სსიპ - თეთრიწყაროს მუნიციპალიტეტის სოფელ ჩხიკვთას საჯარო სკოლა

მისია- სკოლამ აღზარდოს ქართული ღირებულებების მქონე, უწყვეტ განვითარებაზე ორიენტირებული მოსწავლე. ხედვა - სკოლა უზრუნველყოფილია სწავლა-სწავლებისთვის ყველა საჭირო რესურსით, სასკოლო პროცესში მაქსიმალურად არიან ჩართულები სასკოლო საზოგადოების წევრები. სკოლაში დასაქმებული ადამიანური რესურსის კვალიფიკაცია შესაბამისობაშია იმდროინდელ მოთხოვნებთან, რაც მოთხოვნილია სწავლა-სწავლების ხარისხის გაუმჯობესების უზრუნველსაყოფად. ღირებულებები: 1. სამართლიანობა, 2. თანამშრომლობა, 3. გუნდურობა და 4. ურთიერთპატივისცემა.

სკოლის სტრუქტურა

მოსწავლეთა აღზრდისა და მხარდაჭერის სისტემები მოსწავლეთა კანონიერი უფლებების დაცვა ხორციელდება სკოლის შინაგანაწესით და სკოლის მიერ შემუშავებული შიდა მარეგულირებელი დოკუმენტებით. სკოლასა და მშობელს/კანონიერ წარმომადგენელს შორის გაფორმებულია საგანმანათლებლო მომსახურების ხელშეკრულება. სასწავლო წლის დაწყებიდან არაუგვიანეს ერთი თვის ვადაში, სკოლა უზრუნველყოფს მოსწავლეთა უფლებებისა და წესების გაცნობას ყველა მოსწავლისათვის. დამრიგებელი სასწავლო წლის დასაწყისში, მოსწავლეებს და მათ მშობლებს/კანონიერ წარმომადგენლებს აცნობს სკოლის შინაგანაწესს, დამრიგებლის მუშაობის პრინციპებს, ქცევის კოდექსს, უსაფრთხოების წესებს. სკოლაში დაცულია მოსწავლეთა ჩარიცხვის, საფეხურის დაძლევის, მობილობის, სტატუსის შეჩერებისა და შეწყვეტის მექანიზმები. დამრიგებლების მიერ მშობლებსა და მოსწავლეებს მიეწოდებათ ინფორმაცია წლის განმავლობაში გამოცხადებული კონკურსების, ოლიმპიადების, ღონისძიებების და სასკოლო ექსკურსიების შესახებ. მოსწავლეთა მშობლებს/კანონიერ წარმომადგენლებს დამრიგებლები აცნობენ სკოლის მიერ მიღებულ ყოველ ახალ გადაწყვეტილებას და სკოლის მიერ შეთავაზებული პროგრამების, სერვისების, აქტივობების, რესურსების შესახებ ინფორმაციას. სკოლა უზრუნველყოფს განათლების თანაბარ ხელმისაწვდომობას ყველა მოსწავლისათვის, მათ შორის სსსმ მოსწავლეებისთვის საჭირო სერვისების შეთავაზებას. სკოლას შემუშავებული აქვს სასკოლო გარემოსთან მოსწავლეთა ადაპტაციის მექანიზმები. სკოლა მცირე კონტიგენტის გამო გეგმავს ითანამშრომლოს ჩვენი რაიონის წარმატებულ ადამიანებთან, მოიწვიონ ისინი სკოლაში და მათ მისცეს საშუალება გააცნონ მოსწავლეებს საკუთარი პროფესია. ასევე მათი პროფესიული და კარიერული განვითარების ეტაპები რათა მოსწავლეებს შეექმნათ სხვადასხვა პროფესიაზე წარმოდგენა და გაუჩნდეთ ინტერესი ამა თუ იმ პროფესიის მიმართ.

სსიპ თეთრიწყაროს მუნიციპალიტეტის სოფელ ჩხიკვთას საჯარო სკოლაში მოქმედებს 2023 წელს დამტკიცებული სკოლის შინაგანაწესი, რომელის წარმოდგენილია სკოლაში თვალსაჩინო ადგილას და ამ დოკუმენტს იცნობს სასკოლო საზოგადოება.

ინფრასტრუქტურა

2024 წლის ბიუჯეტის გეგმა; ფინანსური ანგარიში.