სსიპ - მირზა გელოვანის სახელობის დაბა თიანეთის №1 საჯარო სკოლა

მისია სსიპ მირზა გელოვანის სახელობის დაბა თიანეთის N1 საჯარო სკოლის მისია უზრუნველყოფს მოსწავლის/პროფესიული სტუდენტის ეროვნული ინტერესების, უსაფრთხო და ინკლუზიურ გარემოში თავისუფალი,დემოკრატიული ღირებულებების მქონე პატრიოტი, ტოლერანტი, პროფესიული მოქალაქის ჩამოყალიბებას, რომელიც წვლილს შეიტანს ქვეყნის განვითარებასა და წინსვლაში. სკოლის ხედვა გ) სკოლის ბაზაზე პროფესიული განვითარების ხელშეწყობა, უნივერსიტეტებთან (მაგ:თსუ, კავკასიის უნივერსიტეტი... ) გაფორმებული მემორანდუმისა და კოლეჯებთან და პროფესიულ სასწავლებლებთან (მაგ: წინამძღვრიანთკარის მრავალდარგოვანი კოლეჯის თიანეთის ფილიალი) თანამშრომლობის ამოქმედებით გადამზადების სხვადასხვა პროფესიული კურსის გავლა; დ) ჯანსაღი ცხოვრების წესის გაძლიერების მიზნით, სპორტული აქტივობების გააქტიურება; ე) სკოლის ყველა საფეხურებზე განათლების მაღალი ხარისხის სასკოლო კურიკულუმების შეთავაზება; ვ) მოსწავლისათვის იმ უნარ-ჩვევების განვითარება, რომლებიც თითოეულ მათგანს მისცემს საშუალებას უკვე არსებული გამოცდილება და მიღწევები გამოიყენოს ახალი მატერიალური, ინტელექტუალური თუ სულიერი ღირებულებების შესაქმნელად; ზ) თანამედროვე მოთხოვნებისა და გამოწვევების შესაბამისად, მოსწავლის თავისუფალ და წარმატებულ პიროვნებად ჩამოყალიბებაზე ზრუნვა; თ) საერთაშორისო პროექტებში მონაწილეობის მიღება. ღირებულებები სკოლის მისიისა და ხედვიდან გამომდინარე სკოლის ღირებულებებია:  სიახლეების მიმართ ღიაობა  სხვათა შრომის, მიღწევებისა და აზრის პატივისცემა  სამართლიანობა  გუნდურობა  ერთგულება  გამჭვირვალობა სიახლეების მიმართ ღიაობა: სკოლა იღებს სიახლეებს, ინოვაციებს, მზადაა დაინტერესებულ მხარეებთან თანამშრომლობისათვის. კონსტრუქციულადაა განხილული სიახლეები, წინადადებები, განსხვავებული პოზიციები, ორიენტირება მიდის პრობლემების გადაჭრის გზებზე. სხვათა შრომის, მიღწევებისა და აზრის პატივისცემა: სკოლაში სხვისი აზრი და შრომა დაფასებულია, სამართლიანობა: სკოლაში ყველა გადაწყვეტილება მიღებულია სამართლიანობის პრინციპებზე დაყრდნობით, განხორციელებული შეფასებები, ასევე თვითშეფასება ეფუძნება კანონმდებლობით დადგენილ სტანდარტებს და ფაქტობრივ გარემოებებს. დადგენილი პროცედურები მაქსიმალურად გამორიცხავს მონაწილე პირების სუბიექტივიზმს და არ ტოვებს უსამართლობის განცდას. გუნდურობა: სკოლაში ყველა გადაწყვეტილება მიიღება გუნდურად, სასკოლო საზოგადოების მონაწილეობით. ერთგულება: სასკოლო საზოგადოების თითოეული წევრი აცნობიერებს ჩვენი სკოლის წარსულს, მნიშვნელობას და პრესტიჟს თემში და რჩება სკოლის ერთგული და მისი ინტერესების გამტარებელი. გამჭვირვალობა: სკოლაში მიმდინარე ყველა პროცესი გამჭვირვალეა და ტოვებს სამართლიანობის განცდას. სკოლის მისიისა და ხედვის განხორციელების მიზნით სასკოლო საზოგადოება თანხმდება, რომ სკოლამ მთლიანობაში და მისმა თითოეულმა თანამშრომელმა თავიანთი ყოველდღიური საქმიანობის განხორციელებაში უნდა იხელმძღვანელონ შემდეგი სამუშაო პრინციპებითა და მიდგომებით მნიშვნელოვანია:  პროფესიონალიზმი, საქმის სიყვარული და ერთგულება;  პატიოსნება და კეთილსინდისიერება;  სხვათა შრომის, მიღწევებისა და აზრის პატივისცემა;  საკუთარი პასუხისმგებლობის გაცნობიერება;  საერთო საქმის კეთება და სკოლის ერთგულება;  ინოვაციური მიდგომების დანერგვა და წარსული გამოცდილების გათვალისწინება;  სწავლა-სწავლების მაღალ ხარისხზე ზრუნვა;  ინიციატივის დაფასება და ზრუნვა მის მუდმივ გაუმჯობესებაზე;  მუდმივი პროფესიული ზრდა და განვითარება;  გუნდურად მუშაობა და კოლეგიალობის დაცვა;  ინკლუზიური გარემოს შექმნა;  შედეგზე ორიენტირებულობა.

