სსიპ - აკადემიკოს ივანე ჯავახიშვილის სახელობის ქალაქ თბილისის №53 საჯარო სკოლა

სკოლის მისია სკოლის მისიაა - დემოკრატიულ პრინციპებსა და ეროვნულ-პატრიოტულ ღირებულებებზე დამყარებული უსაფრთხო და განვითარების მხარდამჭერ სივრცეში, STEM მიმართულების გაძლიერებით აღვზარდოთ თანამედროვე გამოწვევებზე მორგებული, კონკურენტუნარიანი, ანალიტიკური და კრიტიკული აზროვნების უნარის მქონე და აკადემიური ცოდნით აღჭურვილი თაობა. სკოლის ხედვა სკოლის ხედვა: თითოეული მოსწავლისათვის ხარისხიანი, თანაბარი და უწყვეტი განათლებით, მათთვის ღია და ხელმისაწვდომი უახლესი სტანდარტების მქონე STEM ლაბორატორიის საშუალებით, კვლევითი და საბუნებისმეტყველო ინტერესების გაღვივებით, თანამედროვე ტექნოლოგიებთან მუშაობის პრაქტიკული უნარების ჩამოყალიბებით შევქმნათ ისეთი გარემო, სადაც მოსწავლეები შეძლებენ საზოგადოებრივი ცხოვრებისათვის საჭირო უნარ-ჩვევების გამომუშავებასა და საკუთარი პოტენციალის სრულფასოვან გამოვლენას. სკოლის ღირებულებები: ჩვენი სკოლის ღირებულებები განუყოფელი ნაწილია იმისა, თუ ვინ ვართ ჩვენ, როგორც ხალხი და როგორც საზოგადოება. ჩვენი სკოლის საზოგადოების ყველა წევრი პასუხისმეგებლია იმ ღირებულებების დემონსტრირებაზე, რომლებიც განსაზღვრავენ ჩვენს არჩევანსა და ჩვენს ქმედებებს. ურთიერთპატივისცემა სკოლაში ბავშვებსა და უფროსებს შორის ურთიერთობები აგებულია ნდობაზე, გაძლიერებულია გუნდურობა. ურთიერთპატივისცემა სუფევს საზოგადოების ყველა წევრს შორის: მოსწავლეებს, მასწავლებლებს, ადმინისტრაციასა და სკოლის სხვა პერსონალს შორის პარტნიორობის საფუძველზე. თითოეული მოსწავლე ღირსეულად გრძნობს თავს და იცის, რომ მისი აზრი მნიშვნელოვანია და ღირებული მასწავლებლისთვის. სკოლაში არის შემწყნარებლობა, ზრუნვასა და მხარდაჭერაზე ორიენტირებული გარემო. სასწავლო პროცესში გათვალისწინებულია თანამედროვე ცხოვრების მოთხოვნები და გაძლიერებულია აკადემიური ცოდნა თვითგანათლების, გლობალური აზროვნების და ამ სამყაროში ადამიანის მნიშვნელოვანი როლის გაცნობიერებით. პასუხისმგებლობა სკოლის თითოეული წევრი პასუხს აგებს საკუთარ ქმედებებზე, ყურადღებით და პატივისცემით ეპყრობა სხვის აზრს, პატივს სცემს სხვის საკუთრებას , თანასწორი და სამართლიანი დამოკიდებულება აქვს სხვების მიმართ. თანასწორობა და მიმღებლობა სასკოლო საზოგადოების თითოეულ წევრს ესმის, რომ ყველა ადამიანს აქვს განსხვავებული იდეები, რწმენა და კულტურა და შეუძლია მიიღოს ის, როგორი ერთნაირი ან გასხვავებულიც არ უნდა იყოს მისგან. შეგვიძლია სხვებთან თანამშრომლობა, გამხნევება და მათი გაერთიანება, გვაქვს პოზიტიური დამოკიდებულება გარეშემო მყოფთა მიმართ; გვემესმის სხვებთან ურთიერთობისა და ჰარმონიის მნიშვნელობა. სიმტკიცე სკოლის თითოეული წევრი არასოდეს ნებდება, აკეთებს სწორ არჩევანს. რთულ სიტუაციაშიც კი ინარჩუნებს სიმშვიდეს, ითხოვს დახმარებას პრობლემის გადასაჭრელად, აწარმოებს მოლაპარაკებებს ხალხთან და ესმის, რომ ყოველთვის მის სასარგებლოდ არ გადაწყდება. აცნობიერებს საკუთარ ემოციებს და იმ ზეგავლენას, რასაც ისინი მასსა და სხვებზე ახდენს. აქვს თვითრწმენა, სწავლობს შეცდომებზე, უკან არ იხევს წინააღმდეგობისას, არის ახლის ძიებაში და არ ეშინნია, იყოს განსხვავებული და ყოველთვის ისმენს რჩევებს. ეთიკური და ზნეობრივი პრინციპების დაცვა სასკოლო საზოგადოების წევრებს გაცნობიერებული აქვთ, რომ ეთიკურ- ზნეობრივი ნორმების დაცვა მნიშვნელოვნად შეუწყობს ხელს თავად მოსწავლეების განვითარებას. ისინი საკუთარი ქცევით მაგალითი უნდა იყვნენ მომავალი თაობისთვის. თავის მხრივ მოსწავლეების მხრიდან ამ ღირებულების დაცვა დიდწილად განსაზღვრავს მათ სამომავლო ადგილს სოციუმში.

სსიპ- აკადემიკოს ივანე ჯავახიშვილის სახელობის ქალქ თბილისის 53-ე საჯარო სკოლის სტრუქტურა

სსიპ -აკადემიკოს ივანე ჯავახიშვილის სახელობის ქალაქ თბილისის 53-ე საჯარო სკოლის სასკოლო სასწავლო გეგმა სკოლაში ფუნქციონირებს კლუბები: დებატების კლუბი; წიგნიერების კლუბი; სპორტის მოყვარულთ კლუბი; ხელოვნების კლუბი

სსიპ -აკადემიკოს ივანე ჯავახიშვილის სახელობის ქალაქ თბილისის 53-ე საჯარო სკოლის შინაგანაწესი დამტკიცებულია გასაჩივრების მექნიზმები

სსიპ -აკადემიკოს ივანე ჯავახიშვილის სახელობის ქალაქ თბილისის 53-ე საჯარო სკოლის ბიუჯეტი.