სსიპ - ქალაქ თბილისის №39 საჯარო სკოლა

ზოგადსაგანმანათლებლო დაწესებულების მისია: სკოლის მიერ უზრუნველყოფილ, უსაფრთხო გარემოში მოსწავლეთა პოტენციალის გამოვლენა და განვითარება, რათა ისინი ჩამოყალიბდნენ წიგნიერ, კრიტიკულად მოაზროვნე, შემოქმედ, სიახლის შეცნობის მსურველ, მიზანდასახულ და განათლებულ მოქალაქეებად, რომლებიც ხელს შეუწყობენ ქვეყანაში სამოქალაქო საზოგადოების ჩამოყალიბებას და შეძლებენ გამოიჩინონ ინიციატივა სამყაროს უკეთესობისაკენ შესაცვლელად. ზოგადსაგანმანათლებლო დაწესებულების ხედვა: მშობელთა მიერ შვილის სასწავლო-სააღმზრდელო პროცესში აქტიური ჩართულობით, მოსწავლეების ინიციატივების ხელშეწყობითა და წახალისებით, მათთვის მრავალფეროვანი აქტივობებისა და არაფორმალური განათლების შეთავაზებით, ასევე ციფრული ტექნოლოგიების აქტიური გამოყენებით უზრუნველყოს კონკურენტუნარიანი, დემოკრატიული ღირებულებების მქონე მოქალაქის ჩამოყალიბება; ზოგადსაგანმანათლებლო დაწესებულების ღირებულებები • გამჭირვალობა; • მიუკერძოებლობა; • თანამშრომლობა; • ობიექტურობა:; • განვითარება და ინოვაციურობა;

სსიპ ქალაქ თბილისის N39 საჯარო სკოლის ორგანიზაციული სტრუქტურა: სსიპ ქალაქ თბილისის N39 საჯარო სკოლის სტრუქტურული ერთეულები: დირექცია დირექცია ადმინისტრაცია დისციპლინური კომიტეტი სამეურვეო საბჭო მოსწავლეთა თვითმმართველობა პედაგოგიური საბჭო სსიპ ქალაქ თბილისის N39 საჯარო სკოლაში თანამდებობრივი დაქვემდებარება დირექტორი დირექტორის მოადგილე ბუღალტერი ადმინისტრაცია ინკლუზიურ განათლებაში ჩართული სპეციალისტი ტექნიკური და სხვა პერსონალი მასწავლებლები სპეციალური მასწავლებლები საქმისწმარმოებელი ბიბლიოთეკარი საინფორმაციო მენეჯერი მატერიალურ ტექნიკური უზრუნველყოფის კოორდინატორი ექიმი დარაჯი დამლაგებელი

თავი I. ზოგადი დებულებები მუხლი 1. წესის მოქმედების სფერო და მიზანი 1.1 სსიპ - ქალაქ თბილისის N39 საჯარო სკოლა (შემდგომში „სკოლა“) დაინტერესებულია, შექმნას სკოლაში განცხადებისა და საჩივრის განხილვის წესი (შემდგომში - წესი), რათა დეტალურად გაიწეროს პროცესის თანმიმდევრობა და მიეცეს მას ორგანიზებული სახე. 1.2 წინამდებარე წესის მოქმედება ვრცელდება სკოლაში დასაქმებულ ყველა პირზე, სკოლის მოსწავლეზე, მის მშობელზე/კანონიერ წარმომადგენელზე. ასევე, ნებისმიერ დაინტერესებულ პირზე, რომელსაც სურს, სკოლას მიმართოს განცხადებით/საჩივრით. 1.3 სკოლაში საჩივრის/განცხადების მისაღებად, იგი წარდგენილი უნდა იყოს ქართულ ენაზე. უცხოურ ენაზე შესრულებული განცხადების/საჩივრის სკოლაში მისაღებად, მას უნდა დაერთოს ნოტარიულად დამოწმებული თარგმანი. მუხლი 2. სკოლაში საჩივრის/განცხადების განხილვის პრინციპები 2.1 სკოლაში წარდგენილი საჩივარი/განცხადება განიხილება ობიექტურობისა და სამართლიანობის, მიუკერძოებლობის პრინციპის დაცვით, კანონმდებლობისა და ამ წესის შესაბამისად დადგენილ ვადებში. 