სსიპ - ჩხოროწყუს მუნიციპალიტეტის ახუთის თემის №1 საჯარო სკოლა

სსიპ ჩხოროწყუს მუნიციპალიტეტის ახუთის თემის N1 საჯარო სკოლის მისია, ხედვა, ღირებულებები 2023 წელი სასკოლო საზოგადოების თანამონაწილეობით, გამოკითხვის საფუძველზე შემუშავდა სსიპ ჩხოროწყუს მუნიციპალიტეტის ახუთის თემის N1 საჯარო სკოლის მისია, ხედვა და ღირებულებები: სკოლის მისია: მესამე თაობის ესგ-ით განსაზღვრული სწავლა-სწავლების პრინციპებითა და მიდგომებით სასწავლო პროცესში მოსწავლეთა გლობალური ფუნქციური უნარების გააქტიურების ხელშეწყობა. პოზიტიური, უსაფრთხო, სწავლის მასტიმულირებელი გარემოს შექმნა, ზოგადი განათლების ყველასათვის თანაბარი ხელმისაწვდომობა, მოსწავლეთა ინდივიდუალიზმისა და შემოქმედებითობის წასახალისება, ინოვაციური სასწავლო გარემოსა და თანამშრომლობითი კულტურის, ინკლუზიური გარემოს შექმნა. 21-ე საუკუნის გამოწვევებისა და შრომითი ბაზრის მოთხოვნილებებისთვის საჭირო კონკურენტუნარიანი მოქალაქის ჩამოყალიბების ხელშეწყობა, თავისუფალი, ეროვნული და ზოგადსაკაცობრიო ღირებულებების მქონე პიროვნება, რომელსაც ექნება განვითარებული გონებრივი და ფიზიკური უნარ - ჩვევები, დემოკრატიულ ღირებულებებზე დაფუძნებული სამოქალაქო ცნობიერება და პასუხისმგებლობა ოჯახის, საზოგადოების და სახელმწიფოს წინაშე; მუდმივად გააუმჯობესოს სწავლების ხარისხი და იზრუნოს თანამშრომელთა პროფესიული განვითარების ხელშეწყობაზე. სკოლის ხედვა: იმისათვის, რომ შევძლოთ ჩვენი სასკოლო საზოგადოების მიერ დასახული მისიის შესრულება, გავხადოთ განათლება თანაბრადხელმისაწვდომი, მუდმივად პროგრესზე ვორიენტირდეთ, 21-ე საუკუნის გამოწვევებისა და შრომითი ბაზრის მოთხოვნილებებისთვის საჭირო კონკურენტუნარიანი მოქალაქის ჩამოყალიბების ხელშეწყობის გზად გვესახება არაფორმალური განათლების და სოციალური პროექტების გაძლიერება, წიგნიერების დონის ამაღლება. ჩვენი მომავლის ხედვაა, არაფორმალური განათლებით, საკლუბო და კლასგარეშე ღონისძიებებით გავზარდოთ მოსწავლეთა მოტივაცია, შემეცნებითი უნარები. სასკოლო საზოგადოებასა და თემთან მუშაობა მოსწავლეებში განავითარებს თანამშრომლობისა და სხვა სოციალურ უნარებს. ეს გზა გვესახება მომავალი პროფესიების განსაზღვრის საშუალებად. ვფიქრობთ, ამ მიმართულების გაძლიერებით 2-3 სასწავლო წელში შევძლებთ სასურველი შედეგის მიღწევას. სკოლის ღირებულებები: სასკოლო საზოგადოება მომავლის ხედვისა და სკოლის მისიის განხორციელების გზების უზრუნველსაყოფად მიიჩნევს, რომ სკოლამ მთლიანობაში და მისმა ყოველმა თანამშრომელმა თავიანთი ყოველდღიური საქმიანობის, საგაკვეთილო და არასაგაკვეთილო აქტივობების, ფორმალური თუ არაფორმალური სწავლების დროს უნდა იხელმძღვანელონ ერთად შემუშავებული პრინციპებითა და მიდგომებით:  ზრუნვა სწავლა-სწავლების ხარისხზე;  კეთილსინდისიერება, საქმის ერთგულება და მაღალი პასუხისმგებლობა დაკავებულ პოზიციაზე;  მიუკერძოებლობა და სხვათა შრომის, მიღწევების აღიარება და პატივისცემა;  ზრუნვა პროფესიული განვითარებისთვის და გუნდურობის პრიციპით ხელმღვანელობა, კოლეგიალობა.  ინოვაციური მიდგომებისადმი მუდმივი  სკოლა, როგორც თემის განმანათლებელი. სწორედ ამ ღირებულებების ჯაჭვით, სასწავლო დისციპლინებში მათი ინტეგრირებით, ფორმალური და არაფორმალური განათლების მაღალ დონეზე წარმართვით, ვეცდებით სკოლის მისიისა და ფუნქციის, ჩვენი მომავლის ხედვის უზრუნველყოფასა და ქვეყნის განვითარებაზე ორიენტირებული, 21-ე საუკუნის გამოწვევებისა და შრომითი ბაზრის მოთხოვნილებებისთვის საჭირო, კონკურენტუნარიანი საზოგადოების ღირსეული მოქალაქეების ჩამოყალიბებას.

სკოლის სტრუქტურა

სსიპ ჩხოროწყუს მუნიციპალიტეტის ახუთის თემის N1 საჯარო სკოლის მოსწავლეთა ჩარიცხვის საფეხურის დაძლევის, მობილობის, სტატუსის შეჩერებისა და შეწყვეტის წესი.

შინაგანაწესი წარმოადგენს სკოლასა და სკოლაში დასაქმებულებს შორის გაფორმებული შრომითი ხელშეკრულების განუყოფელ ნაწილს. დასაქმებული ვალდებულია გაეცნოს შინაგანაწესს და აღნიშნული დაადასტუროს საკუთარი ხელმოწერით. შინაგანაწესი ხელმისაწვდომია ყველა დაინტერესებული პირისათვის.

სსიპ ჩხოროწყუს მუნიციპალიტეტის ახუთის თემის N1 საჯარო სკოლის ფოტოები ინფრასტრუქტურის ჭრილში

2024 წლის ბიუჟეტის განაწილების პროექტი თვეების მიხედვით