სსიპ - ზუგდიდის მუნიციპალიტეტის სოფელ ნარაზენის საჯარო სკოლა

სსიპ ზუგდიდის მუნიციპალიტეტის სოფელ ნარაზენის საჯარო სკოლის მისია: მშობლებთან და საზოგადოებასთან თანამშრომლობით შექმნილ უსაფრთხო და პოზიტიურ სასწავლო გარემოში, მოსწავლეებს მივცეთ მაღალი ხარისხის განათლება. ავღზარდოთ კრიტიკულად მოაზროვნე, ტოლერანტი და თავისუფალი ახალგაზრდა, რომელიც სახელმწიფოს სრულფასოვანი მოქალაქე გახდება.

სკოლის თანამდებობრივი სტრუქტურა შედგება: სკოლის დირექციის, ადმინისტრაციის, ტექნიკური პერსონალისა და მასწავლებლებისაგან. სკოლის დირექცია შედგება დირექტორის, დირექტორის მოადგილისა და ბუღალტრისაგან. სკოლის ადმინისტრაცია შედგება საქმისმწარმოებელის, ბიბლიოთეკარის, მატერიალურ-ტექნიკური უზრუნველყოფის კოორდინატორის და სპეციალური მასწავლებლისაგან, ხოლო ტექნიკური პერსონალი შედგება სკოლის ექიმის, დარაჯების, დამლაგებლის, ცეცხლფარეშის და მუშისგან. სკოლის დირექტორის ბრძანებით დამტკიცებულია სტრუქტურული ერთეულების დებულებები. დასაქმებულთა უფლება-მოვალეობები და ვალდებულებები განისაზღვრება სსიპ - ზუგდიდის მუნიციპალიტეტის სოფელ ნარაზენის საჯარო სკოლასა და დასაქმებულს შორის გაფორმებული შრომითი ხელშეკრულებისა და შინაგანაწესის მიხედვით.

.

სკოლას შემუშავებული აქვს შინაგანაწესი, რომელშიც განსაზღვრავს და არეგულირებს მოსწავლის ძირითად უფლებებსა და თავისუფლებებს, მათი შეზღუდვის საფუძვლებს; მოსწავლის სკოლის მართვაში მონაწილეობის უფლებებს, დისციპლინური გადაცდომების ამომწურავ ჩამონათვალს, ეთიკის ნორმებს, თანამშრომელთა, წახალისებისა და სანქციების გამოყენების პრინციპებს.

.