2.2 საჩივრის/განცხადების განხილვისას დაუშვებელია იმ პირის მონაწილეობა, რომელსაც აქვს პირადი ინტერესი, ან/და არსებობს სხვა გარემოება, რომელმაც შესაძლოა ზეგავლენა მოახდინოს გადაწყვეტილების მიღებაზე. გადაწყვეტილებაზე. მუხლი 3. განცხადების/საჩივრის წარდგენის წესი 3.1 სკოლაში საჩივრის/განცხადების წარდგენა შესაძლებელია სკოლის კანცელარიაში განმცხადებლის/საჩივრის ავტორის მიერ ჩაბარებით, საფოსტო გზავნილის ან/და ელექტრონული დოკუმენტბრუნვის სისტემის (eflow) საშუალებით. 3.2 სკოლაში შემოსული განცხადება/საჩივარი, რომელიც შედგენილია მოქმედი კანონმდებლობის შესაბამისად, რეგისტრაციაში უნდა გატარდეს დაუყოვნებლივ. არასამუშაო საათებში (17:00 საათიდან) შემოსული განცხადება/საჩივარი რეგისტრაციაში უნდა გატარდეს მომდევნო სამუშაო დღეს. 3.3 სკოლაში შემოსულ განცხადებაზე/საჩივარზე ადმინისტრაცია რეაგირებას ახდენს საქართველოს კანონმდებლობის და ამ წესის შესაბამისად. 3.4 განცხადება/საჩივარი შედგენილი უნდა იქნეს წერილობითი ფორმით და იგი უნდა შეიცავდეს შემდეგ რეკვიზიტებს: • სკოლის დასახელებას, რომელსაც მიმართავს განმცხადებელი/საჩივრის ავტორი; • განმცხადებლის/საჩივრის ავტორის ვინაობასა და მისამართს (საკონტაქტო ტელეფონის ნომრის მითითებით); • მოთხოვნას; • გარემოებებს, რომლებიც საფუძვლად უდევს მის მოთხოვნას; • გასაჩივრებული ადმინისტრაციულ-სამართლებრივი აქტის/გადაწყვეტილების დასახელებას (მხოლოდ საჩივრის შემთხვევაში); • განცხადების/საჩივრის წარდგენის თარიღსა და ხელმოწერას; • განცხადებაზე/საჩივარზე დართული დოკუმენტების ჩამონათვალს (ასეთის არსებობის შემთხვევაში). მუხლი 4. განცხადების განხილვის ზოგადი წესი და მისი ვადები 4.1 განცხადებას განიხილავს უფლებამოსილი პირი/სტრუქტურული ერთეული, რომლის კომპეტენციის ფარგლებსაც განეკუთვნება განცხადებაზე პასუხის გაცემა. 4.2 კორესპონდენცია, მიღებული გადაწყვეტილების შესახებ, თუ კანონმდებლობით სხვა რამ არ არის დადგენილი, გაიცემა სკოლის დირექტორის სახელით და ხელმოწერით. 4.3 განცხადების განხილვის ვადა, თუ კანონმდებლობით სხვა რამ არ არის დადგენილი, განისაზღვრება 10 სამუშაო დღით. თუ განცხადებით მოთხოვნილია ინდივიდუალურ- ადმინისტრაციული სამართლებლივი აქტის გამოცემა, რომელიც არ ეხება მესამე პირის ინტერესებს, ის გამოიცემა განცხადების წარდგენიდან 15 დღის ვადაში. 