სამეურვეო საბჭო ,დირექტორი, დირექტორის მოადგილე,ბუღალტერი ,ბიბლიოთეკარი,ექთანი, საქმის მწარმოებელი, კათედრის ხელმძღვანელები, მატერიალურ-ტექნიკური უზრუნველყოფის კოორდინატორი, მოსწავლეთა თვითმმართველობა , სპეც-მასწავლებელი ,მასწავლებლები,ტექნიკური პერსონალი, მრჩეველთა საბჭო,მოსწავლეები. სკოლის სტრუქტურას 2025 წლიდან დაემატა პროფესიული მიმართულება: სასწავლო პროცესის კოორდინატორი;ხარისხის მართვის მენეჯერი; რეესტრზე პასუხისმგებელი პირი; შესყიდვებზე პასუხისმგებელი პირი; პედაგოგები.

სკოლაში შექმნილია ინკლუზიური გარემო. სკოლაში არსებული რესურსები ყველასთვის თანაბრად ხელმისაწვდომია. 1.1.სსიპ მირზა გელოვანის სახელობის დაბა თიანეთის N1 საჯარო სკოლა დაინტერესებულია, ხელი შეუწყოს მოსწავლეთა ადაპტაციას სკოლაში და გააადვილოს სასკოლო ცხოვრებაში პირველკლასელთა და მობილობის წესით გადმოსული მოსწავლეების ჩართულობა. ამასთან, აღნიშნული წესი შესაძლოა გამოყენებულ იქნას იმ მოსწავლეების ადაპტაციის პროცესის გასამარტივებლად, რომელთა სასკოლო ცხოვრებაში ჩართვას ართულებს ენობრივი ბარიერი. 1.2. ეს წესი შესაძლოა გამოყენებულ იქნას იმ შემთხვევაშიც, როდესაც მოსწავლეს, ამ მუხლის პირველ პუნქტში ჩამოთვლილი მიზეზებისგან დამოუკიდებლად, გააჩნია სასკოლო პროცესთან ადაპტაციის პრობლემები. 1.3. სასკოლო საზოგადოება ვალდებულია, განახორციელოს ისეთი აქტივობები, რომელიც დაეხმარება მოსწავლეს ახალ სასწავლო გარემოსთან ადაპტაციაში, თავის დამკვიდრებასა და სასკოლო ცხოვრებაში სრულფასოვან ჩართულობაში. 1.4. ამისათვის სკოლა სწავლობს და ითვალისწინებს მოსწავლის ინდივიდუალურ თავისებურებებს, ოჯახურ და სოციალურ მდგომარეობას, მოსწავლის ფსიქოტიპსა და ემოციურ მდგომარეობას. სასკოლო გარემოსთან ადაპტაცია ესაჭიროება: • პირველი კლასის მოსწავლეებს; • სსმ მოსწავლეებს; • ნებისმიერი ასაკის მოსწავლეს(მობილობით სკოლაში ჩარიცხულს/უცხოეთში მიღებული განათლების აღიარებით ჩარიცხულს). . სსსმ მოსწავლეთა ადაპტაცია 1. სსსმ მოწავლეთა წარმატებული ადაპტაციისათვის საჭიროა ინფორმაცია ბავშვის ფუნქციური, სოციალურ-ემოციური, წინა აკადემიური უნარების შესახებ. ასევე, მნიშვნელოვანია ბავშვის ინტერესების, ქცევის თავისებურებებისა და პიროვნული მახასიათებლების ცოდნა. სკოლამ აღნიშნული ინფორმაცია უნდა მოიპოვოს მოსწავლის ოჯახთან თანმიმდევრული კომუნიკაციით. ობიექტურ წყაროს წარმოადგენს საქართველოს განათლებისა და მეცნიერების სამინისტროს ინკლუზიური განათლების მულტი დისციპლინური გუნდის დასკვნა, სადაც დაწვრილებით არის აღწერილი ბავშვის საჭიროებები და მოცემულია სასწავლო პროცესისა და გარემოსთან შეგუების რეკომენდაციები. 