სსიპ - ქალაქ გორის №5 საჯარო სკოლა

მისია: შევქმნათ მოსწავლეთა ინტერესებსა და შესაძლებლობებზე ორიენტირებული, უსაფრთხო და პოზიტიური გარემო, რაც ხელს შეუწყობს მოაზროვნე, მოტივირებული, ტოლერანტი, მრავალმხრივად განვითარებული პიროვნების ჩამოყალიბებას, რომელიც გაიზიარებს ზოგადსაკაცობრიო იდეალებს და თავს დაიმკვიდრებს საზოგადოებაში. ხედვა: მუდმივი პროფესიული განვითარებით, უწყვეტი თანამშრომლობის პრინციპზე დაფუძნებითა და სასკოლო საზოგადოების აქტიური ჩართულობით ჩვენი სკოლა გახდება წარმატებული და მეტად მოთხოვნადი. ღირებულებები:  გუნდურობა  პროფესიონალიზმი;  ტოლერანტობა;  პასუხისმგებლობა;  გამჭვირვალობა;  თანასწორობა;  ადამიანის უფლებების პატივისცემა;  მონაწილეობის ვალდებულება და ინკლუზია.

სკოლაში შემუშავებულია და ხორციელდება სხვადასხვა სახის მხარდაჭერის სერვისები: ტრანზიციის გეგმა; ინტერვენციის გეგმა; მოსწავლეთა ინიციატივების მხარდაჭერის წესი; სსსმ პირთათვის საგანმანათლებლო სერვისების მიწოდების რეგულაციები; პერსონალის ადაპტაციის წესი; სასკოლო სასწავლო გეგმა; მოსწავლეთა ჩარიცხვის წესი.

წინამდებარე სსიპ ქალაქ გორის N5 საჯარო სკოლის შინაგანაწესი ვრცელდება სკოლაში დასაქმებულ პირებზე, მოსწავლეებსა და მათ მშობლებზე/კანონიერ წარმომადგენლებზე, ასევე სკოლის ტერიტორიაზე მყოფ ნებისმიერ პირზე და სავალდებულოა შესასრულებლად.

სსიპ ქალაქ გორის N5 საჯარო სკოლა სრულად რეაბილიტირებულია ათასწლეულის გამოწვევის ფონდ - საქართველოს მიერ 2016 წელს.

სსიპ ქალაქ გორის N5 საჯარო სკოლის სკოლის ბიუჯეტი შეადგენს - 1 286 099 ლარს. შრომის ანაზღაურება - 1 188 999 ლარი; კომუნალური გადასახადები - 53 500 ლარი; სოციალური დახმარება - 3 600; საპენსიო ფონდი - 2 000 ლარი; სხვა ხარჯები - 38 000 ლარი.