სსიპ - გორის მუნიციპალიტეტის სოფელ ტინისხიდის საჯარო სკოლა

სკოლის მისია - სკოლამ უნდა უზრუნველყოს კარგად გააზრებული და მათ ყოველდღიურ საქმიანობაში დამკვიდრებული გარემოსა და საცხოვრებელი პირობების შესაბამისი კონკურენტუნარიანი ადამიანების აღზრდა (კეთებით/ პროექტული) სწავლებით, სასკოლო საზოგადოების გუნდური მუშაობისა და ღიაობის პრინციპებზე დაყრდნობით. ხედვა: 2030 წლისთვის გვსურს ჩვენი სკოლა და მისი კურსდამთავრებულები იყვნენ კონკურეტნ-უნარიანი, დამოუკიდებელი მოქალაქეები. ღირებულებები: სკოლა ხელმძღვანელობს ღიაობის, გამჭვირვალობის და თანასწორობის პრინციპებითა და მიდგომებით, რომლებიც დაეხმარება ჩვენს მოსწავლეებს გახდნენ ღირსეული მოქალაქეები. ჩვენთვის პრიორიტეტია: პედაგოგთა პროფესიონალიზმი; სიახლეების მიმღებლობა; ღიაობა, სანდოობა; ტოლერანტობა; თანამშრომლობა; ეფექტური კომუნიკაცია; მოსწავლეთა საუკეთესო ინტერესების მხარდაჭერა

სკოლის დირექცია: დირექტორი, დირექტორის მოადგილე, ბუღალტერი; სკოლის ტექნიკური პერსონალი: საქმისმწარმოებელი, ბიბლიოთეკარი, მატერიალურ-ტექნიკური უზრუნველყოფის კოორდინატორი (მტუკ); სკოლის პედაგოგიური კოლექტივი: 26 მასწავლებელი; შტატგარეშე თანამშრომლები: 2 დამლაგებელი, 2 დარაჯი და ექიმი. შტატიანი თანამშრომლები: ფსიქოლოგი - 1 და სსსმ მოსწავლის ასისტენტი - 2. განსაზღვრული გვყავს სკოლის ვებგვერდის განვითარების მართვაზე პასუხისმგებელი პირები (იხ. დირექტორის ბრძანება)

სკოლაში მოქმედებს სამი პროგრამა: დაწყებითი (1-6), საბაზო (7-10) და საშუალო (11-12) განათლების პროგრამები. დირექტორის ბრძანების საფუძველზე, ყალიბდება მოსწავლეთა ნუსხა, რის საფუძველზეც, იუსტიციის სახლიდან მათ შეუძლიათ აიღონ საბაზო და საშუალო განათლების დამადასტურებელი დოკუმენტი (ატესტატი). სკოლაში შემუშავებულია და ფუნქციონირებს სხვადასხვა სახის მხარდაჭერის სერვისები. (შესაბამისი მასალა იხილეთ მიბმულ ფაილებში).

