სსიპ - ყვარლის მუნიციპალიტეტის სოფელ მთისძირის საჯარო სკოლა

.სკოლის მისიაა: აღზარდოს ზნეობრივად სუფთა, განათლებული და პატრიოტული სულისკვეთებით გამსჭვალული ახალგაზრდობა; ჩამოაყალიბოს ეროვნული და ზოგადსაკაცობრიო ღირებულებების მატარებელი თავისუფალი პიროვნება და შეუქმნას პირობები ჯანსაღი წესის დასამკვიდრებლად. მისია,ხედვა და ღირებულებები შეესაბამება ეროვნული განათლების მიზნების ყველა პუნქტს.თავისი საქმიანობისა და კომპეტენციის ფარგლებში სკოლა ეყრდნობა განათლების საყოველთაოდ აღიარებულ ისეთ ღირებულებებს,როგორებიცაა:დემოკრატიული მართვა,თანამშრომლობა,გუნდურობა,ღიაობა სიახლისადმი,კომუნიკაბელურობა. სკოლის ხედვა: სკოლის ყველა თანამშრომელი ზრუნავს ბავშვის გონებრივ, ფიზიკურ, ემოციურ, სულიერ, განვითარებაზე, რათა ჩამოყალიბდეს სოციუმის სრულუფასოვან წევრად.ყველა თანმშრომლს კარგად ესმის, რომ ყველა ბავშვი ინდივიდუალურია თავისი შესაძლებლობითა და განვითარებით. ამიტომ სკოლა მიმართულია თითოეული მოსწავლის შესაძლებლობების, პოტენციალისა და განსაკუთრებული ნიჭის გამოვლენასა და მაქსიმალურად განითარებაზე. ხელს უწყობს თითოეული ბავშვის ცხოვრებას და წარმატებას დღევანდელ საზოგადოებაში სკოლისა და ოჯახის კონსტრუქციული თანამშრომლობის გზით. სკოლის მისია,ხედვა და ღირებულებები წარმოჩენს სკოლის როლს თემში.სკოლა ორიენტირებულია სასკოლო საზოგადოებაში უსაფრთხოებასა და პიროვნულ განვითარებაზე და ქმნის სოციო-კულტურულ სივრცეს,რომელიც ვლინდება სასკოლო ცხოვრებაში აქტიური ჩართულობით,სოციალური პროექტების განხორციელებით.სკოლის პრიორიტეტია გარემოზე ზრუნვა და ახორციელებს სასკოლო გარემოსდაცვითპროექტს ასევე ვმუშაობთ სასკოლო პროექტზე -კულტურული მემკვიდრეობის დაცვა.მუშაობს კლუბები საზოგადოებრივ კათედრაზე,რომელიც დირექციისა და თვითმმართველობის ინიციატივით შეიქმნა,აქტიურად ვმუშაობთ სხვადასხვა სოციალურ პროექტებზე. სასკოლო სივრცეში ამ აქტივობების შესრულება და სასკოლო თემის ჩართულობა რეალურად ავლენს მოსწავლეთა სოციალურ უნარ-ჩვევებს,პიროვნულ მახასიათებლებს ზემოაღნიშნული უზრუნველყოფს სკოლის მისიისა და ხედვის შესრულებას. სკოლის ღირებულებები: სიყვარული, თანადგომა, სამართლიანობა, ურთიერთპატივისცემა, პატრიოტიზმი, ერთგულება, პასუხისმგებლობა, თანამშრომლობა, ტოლერანტობა სკოლის მისია,ხედვა და ღირებულებები შემუშავებულია სასკოლო საზოგადოების ჩართულობით;მისიის,ხედვისა სა ღირებულებების ჩარჩო დოკუმენტის შეიქმნა სკოლის ადმინისტრაციის წევრების მიერ,სკოლის წარსული გამოცდილების საფუძველზე და თანამედროვე გამოწვევების საპასუხოდ.ჩარჩო-დოკუმენტი განიხილა სკოლის თემმა, პედაგოგიურმა და სამეურვეო საბჭოებმა.მიღებული წინადადებებისა და შენიშვნების გათვალისწინებით ჩამოყალიბდა საბოლოო სახით. სკოლის მისია,ხედვა ღირებულებები საჯაროდაა ხელმისაწვდომი და გამოკრულია სკოლის საინფორმაციო დაფაზე.

