სსიპ - სიღნაღის მუნიციპალიტეტის სოფელ ძველი ანაგის საჯარო სკოლა

სსიპ სიღნაღის მუნიციპალიტეტის სოფელ ძველი ანაგის საჯარო სკოლის მისია ძველი ანაგის საჯარო სკოლის მისიაა აღზარდოს ქვეყნის ტრადიციებისა და ინტერესების დამცველი, აკადემიურად წარმატებული, სულიერად და ფიზიკურად განვითარებული , საზოგადოებრივად მოაზროვნე გლობალური მოქალაქე. სსიპ სიღნაღის მუნიციპალიტეტის სოფელ ძველი ანაგის საჯარო სკოლის ხედვა ძველი ანაგის საჯარო სკოლა 2030 წლისთვის დაიმკვიდრებს ღირსეულ ადგილს ქვეყნის საგანმანათლებლო სივრცეში და უზრუნველყოფს მოსწავლეთა აკადემიური მოსწრების მზარდ დინამიკას 40%-ით. სსიპ სიღნაღის მუნიციპალიტეტის სოფელ ძველი ანაგის საჯარო სკოლის ღირებულებები სკოლა თავის საქმიანობას წარმართავს შემდეგ ღირებულებებზე დაყრდნობით: თანამშრომლობა: სკოლა თანამშრომლობს თემთან, სასკოლო საზოგადოებასთან და ყველა დაინტერესებულ მხარესთან. სკოლა მხარს უჭერს მოსწავლეთა ინიციატივებს. სასკოლო საზოგადოებასთან ერთად განვიხილავთ სიახლეებს, წინადადებებს, განსხვავებულ პოზიციებს. სასკოლო საზოგადოების თითოეულ წევრს მიეცემა განვითარების და საკუთარი თავის მაქსიმალურად რელიზების საშუალება. ორიენტაცია მუდმივ განვითარებაზე: სკოლა სისტემატიურად აფასებს თავის საქმიანობას და გეგმავს განვითარების ინოვაციურ გზებს, ზრუნავს და ხელს უწყობს მასწავლებელთა პროფესიულ განვითარებას, რაც პირდაპირ აისახება სწავლის ხარისხზე. სასწავლო პროცესში გამოიყენება მრავალფეროვანი სასწავლო რესურსები, აქტიურად ვცდილობთ დავნერგოთ განათლების სფეროში მიმდინარე სიახლეები სკოლაში და ყოველთვის ორიენტირებულნი ვართ განვითარებაზე. გუნდური მუშაობა : სკოლა ორიენტირებულია გუნდური მუშაობის პრინციპებზე. სკოლის სტრუქტურული ერთეულები, თემი, საზოგადოება ემსახურება საერთო მიზნის მიღწევას. პასუხისმგებლობა - სკოლა ორიენტირებულია მიზანზე, სადაც ყველა პასუხისმგებლობას იღებს თავის ვალდებულებებსა და ინიციატივებზე, წარმატებებზე და ხარვეზებზე. სკოლა ახორციელებს საკუთარი საქმიანობის, სწავლა - სწავლების პროცესის მუდმივ მონიტორინგს, შეფასებას და გაუმჯობესებას. სკოლაში შექმნილია გარემო, სადაც არ ეშინიათ შეცდომების დაშვების, რაც მოსწავლეებს უქმნის სკოლისადმი მიკუთვნებულობის მაღალ განცდას.

სამეურვეო საბჭო, დირექტორი, დისციპლინარული კომიტეტი, ბუღალტერი, ინფორმაციული მენეჯერი, საქმის მწარმოებელი, ბიბლიოთეკარი, ფსიქოლოგი, ასისტენტი, ექიმი, მატერიალურ ტექნიკური უზრუნველყოფის კოორდინატორი, დამლაგებელი, დარაჯი, მუშა. მოსწავლეთა თვითმმართველობა , დირექტორის მოადგილე, პედაგოგიური საბჭო, ქართული ენისა და ლიტერტატურის კათედრა , მათემატიკის კათედრა, საბუნებისმეტყველო მეცნიერებების კათედრა , საზოგადოებრივი მეცნიერებების კათედრა, უცხო ენების კათედრა , ესთეტიკა -სპორტის კათედრა, დაწყებითი კლასის კათედრა .

