სსიპ - ქალაქ თბილისის №59 საჯარო სკოლა

სკოლის მისია: სასკოლო საზოგადოების ყველა წევრისთვის პოზიტიური, განმავითარებელი და უსაფრთხო გარემოს შექმნა. რაც უზრუნველყოფს თითოეული ჩვენთაგანისათვის წარმატების შანსს. შეძლებს გლობალურ სამყაროში სწრაფად ადაპტირებას, ინიციატივის გამოჩენას და საკუთარ გადაწყვეტილებაზე პასუხისმგებლობის აღებას. შესწევს უნარი საკუთარი წვლილი შეიტანოს ქვეყნის სოციალურ-ეკონომიკურ განვითარებაში. მრავალფეროვანი პროფესიული საგანმანათლებლო პროგრამების განხორციელებით, დაწესებულება ორიენტირებულია შრომის ბაზრის შესაბამისი კადრების მომზადებაზე და უზრუნველყოფს ინკლუზიური, პროფესიული და თანასწორი განათლების გარემოს შექმნას, უწყვეტი სწავლის შესაძლებლობას როგორც მოსწავლეებისთვის, ისე პროფესიული სტუდენტებისთვის. სკოლის ხედვა : სსიპ ქალაქ თბილისის N59 საჯარო სკოლის მომავლის ხედვაა, რომ იგი იყოს მყარი და მუდმივ განვითარებაზე ორიენტირებული. ზოგადი განათლების ეროვნული მიზნებიდან გამომდინარე, თანამედროვე მოთხოვნათა და გამოწვევათა შესაბამისად, ზრუნავდეს თავისუფალი და კომპეტენტური ადამიანის ჩამოყალიბებაზე. წვლილი შეჰქონდეს ქვეყნის სამეცნიერო, კულტურულ, სოციალურ და ეკონომიკურ განვითარებაში. სკოლა აღზრდის ეროვნული და ზოგადსაკაცობრიო ღირებულებების მატარებელი თავისუფალ პიროვნებას, რომელსაც მისცემს საფუძვლიან განათლებას და მუდმივად ცვალებად გარემოში ექნება ადაპტაციის უნარი, რათა დაიმკვიდროს ღირსეული ადგილი საზოგადოებაში. სკოლის მისიისა და ხედვის განხორციელების მიზნით სასკოლო საზოგადოება ხელმძღვანელობს ღირებულებებით:  გუნდურობა  ინოვაციურობა  მშობელთა ჩართულობა  პროფესიული განათლების სტუდენტთა ხელშეწყობა.

სკოლის ორგანიზაციული სტრუქტურა შედგება დირექციისაგან, ადმინისტრაციისაგან, ტექნიკური პერსონალისაგან, სამეურვეო და პედაგოგიური საბჭოსაგან, ასევე, სკოლაში მოქმედებს საგნობრივი ( ქართული ენისა და ლიტერატურის; მათემატიკის ;საზოგადოებრივი მეცნიერებების; საბუნებისმეტყველო მეცნიერებების; დაწყებითი განათლების; უცხოური ენის; სპორტისა და ესთეტიკის) კათედრები, სკოლის დისციპლინური კომიტეტი, მოსწავლეთა თვითმმართველობა, საჭიროების შემთხვევაში შესაძლებელია შეიქმნას სააპელაციო კომიტეტი. მრჩეველთა საბჭო, პროფესიული ხარისხის განვითარებისა და მხარდაჭერის ჯგუფი და ა.შ. საგანმანათლებლო საქმიანობის ეფექტიანად განხორციელებაში ჩართულია თითოეული სტრუქტურული ორგანო, რომელთა ერთობლივი მუშაობით, ხდება სასწავლო პროცესზე ზრუნვა და პროცესის წარმართვა. სკოლას აქვს მოსწავლეთა თვითმმართველობის დებულება, მასწავლებლის კარიერული წინსვლისა და ხარისხის განვითარების ჯგუფის დებულება, კათედრისა და პედაგოგიური საბჭოს დებულება. თითოეული ორგანიზაციული სტრუქტურა ხელმძღვანელობს კანონმდებლობით დადგენილი წესის შესაბამისად. კერძოდ, „ზოგადი განათლების შესახებ “საქართველოს კანონის, საქართველოს განათლებისა და მეცნიერების მინისტრის N 448 ბრძანების, N06 ბრძანების, N 167 ბრძანების, ასევე, სკოლის შინაგანაწესის შესაბამისად.

