სსიპ - ქალაქ თბილისის №28 საჯარო სკოლა

სსიპ ქ. თბილისის N 28 საჯარო სკოლის მისიაა: მშვიდი, ჯანსაღი და პიროვნულ განვითარებაზე ორიენტირებული უსაფრთხო გარემოს შექმნა, რომელიც ხელს შეუწყობს მოსწავლეთა თვითრეალიზაციას და მათი სამოქალაქო ცნობიერების ჩამოყალიბებას. მისიის შესაბამისად, სკოლას შემუშავებული აქვს შემდეგი ხედვა: სკოლა არის უსაფრთხო, ეკოლოგიური და ხარისხის განვითარებაზე ორიენტირებული საჯარო საგანმანათლებლო დაწესებულება, რომელიც მიმდებარე თემს პროფესიონალთა ძლიერი გუნდის დახმარებით და ეროვნული სასწავლო გეგმის მოთხოვნების გათვალისწინებით, სთავაზობს მოსწავლეზე ორიენტირებულ განათლებას სწავლების სამივე საფეხურზე. სკოლის ღირებულებებია: • თანამშრომლობა; • ობიექტურობა; • გამჭვირვალობა; • განვითარება;

სსიპ ქალაქ თბილისის N28 საჯარო სკოლა სასწავლო პროცესს ახორციელებს ქართულ ენაზე, დაწყებით, (1-6 ); საბაზო ( 7-8-9-10 ); საშუალო (11-12) საფეხურებზე;

