სსიპ - შოთა რუსთაველის სახელობის ქალაქ ხაშურის №9 საჯარო სკოლა

სკოლის ფილოსოფია: 1) საჯარო სკოლის მისია; - სსიპ შოთა რუსთაველის სახელობის ქალაქ ხაშურის № 9 საჯარო სკოლა, ასახავს რა მასწავლებელთა, მშობელთა და თემის მოსაზრებებს, ხელს უწყობს მოსწავლეთა ინტელექტუალურ, ფიზიკურ, სოციალურ და ემოციურ განვითარებას, რათა მათ ჩამოუყალიბდეთ კრიტიკული, რეალისტური და ობიექტური აზროვნება. იყვნენ მაღალი სამოქალაქო ცნობიერების მქონე მოქალაქენი და აკმაყოფილებდნენ თანამედროვე, XXI საუკუნის, გლობალურ მოთხოვნებსა და გამოწვევებს. 2) საჯარო სკოლის სამომავლო ხედვა; - სსიპ შოთა რუსთაველის სახელობის ქალაქ ხაშურის № 9 საჯარო სკოლა სწავლის პროცესს წარმართავს მრავალფეროვანი და ინოვაციური მეთოდებითა და ტექნოლოგიების გამოყენებით, რაც გაზრდის სწავლის მოტივაციას მოსწავლეებში. ინტელექტუალურ ზრდასთან ერთად უზრუნველყოფილი იქნება მოსწავლეებში დემოკრატიული ფასეულობების, გლობალური მოქალაქეობის ცნობიერების ამაღლება. 3) სკოლის ღირებულებები; სსიპ შოთა რუსთაველის სახელობის ქალაქ ხაშურის № 9 საჯარო სკოლის ღირებულებას წარმოადგენს: თანამშრომლობითი ურთიერთობა სასკოლო საზოგადოების წევრთა შორის, ტოლერანტობა, მაღალი სამოქალაქო ცნობიერება და სამოქალაქო ჩართულობა, ინკლუზია, მიმღებლობა, ღიაობა და გამჭვირვალობა.