისციპლინურ გადაცდომებს, როგორც თანამშრომლებისთვის, ასევე მოსწავლეებისთვის. უსაფრთხოების ზომები: სკოლა იყენებს ვიდეოთვალთვალის სისტემას, ხანძარსაწინააღმდეგო ინვენტარს და ევაკუაციის გეგმას უსაფრთხოების უზრუნველსაყოფად. მოსწავლეთა უსაფრთხოებაზე ასევე ზრუნავს სკოლის მანდატურები. სკოლის შინაგანაწესი განსაზღვრავს ქცევის წესებს საგანგებო სიტუაციებში. პასუხისმგებლობის განსაზღვრა: სკოლის შინაგანაწესი განსაზღვრავს თითოეული მხარის პასუხისმგებლობებს, რაც ხელს უწყობს წესრიგის დაცვას. კონფლიქტის მოგვარების მექანიზმები: სკოლის შინაგანაწესი განსაზღვრავს განცხადების/საჩივრის განხილვის წესებს, ასევე მრჩეველთა საბჭოს რეკომენდაციების შესრულების წესებს.

სსიპ ქობულეთის მუნიციპალიტეტის სოფელ დაგვს საჯარო სკოლა