დამტკიცებულია 2023 წლის 18 სექტემბერს სსიპ ქალაქ თბილისის N28 საჯარო სკოლის მიმართ წარდგენილი საჩივრის/განცხადების განხილვის მექანიზმები მუხლი 1. ზოგადი დებულებები 1. სსიპ ქალაქ თბილისის N28 საჯარო სკოლის მიმართ წარდგენილი განცხადების/საჩივრის განხილვის დოკუმენტი განსაზღვრავს სკოლაში წარდგენილი განცხადების/ საჩივრის დარეგისტრირების, განხილვისა და შედეგის დადგენის პროცედურებს. 2. წინამდებარე დოკუმენტის მიზანია სასკოლო საზოგადოების წევრების უსაფრთხოებისა და მათი კანონიერი უფლებების დაცვა. 3. დოკუმენტი შემუშავებულია „ზოგადი განათლების შესახებ“ საქართველოს კანონის, მასწავლებელთა დისციპლინური წარმოების წესის დამტკიცების შესახებ“ საქართველოს განათლებისა და მეცნიერების მინისტრის 2014 წლის 30 დეკემბრის №167/ნ ბრძანებისა და სხვა მოქმედი საკანონმდებლო აქტების საფუძველზე. მუხლი 2. გასაჩივრების მექანიზმები 1. საჩივრების მიუკერძოებელი და დამოუკიდებელი განხილვისთვის სკოლას განსაზღვრული აქვს ეფექტიანი საშუალებები: • გასაჩივრების პროცედურების ხელმისაწვდომობა; • გასაჩივრების პროცედურების სიმარტივე; • საჩივრის განხილვის/გამოძიებისა და გადაწყვეტისათვის გონივრული და მკაფიოდ განსაზღვრული დრო; • საჩივრით წამოჭრილი საკითხების სამართლიანი, სრული და მიუკერძოებელი განხილვა/გამოძიება და გადაწყვეტა. 2. სკოლაში მოქმედი საჩივრების პროცედურები საჯარო და ფართოდ ხელმისაწვდომია. თითოეულ დაინტერესებულ პირს აქვს შესაძლებლობა, მიიღოს ამომწურავი ინფორმაცია მისი უფლებების, სკოლაში არსებული საჩივრების სისტემისა და პროცედურების შესახებ. ინფორმაცია საჩივრების პროცედურების შესახებ მიეწოდება მოსწავლეებს, მათ მშობლებსა და მასწავლებლებს სკოლაში სწავლის ან მუშაობის დაწყებისას, ასევე ქვეყნდება სკოლის ვებ-გვერდზე და განთავსდება სკოლის შენობაში თვალსაჩინო ადგილას. მუხლი 3. საჩივრების განმხილველი პირი/პირები/ორგანო 1. საჩივარს/განცხადებას განიხილავს სკოლის დირექტორი, სამეურვეო საბჭო ან დისციპლინური და სააპელაციო კომიტეტები, რომლებიც იქმნება სამეურვეო საბჭოს მიერ . მუხლი 4. დისციპლინურ წარმოებაში მონაწილეობის დაუშვებლობა 1. დისციპლინურ წარმოებაში არ შეიძლება მონაწილეობდეს პირი, რომელიც: ა) თვითონ არის დაინტერესებული მხარე საქმეში; ბ) საქმეში მონაწილე დაინტერესებული მხარის ან მისი წარმომადგენლის ნათესავია; გ) საქმეში მონაწილე დაინტერესებული მხარის წარმომადგენელია; დ) არის ექსპერტი მოცემულ საკითხთან დაკავშირებით; ე) საქმეში მონაწილე დაინტერესებული მხარის ან მისი წარმომადგენლის ოჯახის წევრია. მუხლი 5. აცილების განცხადება 1. დისციპლინურ წარმოებაში მონაწილე დაინტერესებულ მხარეს, რომელიც მიიჩნევს, რომ არსებობს საჩივრების განმხილველი პირის/პირების აცილების საფუძველი, უფლება აქვს წერილობით განუცხადოს მას აცილება; 2. აცილების შესახებ განცხადება დასაბუთებული უნდა იყოს; 3. წევრის აცილების საკითხი წყდება მისი მონაწილეობით ან მის გარეშე; 4. დისციპლინურ წარმოებაში მონაწილე დაინტერესებული მხარე ვალდებულია აცილების შესახებ განცხადება წარადგინოს დისციპლინური წარმოების დაწყებიდან ან იმ მომენტიდან 2 დღის განმავლობაში, როდესაც მისთვის ცნობილი გახდა ფაქტი ან გარემოება, რომელიც იძლევა აცილების საფუძველს. მუხლი 6. გასაჩივრების სუბიექტი 1. ფორმალური საჩივრის წარდგენის უფლება აქვს სასკოლო საზოგადოების ყველა დაინტერესებულ პირს, რომლის კანონიერ ინტერესზე გავლენას ახდენს სკოლის მიერ გამოცემული ადმინისტრაციული აქტი ან სხვა ქმედება. მუხლი 7. გასაჩივრების ვადები 1. საჩივრის წარდგენა უნდა მოხდეს სადავო ქმედების განხორციელებიდან ან ადმინისტრაციული აქტის გამოცემიდან 30 დღის ვადაში. გაშვებული ვადა უნდა აღდგეს, თუ 30-დღიანი ვადის გაშვება მოხდა დაუძლეველი ძალის, ავადმყოფობის, სკოლის ან სხვა საპატიო მიზეზით. მუხლი 8. წარმომადგენლობის უფლება 1. საჩივრის საფუძველზე ინიცირებული საქმისწარმოების მხარეს უფლება აქვს, საჩივართან დაკავშირებულ ნებისმიერ განხილვაზე თუ შეხვედრაზე კანონიერი წარმომადგენლის ან დამცველის თანხლებით გამოცხადდეს. მუხლი 9. საჩივრის სახეები: 1. ადმინისტრაციული საჩივარი - მასწავლებელი, მოსწავლე, მშობელი ან მოსწავლის სხვა კანონიერი წარმომადგენელი უფლებამოსილია, გაასაჩივროს სკოლის მიერ გამოცემული ადმინისტრაციული აქტი. ადმინისტრაციული საჩივრის წარდგენის საფუძველი შეიძლება გახდეს აგრეთვე მოსწავლის ან მასწავლებლის დისკრიმინაცია, მათი უფლებებისა და კანონიერი ინტერესების უსამართლო შეზღუდვა სკოლის მიერ. საჩივარი შეიძლება დაკავშირებული იყოს ასევე სკოლის მიერ საგანმანათლებლო ან სხვა სახის მომსახურების უზრუნველყოფასთან. ადმინისტრაციული საჩივრის წარდგენა აჩერებს გასაჩივრებული ადმინისტრაციული აქტის მოქმედებას, გარდა იმ შემთხვევისა, როდესაც ადმინისტრაციული აქტის მოქმედების შეჩერება გამოიწვევს მნიშვნელოვან მატერიალურ ზიანს ან საფრთხეს შეუქმნის სკოლაში არსებულ წესრიგს. საჯაროობა და გამჭვირვალობა ადმინისტრაციული საჩივრის საფუძველზე ინიცირებული საქმისწარმოების ობიექტურად წარმართვის ერთ-ერთი ძირითადი გარანტიაა. ამიტომ სკოლა ვალდებულია, უზრუნველყოს ყველა დაინტერესებული პირის შესაძლებლობა, დაესწროს საჩივრის განხილვას. ინფორმაცია ადმინისტრაციული საჩივრის საჯარო განხილვის ადგილისა და თარიღის შესახებ უნდა გამოქვეყნდეს და გავრცელდეს არანაკლებ 7 დღით ადრე საჩივრის განმხილველი ორგანოს სხდომის გამართვამდე. ასევე საჯაროდ უნდა გამოქვეყნდეს საჩივართან დაკავშირებით მიღებული გადაწყვეტილება. 2. აკადემიური საჩივარი - მოსწავლის აკადემიური მოსწრების შეფასება მასწავლებლის დისკრეციას (უფლებამოს

სპორტული დარბაზი, ბიბლიოთეკა, რესურს ოთახი, სკოლა ნახევრად ადაპტირებულია.

ზოგადი განათლების შესახებ’’ საქართველოს კანონის 43-ე მუხლის პირველი პუნქტის ,,თ’’ ქვეპუნქტისა და ,,ზოგადსაგანმანათლებლო დაწესებულებების საჯარო სამართლის იურიდიულ პირებად დაფუძნებისა და საჯარო სკოლის წესდების დამტკიცების შესახებ’’ საქართველოს განათლებისა და მეცნიერების მინისტრის 2005 წლის 15 სექტემბრის N448 ბრძანების დანართი N1-ით დამტკიცებული ,,საჯარო სკოლის წესდების“ მე-7 მუხლის პირველი პუნქტის ,,კ’’ ქვეპუნქტის თანახმად, სკოლის დირექტორს ეკისრება ვალდებულება ყოველი წლის 10 დეკემბრამდე სამეურვეო საბჭოს წინაშე წარსდგეს და გააცნოს ანგარიში ფინანსური საქმიანობისა და სასწავლო პროცესის მიმდინარეობის შესახებ.