სკოლაში ქცევის წესები: 1. დილით ვესალმებით ერთმანეთს. 2. გაკვეთილზე, შევდივართ დროულად. 3. გაკვეთილზე ყურადღებით ვუსმენთ მასწავლებელს და კლასელებს. 4. განსხვავებულ აზრს ყვირილის გარეშე ვაცნობთ მსმენელებს. 5. გაკვეთილის ბოლოს ვიწერთ დავალებას და მხოლოდ ამის შემდეგ, ვტოვებთ საკლასო ოთახს. 6. შესვენებისას დერეფანში მშვიდად ვმოძრაობთ, სირბილის გარეშე. 7. წასვლისას ვემშვიდობებით ერთმანეთს მოსწავლე ვალდებულია: 1 შეასრულოს სკოლის წესდებითა და შინაგანაწესით დადგენილი ნორმები, დაიცვას მოსწავლეთა ქცევის წესები; 2 იყოს დისციპლინირებული და ბეჯითი; 3 გაუფრთხილდეს სკოლის ქონებასა და პირად ნივთებს, დაიცვას უსაფრთხოების წესები; 4 დაემორჩილოს მასწავლებელსა და ადმინისტრაციას 5 რეგულარულად დაესწროს სასწავლო ცხრილით გათვალისწინებულ მეცადინეობებს, დროულად შეასრულოს სასწავლო გეგმითა და პროგრამებით განსაზღვრული დავალებები; 6 სასკოლო ფორმითა და სასწავლო ნივთებით დროულად გამოცხადდეს სკოლაში და დაიკავოს თავისი სამუშაო ადგილი საკლასო ოთახში; 7 ყველგან და ყოველთვის დაიცვას სკოლის სახელი და ავტორიტეტი 8 პატივი სცეს სკოლის მოსწავლეებს, მასწავლებლებსა და თანამშრომლებს. მოსწავლეს უფლება აქვს: 1 მიიღოს სახელმწიფო სტანდარტის შესაბამისი ზოგადი განათლება; 2 ჩარიცხულ იქნეს კლასის დაძლევის შემდეგ სკოლის შესაბამის კლასში; 3 ისარგებლოს სკოლის კაბინეტ-ლაბორატორიებით, საკლასო ოთახებით, ბიბლიოთეკით, სპორტული დარბაზით. 4 ისარგებლოს სკოლის სამედიცინო, ფსიქოლოგიური, ლოგოპედიური და სასადილოს მომსახურებით; 5 მოითხოვოს სწავლების მაღალი დონე და სკოლის წესდებითა და ხელშეკრულებით გათვალისწინებული პირობების შესრულება; 6 გამოხატოს თავისი დამოკიდებულება მასწავლებელთა პროფესიული დონის მიმართ; 7 იცნობდეს სკოლის ადმინისტრაციის მიერ დადგენილ ნუსხას მოსწავლის უფლებებისა და ვალდებულებების შესახებ; 8 სრულად იყოს ჩართული სასწავლო პროცესში და ხელმისაწვდომი იყოს მისთვის სკოლაში არსებული ყველა სახის ღონისძიება; 9 უფასოდ ისარგებლოს სკოლის ბიბლიოთეკის წიგნადი ფონდით; 10 მიიღოს დამატებითი, (მ.შ. ფასიანით) საგანმანათლებლო პირობები; 11 მიიღოს მონაწილეობა სკოლის მართვაში წესდებითა და შინაგანაწესით გათვალისწინებული ფორმით; 12 გამოთქვას საკუთარი აზრი.დაიცვას პიროვნული ღირსება, სინდისისა და ინფორმაციის თავისუფლება; მოსწავლეს ეკრძალება: 1 სკოლის შინაგანაწესით დადგენილი ნორმების დარღვევა:  სკოლაში დადგენილი ნიმუშის სასკოლო ფორმის გარეშე გამოცხადება;  გაკვეთილებზე დაგვიანება;  გაკვეთილების უმიზეზოდ გაცდენა;  სასწავლო პროცესის მიმდინარეობისას გაკვეთილებიდან უმიზეზოდ გამოსვლა;  სიგარეტის მოწევა;  სკოლაში მობილური ტელეფონის გამოყენება;  სკოლაში საღეჭი რეზინის მოხმარება, მზესუმზირის შემოტანა;  სკოლაში არასასწავლო დანიშნულების ნივთების შემოტანა და გამოყენება. 