სსიპ - გორის მუნიციპალიტეტის სოფელ ფხვენისის საჯარო სკოლა

სსიპ გორის მუნიციპალიტეტის სოფელ ფხვენისის საჯარო სკოლის მისიაა:  თავისუფალი და დემოკრატიული ღირებულებების მატარებელი პიროვნების აღზრდა, გლობალურ მოქალაქედ ჩამოყალიბება მოსწავლისა , რომელიც იაზრებს ეროვნულ-სახელმწიფოებრივ ღირებულებებს, იცავს და პატივს სცემს მშობლიურსა და საკაცობრიო კულტურულ მემკვიდრეობას, ეთნიკურ მრავალფეროვნებას. იღებს პასუხისმგებლობას მდგრადი განვითარების მიზნების შესრულებაში. ინკლუზიური გარემოს შექმნა და მოსწავლეებში ანალიტიკურ-კრიტიკული აზროვნების, ციფრული მოქალაქისთვის საჭირო უნარჩვევების განვითარება, დამოუკიდებელი ცხოვრებისათვის მომზადება, რათა თვითოეულმა მოსწავლემ შეძლოს საკუთარი შესაძლებლობების მაქსიმალურად გამოვლენა და თვითრეალიზება. სკოლის ხედვაა: გახდეს წამყვანი ზოგადსაგანმანათლებლო დაწესებულება , შეძლოს საკუთარი წარმატებული პრაქტიკის დონეზე გაზიარება და სწავლების ყველა საფეხურზე განათლების მაღალი ხარისხის სასკოლო კურიკულუმების შეთავაზება. ასევე თანამედროვე მოთხოვნებისა და გამოწვევების შესაბამისად მოსწავლის თავისუფალ, პატრიოტ და წარმატებულ პიროვნებად ჩამოყალიბება. ღირებულებები: სიყვარული, თანადგომა, სამართლიანობა, ურთიერთპატივისცემა, პატრიოტიზმი, ერთგულება, პასუხისმგებლობა, თანამშრომლობა, ტოლერანტობა, თანასწორობა, განვითარებისკენ სწრაფვა და ინოვაციურობა

სკოლის სტრუქტურა მოიცავს: სამეურვეო საბჭოს,სკოლის დირექციას,პედაგოგიურ საბჭოს, დირექციის დამხმარე პერსონალს,მოსწავლეთა თვითმმართველობას,დისციპლინურ კომიტეტს,ტექნიკურ პერსონალს.

დაწყებითი საფეხური დაწყებით საფეხური ორიენტირებულია მოსწავლის ადაპტაციაზე, სწავლისადმი პოზიტიური დამოკიდებულების ჩამოყალიბებაზე, საბაზისო აკადემიური (წიგნიერებისა და რაოდენობრივი წიგნიერების განვითარების ხელშეწყობა) და სოციალური უნარების განვითარებაზე. განსაკუთრებული ყურადღება ეთმობა ინდივიდუალურ საჭიროებებსა და მშობლებთან მჭიდრო თანამშრომლობას. საბაზო საფეხური საბაზო საფეხური ორიენტირებულია საგანთა სწავლა-სწავლების საფუძველზე მყარი, დინამიკური და ფუნქციური ცოდნის კონსტრუირებაზე, მოსწავლის ინტერესებისა და მიდრეკილებების გამოვლენასა და მხარდაჭერაზე, მოსწავლის დამოუკიდებელი სწავლის უნარისა და შრომისუნარიანობის განვითარებაზე, აქტიური მოქალაქის ფორმირების ხელშეწყობასა და საფუძვლების შექმნაზე განათლების მომდევნო საფეხურზე (აკადემიური, პროფესიული) სწავლის გაგრძელებისთვის ან პროფესიული საქმიანობისთვის; საშუალო საფეხური საშუალო საფეხურზე მხარდამჭერი სერვისები მიმართულია მოსწავლეთა კარიერული ორიენტაციის, აკადემიური წარმატებისა და მომავალი განათლებისთვის, მოსწავლის მიერ საკუთარი პიროვნული განვითარების დაგეგმვისა და აკადემიური ორიენტაციის მხარდაჭერისკენ. მოიცავს ინდივიდუალურ კონსულტირებას, საგანმანათლებლო დაგეგმვასა და ცხოვრებისეულ უნარებზე მუშაობას. სკოლაში მოქმედებს სხვადასხვა მხარდამჭერი სერვისები- ა) ადამიანებისა და პროცესების უსაფრთხოება; ბ) დისციპლინარული კომიტეტის დებულება; გ) კურიკულუმის განვითარების მეთოდები; დ) მოსწავლეთა თვითმმართველობის დებულება; ე) მოსწავლეთა ჩარიცხვის,საფეხურის დაძლევის დებულება; ვ) მრჩეველთა საბჭოს დებულება; ზ) პერსონალური მონაცემების დაცვა;

სკოლის მიერ შემუშავებულ იქნა ქცევის წესები და აპელაციის მექანიზმი.

სსიპ გორის მუნიციპალიტეტის სოფელ ფხვენისის საჯარო სკოლის 2025 წლის ბიუჯეტი შეადგენს - 631 000 ლარს. შრომის ანაზღაურება - 550000 ლარი; კომუნალური გადასახადები - 30500 ლარი; შენობის ინფრასტრუქტურის განვითარება - 6100ლარი; სხვა ხარჯები - 44400ლარი;