სსიპ - ქალაქ რუსთავის №15 საჯარო სკოლა

სკოლის მისია: აღვზარდოთ კრიტიკულად მოაზროვნე ინტელექტუალი, ტოლერანტი მოქალაქე, რომელიც იქნება ეროვნული და ზოგადსაკაცობრიო ღირებულებების მატარებელი, დამოუკიდებელი პიროვნება. ხედვა: სასკოლო საზოგადოების ურთიერთთანამშრომლობის გაძლიერებით, მოსწავლეზე ორიენტირებული სასწავლო გარემოს შექმნით და ჯანსაღი ცხოვრების წესის გააქტიურებით, 2030 წელს ჩვენი სკოლა იქნება რუსთავის ყველაზე მოთხოვნადი სკოლების ხუთეულში. ღირებულებები: 1. გუნდურობა; 2. გამჭვირვალობა; 3. თანასწორობა; 4. ადამიანის უფლებების დაცვა; 5. პლურალიზმი.

სკოლის სტრუქტურა მოიცავს პედაგოგიურ საბჭოს, სამეურვეო საბჭოს, სკოლის დირექციას, მოსწავლეთა თვითმმართველობას და დისციპლინურ კომიტეტს.

სკოლა ჩართულია USAID სამოქალაქო განათლების პროგრამაში, რომლის ფინანსური მხარდამჭერია აშშ-ს საერთაშორისო განვითარების ფონდი, მხარდამჭერია საქართველოს განათლებისა და მეცნიერების სამინისტრო. ასევე საქართველოს პარლამენტის საგანმანათლებლო პროგრამა: ,, რა ვიცით პარლამენტის შესახებ?"

დისციპლინური დევნა შეიძლება განხორციელდეს მხოლოდ სკოლის შინგანაწესით გათვალისწინებულ შემთხვევებში და დადგენილი წესით.

სკოლის მიმდინარე ხარჯების დაფინანსება ხორციელდება საქართველოს კანონმდებლობით დადგენილი წესით სახელმწიფოს მიერ ვაუჩერის გაცემით. 2. სკოლის კაპიტალური ხარჯების ანაზღაურება ხდება სახელმწიფო ან/და ადგილობრივი ბიუჯეტიდან. 3. სკოლას უფლება აქვს მოიზიდოს საქართველოს კანონმდებლობით ნებადართული სხვა ფინანსური სახსრები, მათ შორის მიიღოს შემოსავალი ეკონომიკური საქმიანობით, თუ ეს საქმიანობა არ ახდენს მავნე ზეგავლენას მოსწავლეთა ფიზიკურ და ზნეობრივ განვითარებაზე. მიღებული სახსრები კანონმდებლობის შესაბამისად ხმარდება მხოლოდ სკოლის მიზნებისა და ფუნქციების განხორციელებას. 4. სკოლის ყველა შემოსავალი და ხარჯი აისახება მის ბიუჯეტში.