2. შეზღუდული შესალებლობების მქონე ბავშვების რეგისტრაციისას სკოლამ უნდა გაითვალისწინოს მოსწავლის საჭიროებები (მაგალითად, ფიზიკური გარემოს ადაპტაციასთან დაკავშირებული საჭიროებები), რათ მომავალმა მოსწავლემ შეძლოს გარემოში თვისუფლად გადაადგილება. 3. რიგ შემთხვევაში შესაძლოა გამოიკვეთოს ინკლუზიური განათლების დამხმარე სპეციალისტის საჭიროებაც(სპეციალური მასწავლებელი, ინდივიდუალური ასისტენტი, ენისა და მეტყველების სპეციალისტი და სხვა.). აღნიშნულის საჭიროებოს შემთხვევში, დროულად უნდა მოხდეს სათანადო სპეციალისტების შერჩევა. 4. მნიშვნელოვანია, სკოლის მხრიდან მშობელმა მიიღოს ამომწურავი ინფორმაცია, თუ რა დამხმარე სერვისებია სკოლაში სსსმ და შშმ ბავშვების მხარდასაჭერად. ასევე, თუ რა კვალიფიკაციის მქონე სპეციალისტები მუშობენ სკოლაში, როგორ წარიმართება სასწავლო პროცესი, როგორ მოხდება ბავშვის აკადემიური შეფასება, როგორ ხდება სწავლება ინდივიდუალური სასწსავლო გეგმით და სხვ. მუხლი 4. საბაზო/საშუალო საფეხურის მოსწავლეთა ადაპტაცია 1. მეშვიდე კლასი დაწყებითი განათლების საფეხურიდან საბაზო საფეხურზე, ხოლო მეათე კლასი საბაზო განათლების საფეხურიდან საშუალო განათლების საფეხურზე გადასვლის დასაწყისია. საფეხურიდან საფეხურზე გადასვლა ერთ-ერთი მნიშვნელოვანი ცვლილების ეტაპია, რომელსაც უმეტეს შემთხვევაში, თან ახლავს: დამრიგებლის ცვლა, ახალი საგნებისა და მასწავლებლების გაცნობა, ახალი დღის რეჟიმი, დამატებითი პასუხისმგებლობები და სხვ. 2. დამრიგებლების როლი ამ პროცესში გადამწყვეტია. პირველ რიგში იმიტომ, რომ მოსწავლეები ამ ასაკში განსაკუთრებით მგრძნობიარენი არიან იმ ყველაფრის მიმართ, რაც მათ განსხვავებულს ხდის. შესაბამისად, მნიშვნელოვანია, რომ ტრანზიციის პროცესზე მუშაობა იყოს მოქნილი და მრავალფეროვანი, როგორც კლასთან, ასევე მცირე, საერთო ინტერესების მქონე ჯგუფებთან ერთად ან/და ინდივიდუალურად. 3. ტრანზიციის პროცესისნ ეფექტიანად განხორციელებისათვის რეკომენდებულია, მრომ დამრიგებელმა, სადამრიგებლო საათის დროს, წარადგინოს საბაზო/საშუალო საფეხურის მიზნები და, შესაბამისად, ხაზი გაუსვას მომავალი ცხოვრების დაგეგმვის პროცესის მნიშვნელლობას, გააცნოს მოსწავლეებსა და მშობლებს/კანონიერ წარმომადგენლებსტრანზიციის პროცესის აქტუალობა. სადამრიგებლო საათის ფარგლებში დამრიგებელმა, ასაკის შესაბამისად, უნდა იმუშაოს შემდეგ მიმართულებებზე:მოსწავლის პიროვნული და მორალური განვიტარება, მეწარმეობის უნარების განვიტარება, თვალსაწიერის გაფართოება. 