სსიპ - ქალაქ თბილისის №191 საჯარო სკოლა

სსიპ ქალაქ თბილისის N191 საჯარო სკოლის მისია -სსიპ ქალაქ თბილისის N191 საჯარო სკოლის მოსწავლეების, მშობლების, სკოლის პერსონალისა და თემის ურთიერთთანამშრომლობით უზრუნველყოს ინოვაციური, ჯანსაღი, კონკურენტუნარიანი საგანმანათლებლო და სოციალური გარემო;მისცეს მოსწავლეებს თეორიული და პრაქტიკული ცოდნა, განუვითაროს მათ აკადემიური და პიროვნული უნარ-ჩვევები, რომლითაც ადვილად შეძლებენ როგორც ეროვნული სასწავლო გეგმით განსაზღვრული სტანდარტების დაკმაყოფილებას, ისე, საზოგადოებაში ადაპტაციას და მიღებული ცოდნის ცხოვრებაში რეალიზებას. ხედვა - სსიპ ქალაქ თბილისის N191 საჯარო სკოლა გახდება აღიარებული ზოგადი განათლების მიმწოდებელი დაწესებულება, რომელიც სწავლა-სწავლების მაღალი სტანდარტების დამკვიდრებითა და ხარისხიანი, თანადროული განათლების ხელმისაწვდომობით, ორიენტირებული იქნება მოსწავლეთა საჭიროებების მუდმივ დაკმაყოფილებაზე. ღირებულებები - · გამჭირვალობა: ჩვენი საქმიანობა, ხედვები და ღირებულებები საჯაროდაა ხელმისაწვდომი და წინასწარ ცნობილია ყველა დაინტერესებული პირისათვის, უზრუნველყოფილია სკოლის საქმიანობის შესახებ ინფორმაციის საჯაროობა. • მიუკერძოებლობა: ჩვენ უზრუნველვყოფთ, რომ სკოლის მიერ მიღებული გადაწყვეტილებები შეესაბამება მოქმედ კანონმდებლობასა და ითვალისწინებს დაინტერესებულ მხარეთა საუკეთესო ინტერესებს. • თანამშრომლობა: ჩვენ ღია ვართ დაინტერესებულ მხარეებთან თანამშრომლობისათვის. კონსტრუქციულად განვიხილავთ სიახლეებს, წინადადებებს, განსხვავებულ პოზიციებსა და ორიენტირებულნი ვართ პრობლემების გადაჭრაზე. • ობიექტურობა: ჩვენ მიერ განხორციელებული შეფასებები, ეფუძნება ეროვნულ სასწავლო გეგმას და ფაქტობრივ გარემოებებს. დადგენილი პროცედურები მაქსიმალურად გამორიცხავს შეფასებაში მონაწილე პირების სუბიექტივიზმს. • განვითარება და ინოვაციურობა: სისტემატურად ვაფასებთ ჩვენს საქმიანობას და შეფასების შედეგებზე დაყრდნობით, ვგეგმავთ განვითარების ინოვაციურ გზებს. არ ვერიდებით სიახლეების დანერგვას.

სკოლა მოსწავლეებს სთავაზობს დამატებით არასავალდებულო ხასიათის ფასიან საგანმანათლებლო/სააღმზრდელო მომსახურებას წრეების სახით. აღნიშნულში მოსწავლეთა ჩართულობა ნებაყოფლობითია. აღნიშნული წრეები შექმნილია ეროვნული სასწავლო გეგმის შესაბამისად დირექტორის ბრძანების საფუძველზე; დაინტერესებული მოსწავლის მშობელთან/კანონიერ წარმომადგენლებთან ფორმდება სათანადო ხელშეკრულებები. ამ ეტაპზე სკოლაში ფუქნციონირებს გახანგრძლივებული სწავლების წრე. სკოლა წრეების გარდა, იჯარის ფორმით სარგებლობის უფლებით გასცემს სკოლის ფართს, სადაც ფუნქციონირებს კალათბურთის, ქართული ცეკვების, აღმოსავლური ორთაბრძოლების შემსწავლელი წრეები. დეტალურად იხილეთ თანდართული ფაილი.

