სსიპ - ყვარლის მუნიციპალიტეტის სოფელ წიწკანაანთსერის საჯარო სკოლა

სკოლის მისია სსიპ ყვარლის მუნიციპალიტეტის სოფელ წიწკანაანთსერის საჯარო სკოლის მისიაა აღზარდოს ტოლერანტი, კრიტიკულად მოაზროვნე, კომუნიკაბელური, კანონმორჩილი, სამოქალაქო ცნობიერების მქონე თაობა, რომელსაც ექნება არა მარტო ხარისხიანი განათლება, არამედ პრობლემების დამოუკიდებლად გადაჭრისა და ჯანსაღ კონკურენტუნარიან გარემოში თავის დამკვიდრების უნარი. სკოლის ხედვა სკოლა მოსწავლეებსა და თანამშრომლებს სთავაზობს უსაფრთხო, მეგობრულ გარემოს, სადაც სასკოლო საზოგადოების წევრები თავს გრძნობენ დაცულად და მხარში უდგანან ერთმანეთს. მოსწავლეები უზრუნველყოფილი არიან თანამშრომლობითი, კონკურენტული გარემოთი, სადაც პატივს სცემენ განსხვავებულ აზრს და ინოვაციურ იდეებს. მასწავლებლები იყენებენ სწავლა/სწავლების თანამედროვე მეთოდებს და ეფექტური უკუკავშირის საშუალებით საშუალებას აძლევენ მათ, დაინახონ საკუთარი სწავლის პროგრესი. სკოლა ზრუნავს თითოეული მოსწავლის გონებრივ, ფიზიკურ, ემოციურ და სულიერ განვითარებაზე და ხელს უწყობს მათ ჩამოყალიბებას საზოგადოების სრულფასოვან წევრებად. სკოლა აღიარებს, რომ ყველა ბავშვს აქვს ინდივიდუალური ნიჭი და შესაძლებლობები და ხელს უწყობს მათ მაქსიმალურად გამოვლენას. სკოლის ყველა თანამშრომელი აცნობიერებს, რომ სწავლა-სწავლება რთული და ხანგრძლივი პროცესია, რადგან ყველა ბავშვი ინდივიდუალურია და თითოეული მათგანი ინფორმაციას სხვადასხვა გზით ითვისებს. სკოლა ხელს უწყობს მოსწავლეს დაინახოს და გაიაზროს საკუთარი სწავლის პროცესი, რათა მისცეს მას დამოუკიდებლად სწავლისა და გნვითარების საშუალება. სკოლა ხელს უწყობს მოსწავლეებში მოქალაქეობრივი ღირებულებების განვითარებას და ზრუნავს მათ ტოლერანტ, კრიტიკულად მოაზროვნე გლობალურ მოქალაქეებად ჩამოყალიბებაზე, რათა მომავალში მათ შეძლონ პრობლემის დამოუკიდებლად გადაჭრა და ჯანსაღ კონკურენტუნარიან გარემოში თავის დამკვიდრება. სკოლის ღირებულებები სკოლის ძირითადი ღირებულებებია: სიყვარული, ერთმანეთის პატივისცემა, პატრიოტიზმი, პასუხისმგებლობა, თანამშრომლობა, ემპათია, ტოლერანტობა.

მოკლე ინფორმაცია სსიპ ყვარლის მუნიციპალიტეტის სოფელ წიწკანაანთსერის საჯარო სკოლის სტრუქტურა შედგება შემდეგი ერთეულებისგან: დირექცია: დირექტორი, ბუღალტერი; ადმინისტრაცია: საქმისმწარმოებელი; ტექნიკური და სხვა მომსახურე პერსონალი: ექთანი, დარაჯი, დამლაგებელი, ცეცხლფარეში; სამეურვეო საბჭო, პედაგოგიური საბჭო, დისციპლინური კომიტეტი; მრჩეველთა საბჭო, ხარისხის განვითარების ჯგუფი; მოსწავლეთა თვითმართველობა, კლუბები; კათედრები: ქართული ენისა და ლიტერატურის კათედრა, მათემატიკისა და ტექნოლოგიების კათედრა, საბუნებისმეტყველო მეცნიერებების კათედრა, უცხო ენების კათედრა, სპორტისა და ესთეტიკური აღზრდის კათედრა, საზოგადოებრივი მეცნიერებების კათედრა

სკოლის საგანმანათლებლო საქმიანობასთან დაკავშირებულ მმართველობით, ძირითად და დამხმარე პროცესებს განსაზღვრავს სტრატეგიული და სამოქმედო გეგმები, სასკოლო სასწავლო გეგმა, სასკოლო კურიკულუმი, კურიკულუმის შემუშავებისა და განვითარების მეთოდოლოგია, შინაგანაწესი, ადამიანური რესურსების მართვის პოლიტიკა, სტრატეგიული დაგეგმვის მეთოდოლოგია, უსაფრთხოები პოლიტიკა, გასაჩივრების მექანიზმები და სხვა.

ქცევის წესები და აპელაციის მექანიზმები რეგულირდება სკოლის შინაგანაწესით, რომელიც ვრცელდება სკოლაში დასაქმებულ პირებზე, მოსწავლეებსა და მათ მშობლებზე/კანონიერ წარმომადგენლებზე, ასევე სკოლის ტერიტორიაზე მყოფ ნებისმიერ პირზე და სავალდებულოა შესასრულებლად.

სსიპ ყვარლის მუნიციპალიტეტის მუნიციპალიტეტის სოფელ წიწკანაათსერის საჯარო სკოლის ძირითად შემოსავალს შეადგენს ვაუჩერული დაფინანსება, რომლის განკარგვაც ხდება სკოლის მიზნების შესაბამისად. სკოლის ბიუჯეტის დამტკიცება ხდება სამეურვეო საბჭოს მიერ ყოველი წლის დეკემბრის ბოლომდე. წლის განმავლობაში, საჭიროების შემთხვევაში, ხდება ბიუჯეტის კორექტირება, რომელსაც ამტკიცებს სამეურვეო საბჭო. სკოლის დირექტორი ფინანსური საქმიანობის შესახებ ანგარიშით წარდგება სამეურვეო საბჭოს წინაშე ყოველი წლის 10 დეკემბრამდე.