სკოლა სწავლებას ახორციელებს ქართულ ენაზე; სკოლაში ხორციელდება შემდგი საგანმანათლებლოპროგრამები: 1. დაწყებით საფეხურის ზოგადსაგანმანათლებლო პროგრამა ( I - VI კლასი ); 2. საბაზო საფეხურის ზოგადსაგანმანათლებლო პროგრამა ( VII - X კლასი ); 3. საშუალო საფეხურის ზოგადსაგანმანათლებლო პროგრამა ( XI - XII კლასი ); საბაზო საფეხურით ზოგადსაგანმანათლებლო პროგრამის დასრულების შემდეგ მოსწავლეზე გაიცემა საბაზო განათლების ატესტატი; საშუალო საფეხურის ზოგადსაგანმანათლებლო პროგრამის დასრულების შემდეგ მოსწავლეზე გაიცემა საშუალო განათლების ატესტატი;

სკოლაში არსებობს გასაჩივრებისა და საჩივრების განხილვის ეფექტიანი მექანიზმი. აღნიშნულის განხორციელების დროს სკოლა უპირველეს ყოვლისა ეფუძნება სკოლის შინაგანაწესს, სადაც დეტალურად არის აღწერილი სკოლის თანამშრომელთა და მოსწავლეთა დისციპლინური გადაცდომების სახეებს. დისციპლინური გადაცდომის შემთხვევაში მასზე რეაგირებისა და დისციპლინური სახდელის დაკისრების წესი/პირობები. ამასთანავე, „ზოგადი განათლების შესახებ“ საქართველოს კანონისა და საქართველოს განათლებისა და მეცნიერების მინისტრის 2005 წლის 15 სექტემბრის N448 ბრძანებით დამტკიცებული „ზოგადსაგანმანათლებლო დაწესებულებების საჯარო სამართლის იურიდიულ პირებად დაფუძნებისა და საჯარო სკოლის წესდების“, საქართველოს განათლებისა და მეცნიერების მინისტრის 2014 წლის 30 დეკემბერის №167/ნ ბრძანებით დამტკიცებული „მასწავლებელთა დისციპლინური წარმოების წესის“ შესაბამისად, სკოლაში მოქმედებს სკოლის დისციპლინური კომიტეტი, რომელიც განიხილავს თავისი კომპეტენციის ფარგლებში დისციპლინური გადაცდომის შემთხვევებს და ახდენს სათანადო რეაგირებას.

სკოლის ინფრასტრუქტურა ქმნის სწავლების ინკლუზიურ გარემოს. კერძოდ, სკოლის მიერ უზრუნველყოფილია მოსწავლე ინდივიდუალური სასწავლო ინვენტარით. თითოეული მოსწავლისათვის გამოყოფილია ინდივიდუალური მერხები და სკამები, უზრუნველყოფილია თითოეული მოსწავლე სასწავლო წიგნებით. სკოლა აღჭურვილია სათანადო ინფრასტრუქტურით, არის კეთილმოწყობილი საპირფარეშოები, ასევე, გვაქვს ადაპტირებული საპირფარეშო .

1. სკოლის ფინანსური რესურსი ქმნის საგანმანათლებლო საქმიანობის, სტრატეგიული და სამოქმედო გეგმების განხორციელების საფუძველს. სკოლა იღებს სახელმწიფო დაფინანსებას ვაუჩერის სახით, ამასთანავე, აქვს ეკონომიკური შემოსავლები, რომლებიც გამოიყენება კანონმდებლობით დადგენილი წესის შესაბამისად და მიემართება სკოლის განვითარებისკენ, მათ შორის ინფრასტრუქტურის, მასწავლებელთა პროფესიული და მოსწავლეზე ორიენტირებული სწავლების განვითარებისკენ. სკოლა ყოველწლიურად შეიმუშავებს ბიუჯეტს რომელშიც განისაზღვრება შესასყიდი ნივთების შესახებ ინფორმაცია, ასევე არსებობის შემთხვევაში წახალისებების გამოყენების შესახებ ინფორმაცია. დეტალურად გაწერილი ბიუჯეტის განხილვა და დამტკიცება ხდება არაუგვიანეს 31 დეკემბრისა სკოლის სამეურვეო საბჭოს მიერ. ბიუჯეტის შესაბამისად, სკოლას შემუშავებული აქვს „სახელმწიფო შესყიდვების შესახებ“ საქართველოს კანონით განსაზღვრული შესყიდვების გეგმა, რომელსაც ამტკიცებს დირექტორი ყოველი წლის 20 ნოემბრამდე, ასევე, შემუშავებული გვაქვს შესყიდვის განხორციელების წესი, განსაზღვრული გვყავს შესყიდვების კორდინატორი, რომელსაც ევალება შესყიდვის პროცედურებთან დაკავშირებული მოთხოვნების სწორედ განხორციელება. განსაზღვრულია გეგმის კორექტირებაზე პასუხისმგებელი პირიც, ვინც ახორციელებს საჭიროების შემთხვევაში ცვლილებასა და გეგმის კორექტირებას. ფინანსური რესურსი ქმნის შესაძლებლობას ინფრასტრუქტურა იყოს გამართული, უსაფრთხო, მოწესრიგებული, ხოლო სასწავლო პროცესი შეუფერხებელი.