სსიპ - ქალაქ თბილისის №156 საჯარო სკოლა

სსიპ ქალაქ თბილისის N156 საჯარო სკოლის ფილოსიფია სსიპ ქალაქ თბილისის N156 საჯარო სკოლის მისიაა არაფორმალური განათლების მიმართულებით გაძლერებული სწავლება, რაც დაეხმარება მოსწავლეებს ნიჭისა და შესაძლებლობების გამოვლენა/განვითარებაში. სსიპ ქალაქ თბილისის N156 საჯარო სკოლის ხედვას წარმოადგენს არაფორმალური განათლების მიმართულებით სკოლის ბაზაზე გააძლიეროს საკლუბო მუშაობა, შესთავაზოს თემატური მასტერკლასები და აქტივობები, რომელიც თითოეულ მოსწავლეს აუმაღლებს შინაგან მოტივაციას და ხელს შეუწყობს მათ ზნეობრივი, ფიზიკური, სოციალური და კოგნიტური უნარების განვითარებას. სსიპ ქალაქ თბილისის N156 საჯარო სკოლის ღირებულებებია თანამშრომლობა და გუნდურობა; კომუნიკაცია და გამჭირვალობა ; თანასწორობა,უსაფრთხოება და დემოკრატიულობა ; თანამშრომლობა გარე ინსტიტუციებთან; პასუხისმგებლობა და და ინიციატივა;

სსიპ ქალაქ თბილისის N156 საჯარო სკოლის სტრუქტურა

სასკოლო სასწავლო გეგმა

სსიპ ქალაქ თბილისის N156 საჯარო სკოლის შინაგანაწესი შემუშავებულია საქართველოს კონსტიტუციის, საქართველოს ორგანული კანონის ,,საქართველოს შრომის კოდექსის“ და მოქმედი კანონმდებლობის შესაბამისად, რომელთა გათვალისწინებაც აუცილებელია სკოლისათვის, რომელიც ახორციელებს ზოგადსაგანმანათლებლო საქმიანობას. შინაგანაწესის მიზანია: ა) სკოლის საქმიანობისათვის ხელშეწყობა, სკოლის მისიის შესრულება, სკოლაში უსაფრთხო სასწავლო გარემოს შექმნა; ბ) სკოლაში დასაქმებულ პირთა შრომითი და მისი თანამდევი ურთიერთობის მოწესრიგება და კონტროლი; გ) სკოლაში დისციპლინის დაცვის უზრუნველყოფა; დ) სასწავლო-სამუშაო დროის რეგულირება და რაციონალური გამოყენება; ე) სკოლაში სასწავლო პროცესის ნორმალურად წარმართვისა და დისციპლინის განმტკიცებისათვის მოსწავლეთა ქცევის წესების მოწესრიგება და კონტროლი. სკოლასა და დასაქმებულებს/მოსწავლეებს შორის აკრძალულია ნებისმიერი სახის დისკრიმინაცია რასის, კანის ფერის, ენის, ეთნიკური და სოციალური კუთვნილების, ეროვნების, წარმოშობის, ქონებრივი და წოდებრივი მდგომარეობის, საცხოვრებელი ადგილის, ასაკის, სქესის, სექსუალური ორიენტაციის, შეზღუდული შესაძლებლობების, რელიგიური ან რაიმე გაერთიანებისადმი კუთვნილების, ოჯახური მდგომარეობის, პოლიტიკური და სხვა შეხედულებების გამო. შინაგანაწესი ხელმისაწვდომი უნდა იყოს ყველა დაინტერესებული პირისათვის. შინაგანაწესით განისაზღვრება: ა) სამუშაო კვირის ხანგრძლივობა, სამუშაო და დასვენების დრო; ბ) სასწავლო პროცესის მონიტორინგის ფორმები და ფარგლები; გ) შრომითი ურთიერთობის წარმოშობა; დ) შრომითი ურთიერთობის პირობები; ე) შვებულების ხანგრძლივობა და მიცემის წესი; ვ) შრომითი ურთიერთობის შეწყვეტა/ საბოლოო ანგარიშსწორება; ზ) დასაქმებულის წახალისების ფორმები და დისციპლინური პასუხისმგებლობა; თ) მოსწავლეების წახალისების ფორმები და დისციპლინური წარმოების თავისებურებანი; ი) მატერიალური პასუხისმგებლობა; კ) სკოლაში მოსწავლის ჩარიცხვის და სკოლიდან გადაყვანის პირობები; ლ) მოსწავლის ჩაცმულობის წესი და გარეგნული სახე; მ) შრომის პირობების დაცვასთან დაკავშირებული ზოგადი ინსტრუქციები; ნ) განცხადების/საჩივრის განხილვა; ო) სკოლაში უსაფრთხოებისა და საზოგადოებრივი წესრიგის დაცვა; პ) დასკვნითი დებულებანი.

სსიპ ქალაქ თბილისის N156 საჯარო სკოლის ფინანსები სკოლის ბიუჯეტი შეადგენს - 1 843 000 ლარს. შრომის ანაზღაურება - 1 773 200 ლარი კომუნალური გადასახადები - 50 000 ლარი სხვა ხარჯები - 19 800 ლარი