სსიპ - ზუგდიდის მუნიციპალიტეტის სოფელ ცაიშის საჯარო სკოლა

სკოლის მისია სკოლის მისიაა უზრუნველყოს მოსწავლეების საგანმანათლებლო საჭიროებები. აღზარდოს პიროვნება, რომელიც შეძლებს ქვეყნის სახელმწიფოებრივი მონაპოვრების დაცვას და მსოფლიო სივრცეში თვითრეალიზაციას. სკოლის მიზანია მოსწავლე აღზარდოს აქტიური მოქალაქე, რომელსაც შეუძლია საკუთარი და სხვისი ღირსებისა და უფლებების დაცვა, კულტურული მრავალფეროვნების დაფასება, თანასწორობისა და კანონის უზენაესობის დაფასება, მოქალაქეობრივი აზროვნება, შემწყნარებლური დამოკიდებულება, პასუხისმგებლობა ოჯახის და ქვეყნის წინაშე. ხედვა სსიპ ზუგდიდის მუნიციპალიტეტის სოფელ ცაიშის საჯარო სკოლას აქვს განვითარების ამბიციური ხედვა. სკოლის საზოგადოების მიზანია სკოლა იქცეს კონკურენტულ საგანმანათლებლო ორგანიზაციად არა მარტო მუნიციპალიტეტის, არამედ რეგიონის მასშტაბით. მიზნის მისაღწევად სკოლა განავითარებს განათლების ხარისხს როგორც ჰუმანიტარული, ასევე ტექნიკური მიმართულებით: შექმნის ლაბორატორიებს კვლევებისა და „კეთებით“ სწავლების განვითარების მისაღწევად, მაქსიმალურად გამოიყენებს თანამედროვე საინფორმაციო-ტექნიკურ საშუალებებს სწავლების პროცესში, სასკოლო ცხოვრებაში მხარდაჭერილი იქნება არაფორმალური განათლება. მოსწავლეებს შეექმნებათ ისეთი გარემო, რომელიც მიმართული იქნება მათში თავისუფალ აზროვნებაზე დაფუძნებული ღირებულებების ჩამოყალიბებაზე. თავისუფალი და კრიტიკული აზროვნება, საჭირო უნარების ჩამოყალიბება, შესაძლებლობების რეალიზების პირობები სკოლაში და სკოლის გარეთ, ეროვნული და კაცობრიობის ღირებულებების ზიარება და დაფასება იყო და იქნება სსიპ ზუგდიდის მუნიციპალიტეტის სოფელ ცაიშის საჯარო სკოლის ხედვა. სკოლის ძირითადი ღირებულებები: 1. გუნდურობა და თანამშრომლობა; 2. სამართლიანობა და მიუკერძოებლობა; 3. აღიარება და პატივისცემა; 4. პროფესიული განვითარება და დაფასება; 5. თანამონაწილეობა და საჯაროობა; 6. პატრიოტიზმი და ეროვნული ფასეულობების დაცვა; 7. უსაფრთხოება და უკომფლიქტო გარემო;

სკოლის სტრუქტურა მოიცავს: სამეურვეო საბჭოს, დისციპლინურ კომიტეტს, სკოლის დირექციას, სკოლის ადმინისტრაციას, პედაგოგიურ საბჭოს, მოსწავლეთა თვითმმათველობას, მრჩეველთა საბჭოს, მანდატურის სამსახურს.

სსიპ ზუგდიდის მუნიციპალიტეტის სოფელ ცაიშის საჯარო სკოლა სწავლებას ახორციელებს დაწყებით საფეხურზე, საბაზო საფეხურზე და საშუალო საფეხურზე. საბაზო საფეხურის დამთავრების შემდგომ გაიცემა საბაზო საფეხურის დამთავრების დამადასტურებელი დოკუმენტი, საშუალო საფეხურის დამთავრების შემდეგ გაიცემა საშუალო საფეხურის დამთავრების დამადასტურებელი დოკუმენტი (ატესტატი) მხარდაჭერის სერვისები: 1. ტრანზიცია - რემედიაცია 2. სკოლაში მოსწავლეთა ჩარიცხვის, საფეხურის დაძლევის,მობილობის,სტატუსის შეჩერებისა და შეწყვეტის წესი 3. სასკოლო სასწავლო გეგმა 4. მოსწავლეთა ადაპტაციის წესი

შინაგანაწესი წარმოადგენს სკოლასა და სკოლაში დასაქმებულებს შორის გაფორმებული შრომითი ხელშეკრულების განუყოფელ ნაწილს. დასაქმებული ვალდებულია გაეცნოს შინაგანაწესს და აღნიშნული დაადასტუროს საკუთარი ხელმოწერით. შინაგანაწესი ხელმისაწვდომია ყველა დაინტერესებული პირისათვის

სკოლის შენობა ნაწილობრივ ადაპტირებულია. სკოლას აქვს მთავარ შესასვლელთან პანდუსი სსსმ მოსწავლისთვის, ფუნქციონირებს რესურს-ოთახი. ჰყავს სპეც-მასწავლებელი და სსსმ მოსწავლის ასისტენტი. მოწყობილია და ფუნქციონირებს ბიბლიოთეკა, კომპიუტერული ლაბორატორია. სპორტის პოპულარიზების მიზნით მოწყობილია მაგიდის ჩოგბურთის (ტენისის) კუთხე.

სკოლის ბიუჯეტი შეთანხმებული სამეურვეო საბჭოსთან