სსიპ - ქალაქ ბოლნისის №2 საჯარო სკოლა

მისია უსაფრთხო, პოზიტიური, სწავლის მასტიმულირებელი გარემოს შექმნა. მიეცეთ შესაძლებლობა მოსწავლეებს, ჩამოუყალიბდეთ გადაწყვეტილების დამოუკიდებლად მიღების უნარი. ხედვა სასკოლო საზოგადოების კონსტრუქციული თანამშრომლობითა და პასუხისმგებლობის განაწილების გზით ხელი შეუწყოს თითოეული მოსწავლის წარმატებას. დაამკვიდროს სკოლის მმართველობაში დემოკრატიული და თანამონაწილეობითი კულტურა. ღირებულებები: • პროფესიონალიზმი • უწყვეტი განვითარება • გუნდური მუშაობა • პროფესიული ზრდა • ობიექტურობა • შემოქმედებითობა • პატრიოტიზმი • ადამიანის უფლებების დაცვა

სკოლის სტრუქტურა განისაზღვრება სკოლის წესდებით რომელსაც ბრძანებით ამტკიცებს საქართველოს განათლებისა და მეცნიერების მინისტრი. სსიპ ქ. ბოლნისის N2 საჯარო სკოლას ხელმძღვანელობს დირექტორი, რომელსაც ირჩევს სკოლის სამეურვეო საბჭო 6 წლის ვადით. ერთი და იგივე პირის დირექტორად ზედიზედ არჩევა შეიძლება მხოლოდ ორი ვადით. სკოლის დირექტორი არჩევიდან 2 კვირის ვადაში ნიშნავს დირექტორის მოადგილეებს, მათ შორის, დირექტორის მიერ თავისი უფლებამოსილების განხორციელების შეუძლებლობის შემთხვევაში დირექტორის მოვალეობის შემსრულებელს და ამ მონაცემებს აგზავნის სარეგისტრაციოდ საქართველოს განათლებისა და მეცნიერების სამინისტროში. სკოლის სტრუქტურა მოიცავს პედაგოგიურ საბჭოს, სამეურვეო საბჭოს, სკოლის დირექციას, მოსწავლეთა თვითმმართველობას დისციპლინურ, მრჩეველთა საბჭოს და სააპელაციო კომიტეტს.