სსიპ - ქალაქ ზუგდიდის №8 საჯარო სკოლა

მისია სსიპ ქალაქ ზუგდიდის N8 საჯარო სკოლის მთავარი მისია არის თავისუფალი, მრავალმხრივ განვითარებული, სახელმწიფოებრივად მოაზროვნე, ტოლერანტი, მორალურ-ზნეობრივად სრულყოფილი მოქალაქის აღზრდა-ჩამოყალიბება. სკოლაში უსაფრთხო, პოზიტიური, თანამშრომლობითი, ურთიერთ პატივისცემასა და თანადგომაზე აგებული გარემოს შექმნა. ხედვა სკოლის თითოეულ მოსწავლეს მოვამზადებთ იმისათვის, რომ აქტიურად ჩაერთოს საზოგადოებრივ ცხოვრებაში. მოსწავლეებს გამოვუმუშავებთ საჭირო უნარ-ჩვევებს, რათა თავიანთი ცოდნა გამოიყენონ პირადი და ქვეყნის კეთილდღეობისათვის. ავამაღლებთ თანამშრომლობით კულტურას, ვიზრუნებთ თითოეული მასწავლებლის პროფესიულ განვითარებაზე. ავამაღლებთ სწავლების ხარისხს, რათა ჩვენის სკოლის მოსწავლეებმა მეტ წარმატებას მიაღწიონ. ვიზრუნებთ სკოლის მატერიალურ-ტექნიკური ბაზის გაუმჯობესებაზე. ღირებულებები ტოლერანტი, თავისუფლად მოაზროვნე ახალგაზრდების აღზრდა სასკოლო საზოგადოებაში ურთიერთ პატივისცემისა და ზნეობრივი მხარდაჭერის პრინციპებით თანამშრომლობა წარმატებულ მოსწავლეთა და მასწავლებელთა რაოდენობის ზრდა

სსიპ ქალაქ ზუგდიდის N8 საჯარო სკოლა მოსწავლეებს სთავაზობს დამატებით არასავალდებულო ხასიათის საგანმანათლებლო/სააღმზრდელო მომსახურებას კლუბების სახით. აღნიშნულში მოსწავლეთა ჩართულობა ნებაყოფლობითია. ამ ეტაპზე სკოლაში ფუქნციონირებს ეკო კლუბი - " ბუნების მკურნალი", სპორტული კლუბი „მეგობრობა, სამოქალაქო განათლების კლუბი „ერთობა“, ლიტერატურული სალონი „დიდი ჯიბე“ და ხელოვნების წრე „ფერთა სამყარო“. სკოლაში მუშაობს მოსწავლის აკადემიურ მხარდაჭერაზე ორიენტირებული პროგრამა - რემედიაცია, რომელიც ითვალისწინებს სწავლაში არსებული პრობლემების შემცირებას ან აღმოფხვრას ხელახლა და/ან სწავლების გზით, კონკრეტული აქტივობების საშუალებით. სკოლაში მუშაობს მოსწავლის ადმინისტრაციული მხარდაჭერის პროგრამა - ტრანზიცია, რომელიც გულისხმობს მოსწავლის სასკოლო გარემოსთან ადაპტაციის ხელშეწყობას. ზოგადსაგანმანათლებლო დაწესებულება ტრანზიციის პროგრამას იყენებს სკოლის დაწყების ხელშესაწყობად მომავალი პირველკლასელებისთვის და განსაკუთრებული საჭიროების მქონე ბავშვებისთვის დამატებითი/გაფართოებული მხარდაჭერის უზრუნველსაყოფად;

შინაგანაწესი წარმოადგენს სკოლასა და სკოლაში დასაქმებულებს შორის გაფორმებული შრომითი ხელშეკრულების განუყოფელ ნაწილს. დასაქმებული ვალდებულია გაეცნოს შინაგანაწესს და აღნიშნული დაადასტუროს საკუთარი ხელმოწერით. შინაგანაწესი ხელმისაწვდომია ყველა დაინტერესებული პირისათვის

