სსიპ - ლევან გოთუას სახელობის ქალაქ რუსთავის №17 საჯარო სკოლა

მისია სკოლის მისიაა, გავხდეთ ლიდერი სკოლა რეგიონის მასშტაბით გერმანული ენის გაძლიერებული სწავლებით, ვიმუშაოთ მსოფლიო დონის საგანმანათლებლო დაწესებულებებთან და მოვამზადოთ მოსწავლეები წარმატებული პროფესიული კარიერისთვის, როგორც ადგილობრივ, ისე საერთაშორისო დონეზე. აღნიშნულის რეალიზება ურუნველყოფილი იქნება უსაფრთხო, პოზიტიურ და თანამშრომლობაზე ორიენტირებულ საგანმანათლებლო გარემოში. ხედვა: სკოლა 2030 წლამდე გახდება სივრცე, რომელიც ინტენსიური გერმანულენოვანი საგანმანათლებლო და სოციალური პროექტების განხორციელებით, კულტურული გაცვლებისა და თანამედროვე სწავლების მეთოდების გამოყენებით, უსაფრთხოების მაღალი სტანდარტების დამკვიდრებით, უზრუნველყოფს ევროპულ და გლობალურ სივრცეში კონკურენტუნარიანი, ლიდერი მოქალაქეების აღზრდას. ღირებულებები 1. ინკლუზიურობა და თანასწორობა - მრავალფეროვანი კულტურული გარემოს შექმნა, სადაც ყველა მოსწავლე იღებს თანაბარ შესაძლებლობებს. 2. ინოვაცია და კრიტიკული აზროვნება - თანამედროვე სასწავლო მეთოდების გამოყენება და დამოუკიდებელი აზროვნების განვითარება. 3. პასუხისმგებლობა და სამართლიანობა - ეთიკის რთიერთპატივისცემის და კულტურათაშორისი გაგების ხელშეწყობა. 4. თანამშრომლობა და საზოგადოებაზე ორიენტირება - მშობლებთან, მასწავლებლებთან და ადგილობრივ თუ საერთაშორისო პარტნიორებთან მჭიდრო კავშირი. 5. პატრიოტიზმი და გლობალური მოქალაქეობა - საკუთარი კულტურის დაფასება და გერმანულენოვანი სამყაროს ღირებულებების გაგება, ევროპულ სივრცეში აქტიური ჩართვის ხელშეწყობა. 2020 წლიდან სკოლა ქართველი მწერლისა და საზოგადო მოღვაწის, ლევან გოთუას სახელობისაა და სრულად იზიარებს იმ ღირებულებებს, რომელიც გაცხადებულია მწერლის შემოქმედებაში და მკაფიოდ იკითხება, ლევან გოთუას, როგორც უსაზღვროდ პატრიოტი, ახალგაზრდებისათვის სამაგალითო პიროვნების ბიოგრაფიაში.

სკოლის საქმიანობა აგებულია თითოეული მოსწავლის საჭიროებასა და მოთხოვნილებაზე, რათა მოსწავლეებმა შეძლონ სკოლაში მიღებული ცოდნის პრაქტიკაში გამოყენება. სკოლას ჰყავს მაღალი აკადემიური მოსწრების მქონე მოსწავლეები და წარმატებული კურსდამთავრებულები. დიდი ყურადღება ეთმობა სკოლაში მოსწავლეთა არაფორმალურ განათლებას, მოსწავლეები აქტიურად არიან ჩართული სხვადასხვა პროექტებში, მოსწავლეთა ინტერესების გათვალისწინებით შექმნილია შემდეგი კლუბები: ქართული ენისა და ლიტერატურის კლუბი - ,,რიბირაბო" ისტორიის კლუბი: ,,მოგზაური გოთუელები" ,,გერმანული ენის კლუბი"

სკოლას შემუშავებული აქვს ქცევის წესი და აპელაციის მექანიზმები, რომელიც არეგულირებს სკოლაში მიმდინარე პროცესებს, უზრუნველყოფს სკოლაში ახალი პედაგოგებისა და მოსწავლეების ადაპტაციას; შემუშავებული აქვს მოსწავლეთა უფლებების დაცვისა და გასაჩივრების მექანიზმები, რომელიც მიმართულია მოსწავლის საუკეთესო ინტერესების დაცვისაკენ; სკოლა საქმიანობას ახორციელებს საზოგადოებასთან ურთიერთობის წესის შესაბამისად, რომელიც არეგულირებს, როგორც შიდა სასკოლო საზოგადოებასთან, ასევე დაინტერესებულ მხარეებთან ინფორმაციის გაზიარების მექანიზმებს; სკოლის მიერ შემუშავებული შინაგანაწესი უზრუნველყოფს სასწავლო-სააღმზრდელო პროცესის ორგანიზებას, განსაზღვრავს ამ პროცესის მონაწილეთა უფლება-მოვალეობებს, ასევე სკოლასა და მოსწავლეთა მშობლებს (კანონიერ წარმომადგენლებს) შორის ურთიერთობათა პირობებს.