4.4 თუ საქმისათვის არსებითი მნიშვნელობის მქონე გარემოებათა დადგენისათვის აუცილებელია ინდივიდუალური ადმინისტრაციულ-სამართლებრივი აქტის გამოსაცემად კანონმდებლობით გათვალისწინებულზე მეტი ვადა, უფლებამოსილმა პირმა/სტრუქტურულმა ერთეულმა შესაძლებელია ადმინისტრაციული წარმოების დაწყებისას მიიღოს გადაწყვეტილება ინდივიდუალური ადმინისტრაციულ-სამართლებრივი აქტის გამოცემის ვადის გაგრძელების შესახებ. 4.5 ამ მუხლის 4.4. პუნქტით გათვალისწინებულ შემთხვევაში ინდივიდუალური ადმინისტრაციულ-სამართლებრივი აქტის გამოცემის საერთო ვადა არ უნდა აღემატებოდეს 3 თვეს. მუხლი 5. საჩივრის განხილვის ზოგადი წესი და მისი ვადები 5.1 საჩივარს განიხილავს უფლებამოსილი პირი/სტრუქტურული ერთეული/კომისია, რომლის კომპეტენციის ფარგლებსაც განეკუთვნება საჩივარზე პასუხის გაცემა. 5.2 საჩივრის განხილვის ვადაა ერთი თვე. 5.3 თუ საქმისათვის არსებითი მნიშვნელობის მქონე გარემოებათა დადგენისათვის აუცილებელია საჩივრის განსახილველად ერთ თვეზე მეტი ვადა, შესაბამისი პირი/სტრუქტურული ერთეული უფლებამოსილია, გამოიტანოს დასაბუთებული გადაწყვეტილება საჩივრის განხილვის ვადის გაგრძელების შესახებ. წინამდებარე მუხლის 5.2. პუნქტით განსაზღვრული ვადა შეიძლება გაგრძელდეს დამატებით ერთი თვით. 5.4 ამ წესის 5.3 მუხლით გათვალისწინებულ შემთხვევაში, საჩივრის ავტორს ინფორმაცია ვადის გაგრძელებაზე უნდა ეცნობოს საჩივრის სკოლაში რეგისტრაციიდან 7 დღის ვადაში. 5.5 საჩივარზე პასუხი უნდა იყოს დასაბუთებული. 5.6 სკოლის მიერ მომზადებულ კორესპონდენციაში, საჭიროების შემთხვევაში, მითითებული უნდა იყოს გადაწყვეტილების გასაჩივრების წესი. თავი II. საჩივრის განხილვის წესი დისციპლინური წარმოებისას მუხლი 6. დისციპლინური სახდელის შესახებ მიღებული გადაწყვეტილების გასაჩივრების ზოგადი წესი 12.1 დირექტორის/დისციპლინური კომიტეტის გადაწყვეტილება დისციპლინური სახდელის დაკისრებაზე უარის თქმის შესახებ, ან დისციპლინური კომიტეტის გადაწყვეტილება დისციპლინური სახდელის დაკისრებაზე და სკოლის დირექტორის ინდივიდუალური ადმინისტრაციულ-სამართლებრივი აქტი სახდელის დაკისრებასთან დაკავშირებით საჩივრდება სკოლის სამეურვე

სკოლის ინფრასტრუქტურული მდგომრაოება შეესაბმება , ზოგადსაგანმანატლებლო დაწესებულების მიმართ დადგენილ სტანტარტს. სკოლის ოთხივე სართული გარემონტებულია, საკლასო ოთახები აღჭურვლია ახალი ინვენტარით, სკოლაში ფუნქციონირებს ბიბლიოთეკა, რომელიც აღჭურვილია ყველა საჭირო ინვენტარით , სკოლას აქვს შიდა, აგრეთვე გარე სტადიონი, გარე სტადიონი ახალი გარემონტებულია, დაგებულია მწვანე საფარი და შემოღობილია ლითონის ღობით. სკოლის პრიორიტეტული მიმართულებაა განათლების ინკლუზიური გარემოს შექმნა, სპეციალური საგანმანათლებლო საჭიროების მქონე მოსწავლეებისთვის ფუნქციონირებს რესურცოთახები, ადაპტირებული საპირფარეშო, პანდუსი.

