სსიპ - დუშეთის მუნიციპალიტეტის სოფელ პირმისაანთკარის საჯარო სკოლა

იზრუნოს სწავლა-სწავლების ხარისხის ამაღლებასა და უწყვეტ განვითარებაზე. შექმნას, ჯანსაღი, კონკურენტუნარიანი, პატრიოტული სულისკვეთებით განმსჭვალული ახალგაზრდების აღზრდისთვის აუცილებელი, ინკლუზიური, უსაფრთხო გარემო - პირობები, ჩამოუყალიბოს დამოუკიდებელი გადაწყვეტილებების მიღების უნარ-ჩვევები, მათ შორის მომავალი განვითარების გზის არჩევაში. მუდმივად იზრუნოს პედაგოგთა კვალიფიკაციის ზრდაზე და ხელი შეუწყოს მასწავლებელს პროფესიული საქმიანობის ხარისხის გაუმჯობესებაში. თანამედროვე მოთხოვნათა და გამოწვევათა შესაბამისად მუდმივი სწრაფვა თვითგანვითარებისკენ, საგანმანათლებლო სივრცეში აქტიური ჩართულობა 2030 წლისთვის დაგვიმკვიდრებს ღირსეულ ადგილს საქართველოს საუკეთესო სკოლებს შორის. სკოლის მისიის და მომავლის ხედვის განხორციელების მიზნით სასკოლო საზოგადოების ყველა წევრი იხელმძღვანელებს შემდეგი პრინციპებით და მიდგომებით: პროფესიული ზრდა და განვითარება, ეფექტიანი კომუნიკაცია, საქმის სიყვარული და ერთგულება, სიახლეების მიმღებლობა, სანდოობა, ტოლერანტობა, ღიაობა, გუნდური კულტურა, სხვათა შრომის, მიღწევებისა და აზრის პატივისცემა, მოსწავლეთა საუკეთესო ინტერესების მხარდაჭერა.

2020-2022 წლებში საქართველოს მუნიციპალური განვითარების ფონდის დაფინანსებით მოხდა სკოლის შენობის და ეზოს სრული რეაბილიტაცია. სრულად განახლდა ინფრასტრუქტურა: გარე და შიდა სპორტული მოედნები, რეკრიაციული სივრცე, სველი წერტილები, ცენტრალური გათბობის სისტემა, გარემო სრულად ადაპტირებულია შშმ პირთათვის. სკოლაში ფუნქციონირებს ექიმის კაბინეტი, ბიბლიოთეკა, საკონფერენციო დარბაზი, რესურს ოთახი, კომპიუტერული ლაბორატორია. სკოლა აღჭურვილია ახალი სასკოლო ინვენტერით და კომპიუტერული ტექნიკით.