სსიპ - ადიგენის მუნიციპალიტეტის სოფელ წახანის საჯარო სკოლა

ჩვენი სკოლის მისიაა მოამზადოს მოსწავლეები მომავალი წარმატებული ცხოვრებისათვის, აღზარდოს წიგნიერი და კრიტიკულად მოაზროვნე, შემოქმედებითი პიროვნება. რომელიც ხელს შეუწყობს ქვეყანაში სამოქალაქო საზოგადოების ჩამოყალიბებას.რისთვისაც სკოლა უზრუნველყოფს: სწავლა-სწავლების მაღალ სტანდარტებს; მასწავლებელთა უწყვეტ პროფესიულ განვითარებას; უსაფრთხო, ძალადობისა და დისკრიმინაციის ნებისმიერი ფორმისაგან თავისუფალ და წამახალისებელ გარემოს; სკოლის აღჭურვას სასწავლო რესურსებითა და სწავლების ხელშემწყობი სხვა საშუალებებით; ინფორმაციული ტექნოლოგიების განვითარებას და სკოლის კომპიუტერიზაციას; ცხოვრების ჯანსაღი წესის დამკვიდრებას. ზოგადსაგანმანათლებლო დაწესებულების ხედვა თითოეული მოსწავლე აღიჭურვოს ისეთი უნარ-ჩვევებით, რომლებსაც გააზრებული ექნებათ, ადამიანის როლი საზოგადოებასა და ბუნებაში , სწორი პროფესიული ორიენტაციით შეძლებენ ცხოვრებისეული გზის გაკვლევას და დამკვიდრებას. მოსწავლეები იქნებიან ტოლერანტები მოქალაქეები, რომლებიც ცხოვრების შემდეგ ეტაპზე , მარტივად მოახერხებენ სკოლაში მიღებული ცოდნის რეალიზებასა და სხვათა მხარდაჭერას. ზოგადსაგანმანათლებლო დაწესებულების ღირებულებები სასკოლო საზოგადოება აცნობიერებს საკუთარ პასუხისმგებლობას , ორიენტირებულია შედეგებზე და ხელს უწყობს იმგვარი სასწავლო გარემოს შექმნას , სადაც პატივს ცემენ შემდეგ ღირებულებებს : სამართლიანობა, გამჭვირვალობა,ურთიერთპატივისცემა,განსხვავებული კულტურისადმი პატივისცემა.

სსიპ ადიგენის მუნიციპალიტეტის სოფელ წახანის საჯარო სკოლა ახორციელებს საგანმანათლებლო საქმიანობას და უზრუნველყოფს ზოგადი განათლების მიღებას დაწყებით და საბაზო საფეხურზე, ეროვნულ სასწავლო გეგმის შესაბამისად .სკოლას ხელმძღვანელობს დირექტორის მ/შ. სკოლის საგანმანათლებლო საქმიანობა ემარება საქართველოს კანონს"ზოგადი განათლების შესახებ" ,საჯარო სკოლის წესდებას,განათლების ეროვნულ მიზნებს,ეროვნულ სასწავლო გეგმას,სკოლის შინაგანაწესს.

ეტალონთან თანამშრომლობა , მოსწავლეები აქტიურად ღებულობენ მონაწილეობას ტესტირებაში. სხვადასხვა ოლიმპიადაში.

1. სსიპ ადიგენის მუნიციპალიტეტის სოფელ წახანის საჯარო სკოლის 2023-2024 წლის სასკოლო სასწავლო გეგმა 2. სსიპ ადიგენის მუნიციპალიტეტის სოფელ წახანის საჯარო სკოლის საზოგადოებრივი წესის დაცვა.

სოფელ წახანის საჯარო სკოლის ინფრასტრუქტურა შეესაბამება მიმდინარე სასწავლო პროცესს. სასწავლო პროცესისათვის სკოლა ნაწილობრივ აღჭურვილია საჭირო ინვენტარით, კერძოდ გვაქვს გარკვეული რაოდენობის საკლასო ოთახები აღჭურვილია ასაკისთვის შესაბამისი მერხებით, დაფებით. ყველა ოთახი შეესაბამება განათლების სტანდარტებს. სკოლას არ ყავს შეზღუდული შესაძლებლობის მქონე მოსწავლეები. სკოლას აქვს გარე სველი წერტილები. სკოლაში ფუნქციონირებს ბიბლიოთეკა, რომლითაც სარგებლობა შეუძლია მოსწავლეებს, სკოლაში დასაქმებულ ყველა პერსონალს. სკოლაში ინფრასტრუქტურა და საერთო სარგებლობის სივრცეები ხელმისაწვდომია, როგორც მასწავლებლებისათვის, ასევე მოსწავლეებისათვის. პედაგოგები სამასწავლებლოს იყენებენ საკუთარი იდეების, ინიციატივების წარმოდგენისა და რეალიზაციისათვის. სკოლას აქვს გარე სპორტული მოედანი, სადაც უზრუნველყოფილია მოსწავლეთა მხრიდან სხვადასხვა სპორტულ აქტივობებში მონაწილეობის საშუალება. ვგეგმავთ და ვმართავთ სხვადასხვა სპორტულ შეჯიბრებებსა და თამაშებს. სასწავლო პროცესში მასწავლებლები ხელმძღვანელობენ ეროვნული სასწავლო გეგმისა და სასკოლო სასწავლო გეგმის საფუძველზე შედგენილი კურიკულუმებით და იყენებენ სხვადასხვა სახის რესურსებს. კერძოდ, სასკოლო სასწავლო სახელმძღვანელოს, დამხმარე ლიტერატურას, კომპიუტერული ტექნიკას და ინტერნეტით მოძიებულ მასალას. დაწყებით კლასში ყველა მოსწავლესა და მასწავლებელს აქვს ,,ბუკები“. სკოლაში არსებული ინფორმაციული ტექნოლოგიების ინფრასტრუქტურა ხელს გვიწყობს ადმინისტრაციას ინფორმაციის მიღებისა და სწრაფად რეაგირების შესაძლებლობას. კერძოდ, თანამედროვე ტექნოლოგიები გვეხმარება დავამყაროთ კავშირი სასკოლო საზოგადოების ყველა რგოლთან. საჭიროების შემთხვევაში კონტაქტს ვამყარებთ მშობლებთან ელ.ფოსტის, მესენჯერის, თიმსის მეშვეობით. ადმინისტრაციას ტექნოლოგიების საშუალებით შეუძლია გააკონტროლოს, შეამოწმოს მოსწავლეთა მიღწევები, გაცდენა-დაგვიანება. ასევე ამოწმებს ინდივიდუალურად ყველა მასწავლებლის საქმიანობას. ბუღალტერის და საქმის წარმოების მუშაობა დამოკიდებულია მთლიანად ტექნოლოგიებზე. მოსწავლეები იღებენ მონაწილეობას, ეტალონში. აქტიურად იყენებენ ტექნოლოგიებს ინფორმაციის მოძიებისათვის, კონკრეტული პროდუქტების შექმნისათვის და პრეზენტაციებისათვის.