,,ზოგადი განათლების შესახებ’’ საქართველოს კანონის 52-ე მუხლის პირველი პუნქტის თანახმად, საჯარო სკოლის დირექტორი თანხებს განკარგავს სამეურვეო საბჭოს მიერ დამტკიცებული სკოლის ბიუჯეტის მიხედვით. სამეურვეო საბჭოს მიერ 2021 წლის ბოლოს დამტკიცდა 2022 წლის ბიუჯეტი, რომელიც დაგეგმილი იყო რეალური გათვლებისა და გაანგარიშების საფუძველზე, როგორც შემოსავლით, ისე ხარჯვით ნაწილში. 2022 წლის ბიუჯეტის დაგეგმვის პროცესში გათვალისწინებული იყო როგორც ვაუჩერული დაფინანსებიდან, ისე ეკონომიკური საქმიანობიდან მისაღები სავარაუდო შემოსავლები. 2022 წლის სკოლის ბიუჯეტის შემოსავლები და გადარიცხვითი ოპერაციები განხორციელებულია კანონმდებლობის შესაბამისად. 2022 წლის 01 იანვრის მდგომარეობით სკოლის საბანკო ანგარიშზე ირიცხებოდა 4792 ლარი. სკოლის 2022 წლის 01 იანვრიდან 30 ნოემბრის ჩათვლით მიღებულმა შემოსავალმა ჯამში შეადგინა 1584598 ლარი. სკოლის საბიუჯეტო დაფინანსებამ შეადგინა 1559069 ლარი, საიდანაც 852542 ლარი შეადგენს სკოლაში რიცხულ მოსწავლეებზე გათვლილ ვაუჩერულ დაფინანსებას, COVID-19 პანდემიის პირობებში საჯარო სკოლების მხარდაჭერის ფარგლებში მასწავლებლების დანამატისთვის (ონლაინ გაკვეთილები) ჩაირიცხა 20384 ლარი, 610224 ლარი - დანამატი სქემით განსაზღვრული სტატუსის მქონე პედაგოგებისთვის, ხოლო 46900 ლარი - სპეციალური საჭიროების მქონე ბავშვების სწავლების დასაფინანსებლად. 4655 ლარი ჩაირიცხა სკოლის ანგარიშზე გამაგრილებელი სისტემის ნაწილების შეძენა-შეკეთებისთვის. საქართველოს განათლებისა და მეცნიერების მინისტრის 2017 წლის 27 დეკემბრის N1222 ბრძანების საფუძველზე, 2022 წელს სკოლას საქართველოს განათლებისა და მეცნიერების სამინისტროს დაფინანსების ფარგლებში ჩაერიცხა 6600 ლარი ექიმის კაბინეტის ფუნქციონირებისათვის. საქართველოს განათლებისა და მეცნიერების სამინისტრომ დეფიციტის შევსების მიზნით ჩაგვირიცხა 17764 ლარი. 2022 წელს სკოლამ იჯარით გასცა ფართები სპორტული სექციების, ქართული ხალხური ცეკვის წრის, ჭადრაკის და ხალხური სიმღერის წრის ფუნქციონირებისთვის. ასევე სექტემბრის თვიდან განახლდა გახანგრძლივებული ჯგუფის მუშაობა, რომელიც სკოლაში დაწყებული სარემონტო სამუშაოების გამო, შეჩერდა 01 დეკემბრიდან რემონტის დასრულებამდე. სკოლის არასაბიუჯეტო შემოსავლებმა შეადგინა 25529 ლარი - იჯარიდან შემოსავალი 11855 ლარი, გახანგრძლივებული წრის შემოსავალი- 2065 ლარი. სკოლამ საბანკო ანგარიშზე არსებული თანხის პროცენტის სახით, როგორც ,,სხვა შემოსავალი’’ 2022 წლის 30 ნოემბრის ჩათვლით, ჯამში მიიღო 3277 ლარი. სსიპ - შეფასებისა და გამოცდების ეროვნულმა ცენტრმა სკოლის საბანკო ანგარიშზე ჩარიცხა ზაფხულის პერიოდში მათ მიერ გახარჯული კომუნალურების თანხა- 8332 ლარი. სკოლის 2022 წლის ბიუჯეტის ძირითადი ნაწილი მოხმარდა შრომის ანაზღაურებასა (ხელფასები, თანამდებობრივი სარგო, სქემით განსაზღვრული სტატუსის დანამატები, საავადმყოფო ფურცლები) და კომუნალურ გადასახადებს. ამას გარდა, შესყიდულ იქნა სასკოლო-საოფისე ინვევტარი, სკოლისათვის საჭირო საოფისე ნივთები (საკანცელარიო ნივთები, საბეჭდი ქაღალდი, საკანცელარიო წიგნები და სხვა ანალოგიური მასალები) და სკოლის მოვლა-დასუფთავებისთვის საჭირო საგნები და მასალები. სკოლის 2022 წლის ბიუჯეტი მაქსიმალურად პასუხობდა სკოლის მოთხოვნილებებს. სკოლის თანხების ხარჯვა განხორციელდა წინასწარ დასახული მიზნებისა და ამოცანების შესასრულებლად და სასწავლო პროცესსა თუ ქვეყანაში შექმნილი ვითარებიდან გამომდინარე საჭიროებების შესაბამისად.