სსიპ - ხაშურის მუნიციპალიტეტის სოფელ წაღვლის საჯარო სკოლა

მისია მოსწავლეს შეუქმნას გონებრივი, ფიზიკური და აკადემიური განვითარებისათვის უსაფრთხო, პოზიტიური გარემო. ხელი შეუწყოს აქტიური მოქალაქის ფორმირებას, რომელიც შეძლებს ცოდნის გამოყენებას საკუთარი, საზოგადოებრივი თუ სახელმწიფოებრივი მიზნებისათვის. ხედვა სკოლის ხედვა ეფუძნება სასკოლო პროცესების მოსწავლის ინტერესებზე ორიენტირებას, სასკოლო საზოგადოების კონსტრუქციული თანამშრომლობა, მაღალი პროფესიონალიზმი ხელს შეუწყობს თითოეული მოზარდის წარმატებას, გამოუმუშავებს დამოუკიდებელი ცხოვრებისათვის საჭირო უნარ-ჩვევებს, რის შდეგადაც მოსწავლე შეძლებს საკუთარი ღირსების, განათლების, პიროვნული ინტერესების რეალიზებას და თვითონ შექმნის ღირებულებებს. ღირებულებები მომავლის ხედვისა და მისიის განხორციელების მიზნით სკოლა იხელმძღვანელებს პრინციპებითა და მიდგომებით, რომლებიც დაეხმარება ჩვენს მოსწავლეებს გახდნენ გლობალური სივრცის ღირსეული წარმომადგენლები: • ურთიერთპატივისცემა და ტოლერანტობა; • გუნდური მუშაობა; • სასკოლის მისიაა: მოსწავლეს შეუქმნას გონებრივი, ფიზიკური და აკადემიური განვითარებისათვის უსაფრთხო, პოზიტიური გარემო. ხელი შეუწყოს აქტიური მოქალაქის ფორმირებას, რომელიც შეძლებს ცოდნის გამოყენებას საკუთარი, საზოგადოებრივი თუ სახელმწიფოებრივი მიზნებისათვის. მართლიანობა; • მოსწავლის ინტერესებსა და საჭიროებებზე ორიენტირება; • პროფესიული ზრდა და განვითარება; • ინოვაციური მიდგომები და წარსული გამოცდილების გათვალისწინება; • გარემოს დაცვა, ჯანსაღი ცხოვრების წესის დამკვიდრება; • კულტურული მემკვიდრეობა და ეროვნული ფასეულობები.

სსიპ ხაშურის მუნიციპალიტეტის სოფელ წაღვლის საჯარო სკოლის სტრუქტურა: დირექტორი, ბუღალტერი, საქმისმწარმოებელი, ბიბლიოთეკარი, ექთანი, დარაჯი, დამლაგებელი, პედაგოგიური საბჭო, კათედრები.

სკოლას შემუშავებული აქვს: 1. საზოგადოებასთან ურთიერთობისა და კომუნიკაციის წესი 2.ადამიანური რესურსების მართვის პოლიტიკა 3. პერსონალის ადაპტაციის წესი 4. მშობელთან ურთიერთობის დებულება (კომუნიკაციის სტრატეგია) 5. სასწავლო პროცესის მარეგულირებელი წესი 6. მოსწავლეთა ადაპტაციის წესი 7. ინკლუზიური განათლების პროგრამა და დებულება 8. უსაფრთხოებისა და საზოგადოებრივი წესრიგის დაცვის წესი 9. მოსწავლის, მათი მშობლის/კანონიერი წარმომადგენლის და პერსონალის კანონიერი უფლებების დაცვისა და გასაჩივრების მარეგულირებელი დოკუმენტი 10. პერსონალურ მონაცემთა დაცვის პოლიტიკა

