სსიპ - ქალაქ თბილისის №158 საჯარო სკოლა

სკოლის მისია სსიპ ქალაქ თბილისის N158 საჯარო სკოლის მისიაა ფიზიკურად და ემოციურად უსაფრთხო გარემოში შესძინოს მოსწავლეებს თვითრეალიზაციისთვის აუცილებელი ცოდნა., აღზარდოს პროგრესულად მოაზროვნე, ტოლერანტი, ეროვნული და ზოგადსაკაცობრიო კულტურული მემკვიდრეობის შემცნობი, ეთნიკური და კულტურული მრავალფეროვნების პატივისმცემელი მოქალაქე. შექმნას უსაფრთხო და თანამშრომლობითი გარემო, სადაც ყველა მოსწავლისთვის სასწავლო პროცესი იქნება საინტერესო. სკოლის ხედვა სსიპ ქალაქ თბილისის N158 სკოლა მომავალში თავისთავს ხედავს, როგორც მუდმივ განვითარებაზე ორიენტირებულ საგანმანათლებლო დაწესებულებას. სკოლის ახალი შენობა და ინფრასტრუქტურა გაზრდის თემის მოტივაციას და შესაბამისად მოსწავლეთა რაოდენობას. აქედან გამომდინარე, ჩვენ, სასკოლო საზოგადოების მაქსიმალური ჩართულობით , სასკოლო თემთან მჭიდრო და მაღალკვალიფიციური თანამშრომლობის გზით, განათლების ეროვნული მიზნების მისაღწევად და ეროვნული სასწავლო გეგმის შესასრულებლად, შევძლებთ, რომ ჩვენმა კურსდამთავრებულებმა დაიმკვიდრონ ღირსეული ადგილი გლობალურ სამყაროში, მიაღწიონ წარმატებებს და სხვასაც დაეხმარონ წარმატების მიღწევაში. სკოლის ღირებულებები სკოლის ხედვისა და მისიის განსახორციელებლად სკოლა იხელმძღვანელებს შემდეგი ღირებულებებით: • თანამშრომლობა და გუნდურობა • ინოვაციურობისკენ სწრაფვა • მიუკერძოებლობა და ინკლუზიური გარემოს შექმნა • ჰუმანიზაცია და ტოლერანტობა • პროფესიული ზრდა.