• სკოლას მოსწავლის კანონით გათვალისწინებული უფლებების დაცვისა და გარანტიების უზრუნველსაყოფად შემუშავებული აქვს შინაგანაწესი, სადაც გაწერილია მოსწავლეთა უფლებები და მოვალეობები, მათ დარღვევაზე პასუხისმგებლობის ფორმები,განცხადებისა და საჩივრის განხილვის წესი .ამასთანავე, სკოლის ადმინისტრაცია, სკოლის დირექციასთან ერთად, შინაგანაწესის სრული დაცვით უზრუნველყოფს სკოლაში უსაფრთხო გარემოს შექმნას. საქართველოს მთავრობის 2016 წლის 12 სექტემბრის N437 დადგენილებით დამტკიცებული ,,ბავშვთა დაცვის მიმართვიანობის (რეფერირების) პროცედურების“ შესაბამისად, სკოლაში დამტკიცებულია ბავშვის მიმართ განხორციელებულ ძალადობასთან დაკავშირებული შიდა ინსტრუქცია, ასევე, განსაზღვრულია რეფერირების პროცედურების განხორციელებაზე უფლებამოსილი პირი, რომელიც შიდა წესის შესაბამისად, უზრუნველყოფს მოსწავლეთა უფლებების დაცვას. ამასთანავე, სკოლაში შექმნილია დისციპლინური კომიტეტი და სამეურვეო საბჭო, სადაც მოსწავლეები, მათი მშობლები/კანონიერი წარმომადგენლები ახდენენ თავიანთი უფლებების დაცვას. სკოლის თანამშრომლის ან მოსწავლის მიერ მოსწავლის კანონით მინიჭებული უფლებების დარღვევის შემთხვევაში, ტარდება ადმინისტრაციული წარმოება, რომლის საფუძველზეც გადაცდომის დაფიქსირების შემთხვევაში შესაბამის პირს ეკისრება დისციპლინური სახდელი. სკოლის შინაგანაწესით ასევე განსაზღვრულია დისციპლინური გადაცდომის სახეები, მასზე დისციპლინური პასუხისმგებლობის ზომები და დისციპლინური წარმოების განხორციელების წესი. მოსწავლეს შესაძლებლობა აქვს, თუ თვლის, რომ შეილახა მისი უფლება ან/და მომსწრე გახდა სხვისი უფლების შელახვის ფაქტის, მიმართოს დირექციას და მისი მიმართვის საფუძველზე უზრუნველყოფილ იქნეს საქმის გარემოებების მოკვლევა; შესაძლებელია, ადმინისტრაცია/დირექციის მიერ მოხდეს საქმის შესწავლა, ხოლო თუ გამოიკვეთება მასწავლებლის/დამრიგებლის შესაძლო დისციპლინური გადაცდომის საკითხი, საქმე გადაეცეს დისციპლინურ კომიტეტს განსახილველად. დეტალურად იხილეთ დანდართული ფაილები.

• სკოლას სარგებლობაში აქვს გადაცემული 22740 კვ.მ ფართი (შენობა-ნაგებობების ფართი 7411.68 კვ.მ). სკოლის ინფრასტრუქტურა, სადაც მიმდინარეობს სასწავლო პროცესი, ძირითადად რეაბილიტირებულია და გამართულია. სკოლის ძირიტადი შენობა ოთხსართულიანია, დამხმარე- ორსართულიანი. სკოლის უსაფრთხოება უზრუნველყოფილია ვიდეოსათვალთვალო კამერებით, როგორც შიდა, ასევე გარე პერიმეტრზე. სკოლა აღჭურვილია შესაბამისი ინვენტარით, საბუნებისმეტყველო ლაბორატორიით. სკოლას აქვს სტანდარტული პორტაბელური კომპიუტერები(ლეპტოპი), ყველა მასწავლებელი და ადმინისტრაციის წევრი სარგებლობს პერსონალური კომპიუტერით. სკოლა უზრუნველყოფილია პროექტორებით, პრინტერებით, აქვს გამართული საკლასო ოთახები, 1 სპორტული დარბაზი, სააქტო დარბაზი და ღია სპორტული მოედანი. აქვს სსსმ მოსწავლეების გადაადგილებისთვის საჭირო მექანიზმი 1 პანდუსი, 1 ლიფტი. ამასთანავე, მათთვის გამოყოფილია 1 რესურსოთახი და შესაბამისი ადამიანური რესურსი. სკოლას აქვს ექიმის კაბინეტი. • სკოლის ინფრასტრუქტურა ემსახურება სკოლის სოციო-კულტურულ სივრცედ ჩამოყალიბებას. სკოლა პოზიტიური გარემოთი, მრავალფეროვანი საგანმანათლებლო საქმიანობებით ქმნის სოციო-კულტურულ სივრცეს. სკოლას აქვს სააქტო დარბაზი, რომელიც გამოიყენება სხვადასხვა ღონისძიებების, კონფერენციების, კონკურსებისა და ინტელექტუალური ვიქტორინებისთვის. სააქტო დარბაზში, ბიბლიოთეკასა და კომპიუტერულ ლაბორატორიაში ხშირად იმართება პროექტების პრეზენტაციები, შეხვედრები ცნობილ ადამიანებთან, კინოჩვენებები, რაც ხელს უწყობს სკოლის სოციო-კულტურულ სივრცედ ჩამოყალიბებას. ასევე, სკოლას აქვს 1 შიდა და 1 გარე სპორტული მოედანი, სადაც უზრუნველყოფილია მოსწავლეთა მხრიდან სხვადასხვა სპორტულ აქტივობებში მონაწილეობის საშუალება. გეგმავენ სხვადასხვა სპორტულ შეჯიბრებებსა და თამაშებს. მაგალითად, სპორტის მასწავლებლების ორგანიზებით, ჩატარდა ამხანაგური შეხვედრა ჩვენი სკოლისა და სხვა სკოლის მოსწავლეებს შორის. სკოლაში მოწყობილია

სკოლას აქვს ვაუჩერული დაფინანსება და დამატებითი ეკონომიური შემოსავლები.