სკოლის ორგანიზაციული მოწყობა 1. სკოლაში მოქმედი სტრუქტურული ერთეულების/პირების ფუნქციები მკაფიოდაა განსაზღვრული; 2. სკოლის სტრუქტურულ ერთეულებს/პირებს შორის ფუნქციებისა და პასუხისმგებლობების განაწილება ხელს უწყობს საგანმანათლებლო საქმიანობის განხორციელებას. 1. სკოლის წარმატება დამოკიდებულია ყველა დასაქმებული პირის შეთანხმებულ საქმიანობაზე.სკოლის ორგანიზაციული სტრუქტურული ერთეულები: 1.სამეურვეო საბჭო, 2.პედაგოგიური საბჭო, 3.მოსწავლეთა თვითმმართველობა, 4.დისციპლინური კომიტეტი, 5.დირექცია, 6.ადმინისტრაცია, 7.მრჩეველთა საბჭო,

სსიპ ყვარლის მუნიციპალიტეტის სოფელ მთისძირის საჯარო სკოლაში პროცესების ხარისხის განვითარების ხელშეწყობის შიდა მექანიზმები ხორციელდება სკოლის მიერ, საქართველოს კანონმდებლობით დადგენილი წესით, რომელიც გამოიყენება სკოლის მიერ შეთავაზებული სერვისების პერიოდული და სისტემური შეფასებისა და მუდმივი განვითარებისთვის. სკოლაში ხორციელდება პროცესებზე დაფუძნებული ხარისხის უზრუნველყოფის სისტემა.

წინამდებარე შინაგანაწესი (შემდგომში – ,,შინაგანაწესი”) ვრცელდება სსიპ ყვარლის მუნიციპალიტეტის სოფელ მთისძირის საჯარო სკოლის (შემდგომში – ,,სკოლა”)დასაქმებულ პირებზე, მოსწავლეებსა და მათ მშობლებზე/კანონიერ წარმომადგენლებზე, ასევე სკოლის ტერიტორიაზე მყოფ ნებისმიერ პირზე და სავალდებულოა შესასრულებლად. 2. შინაგანაწესი წარმოადგენს სკოლასა და სკოლაში დასაქმებულებს შორის გაფორმებული შრომითი ხელშეკრულების განუყოფელ ნაწილს. დასაქმებული ვალდებულია გაეცნოს შინაგანაწესს და აღნიშნული დაადასტუროს საკუთარი ხელმოწერით. სკოლა ვალდებულია დასაქმებულს გააცნოს შრომის შინაგანაწესში შეტანილი ცვლილება მისი შეტანიდან 14 კალენდარული დღის ვადაში.

