სსიპ - ხობის მუნიციპალიტეტის სოფელ ნოჯიხევის №2 საჯარო სკოლა

მისია: ჯანსაღ, უსაფრთხო და პოზიტიურ სასკოლო გარემოში შესძინოს მოსწავლეებს თვითრეალიზაციისთვის საჭირო ცოდნა და ცნობიერება, განუვითაროს კულტურულ ფასეულობათა პატივისცემა და შეუქმნას სათანადო პირობები საერთაშორისო სტანდარტის მქონე განათლების მისაღებად, საკუთარი ინტელექტუალური და ფიზიკური შესაძლებლობების გამოსავლენად და გასავითარებლად. ამ მისიის შესასრულებლად სკოლას ჰყავს მაღალკვალიფიციური და პროფესიონალი კადრები. ხედვა: სსიპ ხობის მუნიციპალიტეტის სოფელ ნოჯიხევის N2 საჯარო სკოლა 2031 წლისთვის შეძლებს თვითრეალიზებული, 21-ე საუკუნის კომპეტენციების და გლობალურ-ფუნქციური უნარებით, საერთაშორისო სტანდარტის მქონე განათლებული მოქალაქეების მომზადებას. ამ მიზნის მისაღწევად სკოლა გამოიყენებს ინოვაციური და ტრადიციული სწავლების მეთოდებს, სტრატეგიებსა და მიდგომებს. სკოლის ძირითადი მიმართულებაა შრომის ბაზრის მოთხოვნებზე ორიენტირებულ პროფესიული საგანმანათლებლო პროგრამების ფორმალური და არაფორმალური განათლების განვითარება. ჩვენი სკოლის კურსდამთავრებულები გაუწევენ ჯანსაღ კონკურენციას და შეძლებენ დასაქმებას სხვადასხვა სფეროში როგორც საქართველოს ფარგლებს შიგნით, ასევე უცხოეთშიც. ღირებულებები: სსიპ ხობის მუნიციპალიტეტის სოფელ ნოჯიხევის N2 საჯარო სკოლის მისიისა და ხედვიდან გამომდინარე, სასკოლო საზოგადოება თანხმდება შემდეგ ღირებულებებზე: ▪ თანამშრომლობა ▪ სამართლიანობა ▪ ღიაობა ▪ სანდოობა ▪ მიმღებლობა ▪ გუნდურობა

სკოლას ჰყავს სასკოლო სასწავლო გეგმით განსაზღვრული სასწავლო პროცესის შესაბამისი ადამიანური რესურსი. სკოლის თანამდებობრივი სტრუქტურა შედგება: სკოლის დირექცია, ადმინისტრაცია, ტექნიკური პერსონალი და მასწავლებლები, სპეც მასწავლებელი, ექიმი, სამეურვეო საბჭო, პედაგოგიური საბჭო, დისციპლინური კომიტეტი, ხარისხის მართვის ჯგუფი, მოსწავლეთა თვითთმართველობა. ასევე, სკოლაში აქტიურად ფუნქციონირებს საგნობრივი კათედრები

სსიპ ხობის მუნიციპალიტეტის სოფელ ნოჯიხევის N2 საჯარო სკოლის მოსწავლის, მასწავლებლის და სხვა თანამშრომლების ქცევის წესებს არეგულირებს სკოლის შინაგანაწესი. ქცევის წესების დაცვა ხელს უწყობს სკოლაში უსაფრთხო და თანამშრომლობითი გარემოს შექმნას.