სსიპ - თეთრიწყაროს მუნიციპალიტეტის სოფელ ენაგეთის საჯარო სკოლა

სკოლის მისიაა სსიპ თეთრიწყაროს მუნიციპალიტეტის ენაგეთის საჯარო სკოლის მისიაა მოსწავლეთა პოტენციალის გამოვლენა და განვითარება,რათა ისინი ჩამოყალიბდნენ სიახლეების შემცნობ,განათლებულ,ტოლერანტ და პატრიოთ მოქალაქეებად,რომლებსაც შეეძლებათ გამოავლინონ უნარები სამყაროს უკეთესობისაკენ შესაცვლელად. ჩვენი სკოლის ხედვაა,რომ 2030წლისათვის ენაგეთის საჯარო სკოლა არის მოსწავლეთა პროფესიების განსაზღვრაში აქტიურად ჩართული ზოგადსაგანმანათლებლო დაწესებულება, რომელიც ახორციელებს დასახულ გეგმებს სხვდასხვა პროფესიის ადამიანების გაცნობითა და ჩართულობით, მოსწავლეთა ინტერესებისა და მიდრეკილებების მიხედვით. სკოლის ღირებულებები: • გამჭირვალობა • მიუკერძოებლობა • თანამშრომლობა • ობიექტურობა • განვითარება და ინოვაციურობ

სსიპ თეთრიწყაროს მუნიციპალიტეტის სოფელ ენაგეთის საჯარო სკოლის სტრუქტურა.

სსიპ თეთრიწყაროს მუნიციპალიტეტის სოფელ ენაგეთის შექმნილია სასკოლო საზოგადოებისთვის უსაფრთხო გარემო. სკოლაში შექმნილია ინკლუზიური გარემო, საქმიანობის ცენტრში მოქცეულია მოსწავლე. სკოლა ცდილობს, შექმნას სასკოლო საზოგადოების თითოეული წევრის განვითარებისათვის თანაბარი პირობები. მნიშვნელოვანია ის ფაქტი, რომ მოსწავლეთა ფსიქო-ემოციური უსაფრთხოებისათვის სკოლაში მუშაობს უსაფრთხოებაზე პასუხისმგებელი პირი, დარაჯი, სკოლაში შესვლისას მოქმედებს "ვიზიტორთა აღრიცხვის ჟურნალი", შემუშავებული გვაქვს მშობლებთან შეთანხმებით გაკვეთლებიდან მოსწავლეთა გაშვების სპეციალური ფორმა. სკოლის მისიით დასახული ამოცანების შესრულებისათვის სკოლა, როგორც სასკოლო საზოგადოებისთვის უსაფრთხო და პიროვნულ განვითარებაზე ორიენტირებული სოციო-კულტურული სივრცე, ატარებს არაერთ ღონისძიებას. სკოლაში ხორციელდება შიდა სასკოლო პროექტები, რომელშიც ფართო სასკოლო საზოგადოება არის ჩართული. სპეციალურად ამ მიზნით შექმნილია ფეისბუქ გვერდი სახელწოდებით „ ენაგეთის საჯარო სკოლა". ჩვენს სკოლაში მნიშვნელოვანად წახალისებულია თანამშრომლობა და კომუნიკაცია, რაზეც მეტყველებს პედაგოგთა როგორც სამუშაო, ასევე არაფორმალური შეხვედრები, ხდება მათი წარმატებების აღიარება - მადლობა, სიგელი, პრემია. სკოლის ადმინისტრაცია ცდილობს საგანმანათლებლო საქმიანობის მართვის პროცესში ინფორმირებული და მონაწილე იყოს სასკოლო საზოგადოების მნიშვნელოვანი ნაწილი, რაც გამოიხატება სამუშაო და საინფორმაციო შეხვედრებში (მასწავლებლებთან, მოსწავლეთა თვითმმართველობასთან, მოსწავლეთა მშობლებთან), სადაც ხორციელდება სხვადასხვა მასშტაბის სასკოლო აქტივობების, ღონისძიებებისა თუ პროცესების დაგეგმვა, დანერგვა. სსიპ თეთრიწყაროს მუნიციპალიტეტის სოფელ ენაგეთის საჯარო სკოლაში ისწავლება ორი უცხო ენა : ინგლისური ენა და რუსული ენა.

სსიპ თეთრიწყაროს მუნიციპალიტეტის სოფელ ენაგეთის საჯარო სკოლის ქცევის წესები რეგულირდება სკოლის შინაგანაწესით. შინაგანაწესი განხილულია სასკოლო საზოგადოების მიერ და საჯაროდ გამოკრულია სკოლის ფოიეში. შინაგანაწესი იხილეთ თანდართული სახით.

სსიპ თეთრიწყაროს მუნიციპალიტეტის სოფელ ენაგეთის საჯარო სკოლის ახალი შენობა აშენდა 2020 წელს.

სსიპ თეთრიწყაროს მუნიციპალიტეტის სოფელ ენაგეთის საჯარო სკოლის ბიუჯეტის პროექტი დამტკიცებულია სამეურვეო საბჭოზე.