ამონარიდი სკოლის შინაგანაწესიდან: მუხლი 16. მოსწავლის დისციპლინური გადაცდომა და პასუხისმგებლობის სახეები 1. მოსწავლის დისციპლინურ გადაცდომად ითვლება: ა) გაკვეთილზე არაერთგზის დაგვიანება; ბ) გაკვეთილის ჩაშლა ან ჩაშლის მცდელობა; გ) გაკვეთილის თვითნებურად მიტოვება; დ) სასწავლო პროცესის დროს მობილური ტელეფონით ან/და ნებისმიერი სხვა სახის ტექნიკური საშუალებით არასასწავლო მიზნით სარგებლობა; ე) სკოლისათვის მატერიალური/ქონებრივი ზიანის მიყენება ან ასეთი ზიანის წარმოშობის საშიშროების შექმნა; ვ) მოსწავლის მიერ შინაგანაწესით დადგენილი ჩაცმულობის წესის დაუცველად სკოლის ტერიტორიაზე გამოცხადება, გარდა სკოლის მიერ წინასწარ განსაზღვრულ ღონისძიებაში მონაწილეობის მიღების მიზნით გამოცხადებისა; ზ) მოსწავლის/სკოლაში დასაქმებულის/მოსწავლის მშობლის/კანონიერი წარმომადგენლის/სკოლის ტერიტორიაზე შემოსული გარეშე პირის სიტყვიერი შეურაცხყოფა; თ) მოსწავლის/სკოლაში დასაქმებულის/მოსწავლის მშობლის/კანონიერი წარმომადგენლის/სკოლის ტერიტორიაზე შემოსული გარეშე პირის ფიზიკური შეურაცხყოფა; ი) სკოლის ტერიტორიაზე მოსწავლის გამოცხადება შემდეგი ნივთებით: ი.ა) თამბაქოს ნაწარმი/ელექტრონული სიგარეტი; ი.ბ) ალკოჰოლური საშუალებები; ი.გ) ნარკოტიკული საშუალებები და ნარკოტიკული საშუალებების მოხმარებისათვის საჭირო ნივთები; ი.დ) ფსიქოტროპული საშუალებები, ექიმის შესაბამისი ნებართვის გარეშე; ი.ე) ასაფეთქებელი და მომწამვლავი ნივთიერებები; ი.ვ) ნებისმიერი სახის იარაღი, კასტეტი ან ბასრი ნივთი, რომელიც შეიძლება გამოყენებულ იქნეს იარაღად; ი.ზ) სანთებელა ან ასანთი; ი.თ) აზარტული თამაშის საშუალებები; ი.ი) უხამსობის ამსახველი ნივთები/საშუალებები; ი.კ) ელექტროშოკური მოწყობილობა; ი.ლ) ნებისმიერი სხვა ნივთი, რომელიც შეიძლება საფრთხეს უქმნიდეს სიცოცხლესა და ჯანმრთელობას. კ) მოსწავლის დისკრიმინაცია; ლ) მოსწავლის ან/და სკოლაში დასაქმებული პირის პირად ცხოვრებაში ჩარევა; მ) ფულის ან სხვა ნივთების გამოძალვა; ნ) მოსწავლის მიერ წინამდებარე პუნქტის „ი“ ქვეპუნქტით განსაზღვრული ნივთის/ნივთების გამოყენება; ო) სკოლაში დასაქმებული პირების კანონიერი მოთხოვნის დაუმორჩილებლობა; პ) სკოლის ტერიტორიაზე სხვისი ნივთის უნებართვოდ აღება, დაკარგვა ან/და დაზიანება; ჟ) სკოლის უსაფრთხოების წესების დარღვევა, რომელმაც ზიანი გამოიწვია; რ) მოსწავლეთა ქცევის კოდექსის დარღვევა; ს) მოსწავლის ან/და სკოლაში დასაქმებული პირის მიმართ ფსიქოლოგიური ზეწოლა; ტ) სკოლის დოკუმენტაციის ხელყოფა; უ) სკოლის საქმიანობისთვის განკუთვნილი კომპიუტერული მონაცემის მიღება ან/და კომპიუტერული სისტემის უნებართვოდ ან სკოლის ინტერესების საწინააღმდეგოდ გამოყენება; ფ) არაფხიზელ მდგომარეობაში სკოლაში გამოცხადება; ქ) მოსწავლისთვის შეუფერებელი სხვა ქმედების ჩადენა. 2. დისციპლინური გადაცდომის ჩადენისათვის მოსწავლის მიმართ გამოიყენება შემდეგი დისციპლინური პასუხისმგებლობის სახე: ა) შენიშვნა; ბ) გაფრთხილება; გ) მკაცრი გაფრთხილება; დ) საყვედური; ე) სასტიკი საყვედური; ვ) სკოლიდან დროებით დათხოვნა; ზ) სკოლისათვის სასარგებლო საქმიანობის დაკისრება; თ) მოსწავლის სკოლიდან გარიცხვა (საშუალო საფეხურზე)

სკოლის შემოსავალი-379 525ლ შრომის ანაზღაურება-330 892ლ კომუნალური გადასახადი-15 854ლ სკოლის განვითარებისთვის-33 499ლ