2 სკოლის შინაგანაწესით გათვალისწინებული მოსწავლეთა უფლება-მოვალეობათა შეუსრულებლობისა და სისტემატიურად მათი დარღვევის შემთხვევაში დაისმევა საკითხი მოსწავლის სკოლიდან გადასვლის ან გარიცხვის შესახებ; I–საკლასო დისკუსია პირველ ეტაპზე მასწავლებელი ესაუბრება მოსწავლეებს ქცევის წესებზე. ამ საუბარში მოსწავლეების აზრის ფორმირება ხდება. ამდენად, მათ ჩართულობას დიდი მნიშვნელობა ენიჭება. სასურველია, გაიმართოს დისკუსია.  მოვისმინოთ მოსწავლეების აზრი;  გავარკვიოთ, ისინი რას ფიქრობენ ამ თემაზე;  გავიხსენოთ მაგალითები, როცა ცუდად შემუშავებულმა წესმა ან წესების უგულებელყოფამ არასასურველი შედეგი გამოიღო. მოსწავლეებს ვახსენებთ, რომ წესებმა უნდა დაარეგულიროს მოსწავლეთა ქცევა როგორც გაკვეთილზე, ასევე შესვენების დროს დერეფანში. გასათვალისწინებელია ისიც, რომ წესები ნეგატიური ფორმით არ უნდა იყოს ჩამოყალიბებული. მაგალითად, “არ ვაგვიანებთ გაკვეთილზე” – წესის ამგვარ ფორმულირებას გაცილებით სჯობს – “გაკვეთილზე შევდივართ დროულად, ზარის დარეკვისთანავე”. II–ჯგუფური მუშაობა მასწავლებელი მოსწავლეებს ჰყოფს რამდენიმე ჯგუფად. სასურველია ჯგუფში 3–4 მოსწავლე ერთიანდებოდეს. ჯგუფებს უნდა დავურიგოთ წინასწარ გამზადებული ფორმები. გთავაზობთ სამუშაო ფორმის ერთ–ერთ ვარიანტს. ჯგუფური მუშაობის დროს მასწავლებელი ყურადღებით აკვირდება პროცესს. საჭიროების შემთხვევაში კონკრეტულ ჯგუფს ყურადღების მიღმა დარჩენილ საკითხს ახსენებს. სამუშაო ფორმის ნიმუშზე გამოყოფილია კუთხე, სადაც მოსწავლეებმა უნდა ჩაწერონ საკუთარი სახელი და გვარი. ეს ერთგვარად ზრდის მათ პასუხისმგებლობას და სამუშაოს მეტი ენთუზიაზმით ეკიდებიან. III–დასკვნითი ნაწილი წესების ჩამოწერის შემდეგ თითოეულმა ჯგუმა უნდა წარმოადგინოს პრეზენტატორი (ან პრეზენტატორები), რომელიც (რომლებიც) საკუთარ ნამუშევარს გააცნობენ კლასს. მასწავლებელი შევსებულ ფორმებს ყურადღებით უნდა გაეცნოს, დააკვირდეს მოსწავლეთა განწყობასა და სურვილებს. შეაჯეროს საკუთარი ვარიანტი მოსწავლეთა ნამუშევართან და შემდეგ გაკვეთილზე კლასში გამოაკრას ლამაზად დაბეჭდილი და გამზადებული “ქცევის წესები” სასურველია, თუ კედელზე გაკვრამდე თითოეული მოსწავლე საკუთარი ხელისმოწერით დაადასტურებს, რომ ეს წესები მათ შეიმუშავეს და მზად არიან ისინი სისრულეში მოიყვანონ. სკოლის დირექცია. 2023-2024 ს/წ.

სკოლას აქვს გამართული ინფრასტრუქტურა. აღჭურვილია ყველა საჭირო რესურსით.

სკოლის ბიუჯეტი შეადგენს - 439 000 ლარს. შრომის ანაზღაურება - 399 000 ლარი კომუნალური გადასახადები - 16 000 ლარი შენობის ინფრასტრუქტურის განვითარება - 5000 ლარი სხვა ხარჯები (საკანცელარიო, სამეურნეო, ჰიგიენური საშუალებებისთვის) - 19 000 ლარი სკოლის ბიუჯეტი და ანგარიში ფინანსური მდგრადობის შესახებ იხილეთ მიბმულ ფაილებში.