სსიპ - ქალაქ თბილისის №203 საჯარო სკოლა

სკოლის მისია აღზარდოს თავისუფალი, ეროვნული და ზოგადსაგანმანათლებლო ღირებულებების მქონე პიროვნება, რომელსაც მიუხედავად შეზღუდული შესაძლებლობებისა, ექნება განვითარებული გონებრივი და ფიზიკური შესაძლებლობები, დემოკრატიულ ღირებულებებზე დაფუძნებული სამოქალაქო ცნობიერება, რომელიც შეძლებს საზოგადოებასთან ინტეგრაციას და ექნება პასუხისმგებლობა ოჯახის, საზოგადოებისა და სახელმწიფოს წინაშე. ხედვა სასკოლო საზოგადოება თანხმდება, ჩამოაყალიბოს ერთიანი ხედვა 2023-2030 სასწავლო წლებისთვის. სკოლა გააძლიერებს ურთიერთთანამშრომლობას სხვადასხვა სკოლასთან, გააფართოებს საგანმანათლებლო დაწესებულებებთან და სხვადასხვა ორგანიზაციებთან ურთიერთობას, დაგეგმავს და განახორციელებს ერთობლივ პროექტებს, რათა აღზარდოს პასუხსიმგებლიანი, კანონმორჩილი, კონკურენტუნარიანი, უწყვეტ განვითარებაზე ორიენტირებული მოქალაქეები, რომელთა 50%-ზე მეტი შეძლებს სკოლის შემდგომი განათლების მიღებას. მნიშვნელოვანია, ღირებულებებზე აღზრდილმა, უწყვეტ განვითარებაზე ორიენტირებულმა თაობამ წვლილი შეიტანოს ჩვენი ქვეყნის აღმშენებლობაში. ღირებულებები გუნდური მუშაობა; პროფესიონალური ზრდა და განვითარება; თანასწორობის პრინციპების დაცვა; პიროვნების ინდივიდუალურობის გათვალისწინება; კეთილსინდისიერება და პატიოსნება; სამართლიანობა.

ქცევის წესები და აპელაციის მექანიზმები გაწერილია სკოლის შინაგანაწესში.