ანგარიში (ფინანსური საქმიანობის შესახებ) წარმოგიდენთ სსიპ ყვარლის მუნიციპალიტეტის სოფელ მთისძირის საჯარო სკოლის, 2024 წლის ფინანსური საქმიანობის შესახებ ანგარიშს. ,,ზოგადი განათლების შესახებ’’ საქართველოს კანონის 52-ე მუხლის პირველი პუნქტის თანახმად, საჯარო სკოლის დირექტორი თანხებს განკარგავს სამეურვეო საბჭოს მიერ დამტკიცებული სკოლის ბიუჯეტის მიხედვით. 2023 წლის ბოლოს დამტკიცდა 2024 წლის ბიუჯეტი, რომელიც დაგეგმილი იყო რეალური გათვლებისა და გაანგარიშების საფუძველზე, როგორც შემოსავლით, ისე ხარჯვით ნაწილში. ბიუჯეტის დაგეგმვისას, ასევე, გათვალისწინებულ იქნა გასული წლების გამოცდილება. 2024 წლის ბიუჯეტის დაგეგმვის პროცესში მხედველობაში იქნა მიღებული, როგორც ვაუჩერული დაფინანსებიდან, ისე სხვა საქმიანობიდან მისაღები სავარაუდო შემოსავლები. 2024 წლის ბიუჯეტში, წინა წლიდან გადმოსული ნაშთი შეადგენდა 2029 ლარს, ხოლო ბიუჯეტი ჯამურად განისაზღვრა 437290 ,00 ლარით. დაზუსტების მიზნით, სკოლის ბიუჯეტში წლის განმავლობაში რამდენიმეჯერ განხორციელდა ცვლილება. სკოლის შემოსავლის ძირითად ნაწილს შეადგენდა მოსწავლეთა ვაუჩერული დაფინანსება. წინა წელთან შედარებით სკოლაში 2024 წელს მოსწავლეთა რაოდენობა მნიშვნელოვნად არ შეცვლილა, შესაბამისად, ვაუჩერული დაფინანსებიდან მიღებული შემოსავლების კუთხით უმნიშვნელო ცვლილებები განხორციელდა. აღნიშნულის გათვალისწინებით, სკოლამ მასწავლებელთა და მოსწავლეთა ვაუჩერული დაფინანსებიდან მიიღო 409938 ლარი 2024 წლის 10 დეკემბრის მდგომარეობით. 2024 წლის განმავლობაში, საქართველოს მთავრობის 2015 წლის 14 სექტემბრის №476 დადგენილების შესაბამისად, სსსმ მოსწავლეებისათვის გამოყოფილი დამატებითი დაფინანსება ირიცხებოდა სტაბილურად და წლიურად შეადგინა 8400,00 ლარი. საქართველოს განათლების, მეცნიერებისა და ახალგაზრდობის მინისტრის 2024 წლის 19 ივნისის N108/ნ ბრძანებით 2024 წლის 01 ივლისიდან შეიცვალა მასწავლებლის შრომის ანაზღაურების დაანგარიშების წესი, ასევე, შეიცვალა მასწავლებელთა ხელფასები. გარდა ამისა, 2024 წლის 01 იანვრიდან გაიზარდა საშტატო განრიგით გათვალისწინებული თანამდებობების მიხედვით ხელფასები არსებული ხელფასების 10%-ის ფარგლებში. კერძოდ, შეიცვალა ადმინისტრაციის, ტექნიკური პერსონალის ანაზღაურებები აღნიშნულის გათვალისწინებით, 2023 წლის 10 დეკემბრიდან 2024 წლის 09 დეკემბრამდე პერიოდში, სახელფასო ხარჯი ჯამში შეადგენს 411270 ლარს. 2024წელს სკოლას ფინანსების უქონლობის გამო დამატებით მიიღო 12750 ლარი კომუნალური გადასახადებისათვის და სკოლის ავტორიზაციისათვის, აღსანიშნავია ის,რომ სკოლამ წარმატებით გაიარა ავტორიზაცია. აგრეთვე სკოლას დაუფინანსდა განათლებისა და მეცნიერების ინფრასტრუქტურისაგან 3600 ლარი. ექსპერტიზის მომსახურებისათვის, სკოლის შენობის მდგრადობის დასადგენად. სკოლას საბანკო ანგარიშზე განხორციელებული ბრუნვის ფარგლებში, სკოლას სარგებლის სახით დაერიცხა გარკვეული თანხა (დარიცხული პროცენტი), საიდანაც ჯამურმა შემოსავალმა 2024 წლის 01 ივლისის ჩათვლით შეადგინა 550 ლარი. 2024 წლის ბიუჯეტის უდიდესი ნაწილი მოხმარდა შრომის (ხელფასები, თანამდებობრივი სარგო, სქემით განსაზღვრული სტატუსის დანამატები) ანაზღაურებას. ასევე, სკოლის ბიუჯეტიდან დაიფარა კომუნალური გადასახადები. საბიუჯეტო წლის განმავლობაში, ასევე, შესყიდულ იქნა სკოლის შეუფერხებელი ფუნქციონირებისათვის საჭირო საოფისე ნივთები (საოფისე ინვენტარი, ქაღალდი, საკანცელარიო ნივთები და სხვა ანალოგიური მასალები). აგრეთვე შესყიდული იქნა სხვადასხვა მომსახურებები, კერძოდ სახანძრო უსაფრთხოების მომსახურება, სკოლის ავტორიზაციის მომსახურება . 2024 წლის 01 იანვრიდან 10 დეკემბრის ჩათვლით მიღებულმა სკოლის შემოსავალმა ჯამში შეადგინა 442640 ლარი (მ.შ. სხვა შემოსავალმა 550 ლარი), ხოლო ხარჯმა 426490 ლარი. მიუხედავად წლის განმავლობაში არსებული გამოწვევებისა და სიძნელეებისა, სკოლის 2024 წლის ბიუჯეტი იხარჯებოდა რაციონალურიად და შეძლებისდაგვარად პასუხობდა სკოლის მოთხოვნებს. სკოლის თანხების ხარჯვა განხორციელდა წინასწარ დასახული მიზნებისა და ამოცანების შესასრულებლად და სასწავლო პროცესში გამოვლენილი საჭიროებების შესაბამისად. ყოველივე აღნიშნულის გათვალისწინებთ, 2024 წლის სკოლის ბიუჯეტის შემოსავლები და გადარიცხვითი ოპერაციები განხორციელებულია საქართველოს მოქმედი კანონმდებლობის შესაბამისად.