4. წინამდებარე საფეხურებზე სკოლაში მობილობის წესით ახალი მოსწავლის გადმოსვლისას, ასევე, უმნიშვნელოვანესია კლასის დამრიგებლის როლი. პირველ რიგში დამრიგებელმა უნდა გაიცნოს ახალი მოსწავლე და კლასში მის წარდგენამდე თანაკლასელებს შეუქმნას მასზე პოზიტიური დამოკიდებულება. იმ შემთხვევაში, თუ მოსწავლე ვერ ახერხებს წარმატებით ადაპტაციას, სწორედ კლასის დამრიგებელმა უნდა გამოიჩინოს ინიციატივა და წაახალისოს მოსწავლეები, დაამყარონ კომუნიკაცია კლასის ახალ წევრთან. ამ დროს განსაკუთრებული ყურადღება უნდა დაეთმოს ჯგუფურ დავალებებს და სხვა ისეთ აქტივობებს, სადაც წარმატების მისაღწწევად აუცილებელია კოორდინირებული ქმედებები და ჯგუფის წევრებს შორის კომუნიკაცია. ასევე, დამრიგებელმა არაფორმალური განათლების შეთავაზების გზით ხელი უნდა შეუწყოს მოსწავლეებს შორის მეგობრული და კეთილგანწყობილი დამოკიდებულების ჩამოყალიბებას. 555 53 54 10 - ლელა ქავთარაძე პერსონალურ მონაცემთა დაცვის ოფიცერი .

წინამდებარე სსიპ მირზა გელოვანის სახელობის დაბა თიანეთის N1 საჯარო სკოლის შინაგანაწესი ვრცელდება ზსდ-ში დასაქმებულ პირებზე, მოსწავლეებზე, პროფესიულ სტუდენტებსა და მათ მშობლებზე/კანონიერ წარმომადგენლებზე, ასევე ზსდ-ს ტერიტორიაზე მყოფ ნებისმიერ პირზე და სავალდებულოა შესასრულებლად. 2. შინაგანაწესი წარმოადგენს ზსდ-ს და ზსდ-ში დასაქმებულ პირებსა და პროფესიულ სტუდენტებს შორის გაფორმებული შრომითი ხელშეკრულების განუყოფელ ნაწილს. დასაქმებული ვალდებულია გაეცნოს შინაგანაწესს და აღნიშნული დაადასტუროს საკუთარი ხელმოწერით. ზსდ ვალდებულია დასაქმებულს გააცნოს შრომის შინაგანაწესში შეტანილი ცვლილება მისი შეტანიდან 14 კალენდარული დღის ვადაში 3. შინაგანაწესი ხელმისაწვდომია ყველა დაინტერესებული პირისათვის. 4. ზსდ ვალდებულია შინაგანაწესი განათავსოს ყველასათვის თვალსაჩინო ადგილას. 5. დამრიგებელი/პროფესიული სასწავლო პროცესის მენეჯერი ვალდებულია სასწავლო წლის დაწყებისას შინაგანაწესი გააცნოს მოსწავლეს/პროფესიულ სტუდენტს და მის მშობელს/კანონიერ წარმომადგენელს. შინაგანაწესში განხორციელებული ცვლილების გაცნობა უნდა მოხდეს არაუგვიანეს 5 დღეში. 6. შინაგანაწესით განისაზღვრება: ა) სამუშაო კვირის ხანგრძლივობა, ყოველდღიური სამუშაოს დაწყებისა და დამთავრების დრო; ბ) დასვენების ხანგრძლივობა; გ) შრომის ანაზღაურების გაცემის დრო და წესი; დ) ანაზღაურებადი შვებულების ხანგრძლივობა და მიცემის წესი; ე) ანაზღაურების გარეშე შვებულების ხანგრძლივობა და მიცემის წესი; ვ) შრომის პირობების დაცვის წესები; ზ) წახალისებისა და პასუხისმგებლობის სახე და გამოყენების წესი; თ) მატერიალური პასუხისმგებლობა; ი) განცხადების/საჩივრის განხილვის წესი; კ) სასწავლო პროცესის მარეგულირებელი ზოგადი ნორმები; ლ) ზსდ-ში