სსიპ ქალაქ ზუგდიდის N8 საჯარო სკოლის შენობა განთავსებულია ქ. ზუგდიდი, პუშკინის №157-ში, 2019 წელს სკოლას ჩაუტარდა სრული რეაბილიტაცია ათასწლეულის გამოწვევის ფონდის მილენიუმის პროგრამის ფარგლებში. საკლასო ოთახები სრულად არის აღჭურვილი სასკოლო ინვენტარით. სკოლაში ფუნქციონირებს ქიმიის, ფიზიკა-ბიოლოგიისა და კომპიუტერული ლაბორატორიები, რომლებიც სრულად არის აღჭურვილი თანამედროვე ტექნიკით, ასევე ფუნქციონირებს სასკოლო ბიბლიოთეკა, რესურს ოთახი, სკოლას აქვს 9 სველი წერტილი ( აქედან 1 ადაპტირებული საპირფარეშო), სადაც სრულად არის დაცული სანიტარულ ჰიგიენური ნორმები, ექიმის კაბინეტი, სადაც მომარაგებულია პირველადი დახმარების მედიკამენტები და საჭიროების შემთხვევაში სკოლის ექიმი უზრუნველყოფს პირველადი დახმარების გაწევას, შენობას აქვს პანდუსი. სკოლაში ყოველწლიურად მიმდინარეობს მატერიალურ-ტექნიკური რესურსების ინვენტარიზაცია. კომპიუტერების ლაბორატორიაში არის პერსონალური კომპიუტერები და ლეპტოპები. ლაბორატორია ხელმისაწვდომია სასკოლო საზოგადოების ყველა წევრისთვის წინასწარ შედგენილი განრიგის შესაბამისად. სკოლაში ბიბლიოთეკასთან ფუნქციონირებს სამკითხველო, სადაც არის წიგნების კატალოგი, მეთოდური ლიტერატურა, ატლასები და კლასიკური ლიტერატურა. ბიბლიოთეკის სივრცე ხელმისაწვდომია სასკოლო საზოგადოებისათვის, განკუთვნილია როგორც ღონისძიებებისათვის , ასევე კლუბური მუშაობისათვის.

„ზოგადი განათლების შესახებ“ საქართველოს კანონის შესაბამისად, სკოლის დირექტორი თანხებს განკარგავს სამეურვეო საბჭოს მიერ დამტკიცებული სკოლის ბიუჯეტის მიხედვით. სკოლის დირექტორი ვალდებულია, დროულად მიაწოდოს ბიუჯეტის პროექტი სკოლის სამეურვეო საბჭოს. ბიუჯეტის მომზადება იწყება სექტემბრის თვეში, შეიქმნას ბიუჯეტზე მომუშავე ჯგუფი და თავიდანვე უნდა განისაზღვროს ყველა სავარაუდო შემოსავლები და სავარაუდო ხარჯები. ბუჯეტის დაგეგმვისას ასევე გათვალისწინებულია გასული წლების გამოცდილება. ბიუჯეტის დაგეგმვის პროცესში ჩართული არიან სასკოლო საზოგადოება, რაც უზრუნველყოფს ყველას ინტერესების შეძლებისდაგვარად გათვალისწინებას; საჯარო სკოლის დაფინანსების ძირითად წყაროს წარმოადგენს: ვაუჩერი, გრანტები, ეკონომიკური საქმიანობიდან მიღებული ფინანსები, კერძო შემოწირულობებიდან მიღებული თანხა. სახელმწიფო ან/ და შესაბამისი ადგილობრივი თვითმმართველობის ბიუჯეტიდან გამოყოფილი მიზნობრივი სახსრები და სხვ. დირექტორს ეკისრება ვალდებულება ყოველი წლის 10 დეკემბრამდე წარსდგეს სამეურვეო საბჭოს წინაშე და გააცნოს ანგარიში ფინასური საქმიანობის შესახებ. სსიპ ქალაქ ზუგდიდის N8 საჯარო სკოლის ბიუჯეტი მაქსიმალურად პასუხობს სკოლის მოთხოვნილებებს. სკოლის თანხების ხარჯვა ხორციელდება წინასწარ დასახული მიზნებისა და ამოცანების შესასრულებლად და სასწავლო პროცესში გამოვლენილი საჭიროებების შესაბამისად.