ჩაცმულობის წესი. 7. შინაგანაწესში გამოყენებულ ტერმინებს აქვთ შემდეგი მნიშვნელობა: ა) ზსდ-ს ადმინისტრაცია - ზსდ-ს საშტატო ნუსხით გათვალისწინებული პირები (გარდა მასწავლებლისა და პროფესიული განათლების მასწავლებლის), ასევე ზსდ-ში შრომითი ხელშეკრულებით დასაქმებული პირები; ბ) ზსდ-ს დირექცია – ზსდ-ს დირექტორი და მისი მოადგილე/მოადგილეები/პროფესიული სასწავლო პროცესის მენეჯერი (ასეთის არსებობის შემთხვევაში); გ) პროფესიული სტუდენტი - პირი, რომელიც ირიცხება ზსდ-ში ,,პროფესიული განათლების შესახებ“ საქართველოს კანონის განსაზღვრული წესით და სწავლობს პროფესიული საგანმანათლებლო პროგრამის გასავლელად. დ) პროფესიული განათლების მასწავლებელი- ---------------------------------- ე) პროფესიული სასწავლო პროცესის მენეჯერი- ----------------------------------- გ) პროფესიული სასწავლო დრო – ზსდ-ს სასწავლო გეგმით განსაზღვრული პროცესის, აგრეთვე ზსდ-ს მიერ ინიცირებული, ორგანიზებული, კონტროლირებული, დაფინანსებული ნებისმიერი ღონისძიების მიმდინარეობის დრო. დ) უფლებამოსილი პირი – ზსდ-ს დირექტორის ინდივიდუალური ადმინისტრაციულ-სამართლებრივი აქტით განსაზღვრული პირი, რომელიც სკოლის ტერიტორიაზე, სასკოლო დროს უზრუნველყოფს უსაფრთხოებისა და საზოგადოებრივი წესრიგის დაცვას იმ სკოლებში, სადაც არ არის განაწილებული მანდატური (შემდგომში - მანდატური), ხოლო იმ სკოლებში სადაც არის მანდატური, ეხმარება მანდატურს საზოგადოებრივი წესრიგისა და უსაფრთხოების დაცვაში, მანდატურის სამსახურის უფროსის ინდივიდუალური ადმინისტრაციულ-სამართლებრივი აქტით გათვალისწინებულ შემთხვევებში.

სკოლაში მოწესრიგებულია ინფრასტრუქტურა. სასწავლო გარემო ადაპტირებული და მორგებულია ყველა მოსწავლისთვის და ზოგადად სასკოლო საზოგადოებისთვის.

სკოლის ბიუჯეტი განსაზღვრულია მოსწავლის ვაუჩერული დაფინანსებიდან,მასწავლებელთა სახელფასო დანამატებითა ინკლუზიური განათლების მიმართულებით მიწოდებული დანამატებით.სკოლის ბიუჯეტი სამეურვეო საბჭოს მიერაა დამტკიცებული. სკოლის ფინანსური მართვა ხორციელდება კანონის შესაბამისად.სკოლა ფინანსურად არამდგრადია. სკოლა ვერ იღებს ეკონომიკურ შემოსავლებს.ვერ ხერხდება ფართების გაიჯარება.სკოლის რესურსებით აღჭურვის ძირითადი წყაროა საგანმანათლებლო პროექტებში აქტიური ჩართულობა.სკოლის გათბობას ხმარდება დიდი ოდენობის გაზმომარაგება,რაც მწვავედ აისახება სკოლის ბიუჯეტზე.ფინანსური პრობლემების გამო ,ვეღარ ხერხდება ისეთი აქტივობების გათვალისწინება როგორიცაა,წიგნადი ფონდის განახლება,ტექნიკის განახლება, სკოლის მოვლა-პატრონობა(რემონტი) ,საგანმანათლებლო რესურსების შეძენა და სხვა.