მოსწავლის სასკოლო გარემოსთან ადაპტაციის წესი სსიპ სიღნაღის მუნიციპალიტეტის სოფელ ძველი ანაგის საჯარო სკოლა 2023 წელი მუხლი 1. მოსწავლის სასკოლო ცხოვრებაში ადაპტაციის პრინციპები და მნიშვნელოვანი ფაქტორები მოსწავლის სასკოლო პროცესში ადაპტაციისას გათვალისწინებული უნდა იყოს შემდეგი ფაქტორები: ა) მოსწავლის ინდივიდუალური თავისებურებები, მისი ხასიათი; ბ) უფროსი და-ძმის / მშობლის გამოცდილება ასეთის არსებობის შემთხვევაში; გ) სასწავლო დატვირთვის ინტენსივობა და საგანმანათლებლო პროგრამების სირთულე – ხშირია შემთხვევები, როდესაც მოსწავლე ვერ ახერხებს სასწავლო პროგრამის წარმატებით დაძლევას. განსაკუთრებით კი სწავლების საწყის ეტაპზე. აღნიშნულმა არ უნდა დააზიანოს მოსწავლის თვითშეფასება და არ უნდა უბიძგოს მას ისეთი ქმედებებისკენ, რომელიც ხელს შეუშლის მისი აკადემიური ჩვევების ჩამოყალიბებას; დ) იმ მოსწავლეებთან, რომლებსაც გააჩნიათ ენობრივი ბარიერი ან კულტურული განსხვავებულობა, აუცილებელია, მასწავლებელმა მიმართოს განსაკუთრებულ ღონისძიებებს მოსწავლის საგაკვეთილო პროცესში ჩასართავად. ამ დროს, განსაკუთრებით დიდია კლასის დამრიგებლის/პედაგოგის როლი. მან უნდა სცადოს, რომ თუნდაც თანამედროვე თარგმნის საშუალებების გამოყენებით, გააცნოს მოსწავლეებს კონკრეტული კულტურის ზოგადი მახასიათებლები მათთვის საინტერესო კუთხით, გამოხატოს პატივისცემა იმ კონკრეტული კულტურის მიმართ, დაამყაროს მარტივი კომუნიკაცია მოსწავლესთან და წაახალისოს სხვა თანაკლასელებიც, ჩართონ იგი საერთო აქტივობებში, როგორიცაა ჯგუფური დავალებები, სხვადასხვა სახის თამაშები და ა.შ. ე) დამრიგებლის/პედაგოგის როლი – იმ შემთხვევაში, თუ მოსწავლე ვერ ახერხებს წარმატებით ადაპტაციას, სწორედ კლასის დამრიგებელმა უნდა გამოიჩინოს ინიციატივა და წაახალისოს მოსწავლეები, დაამყარონ კომუნიკაცია კლასის ახალ წევრთან. ამ დროს განსაკუთრებული ყურადღება უნდა დაეთმოს ჯგუფურ დავალებებს, თამაშებს და სხვა ისეთ აქტივობებს, სადაც წარმატების მისაღწევად აუცილებელია კოორდინირებული ქმედებები და ჯგუფის წევრებს შორის კომუნიკაცია. ვ) მშობლის ფაქტორი – მოსწავლის სკოლაში ადპტაციისათვის უმნიშვნელოვანესია მშობლის ჩართულობა. უმეტესად, მოსწავლის დეზადაპტაციის ნიშნები სახლში უფრო შესამჩნევია, ვიდრე სკოლაში. ამდენად, მოსწავლის მშობელი მყისიერად უნდა იქნას ინფორმირებული მოსწავლის ადაპტაციისა თუ დეზადაპტაციის ტემპების შესახებ, რათა დროულად იქნას დეზადაპტაციის ნიშნები გამოვლენილი და მოსწავლეს გაეწიოს შესაბამისი დახმარება; ზ) ფსიქოლოგის როლი – იმ შემთხვევაში, თუ მოსწავლეს გამოუვლინდება დეზადაპტაციის ნიშნები, სასურველია მოსწავლეზე ფსიქოლოგის დაკვირვება და შემდგომი აქტივობების დაგეგმვა; თ) საორიენტაციო ვიზიტი – სასწავლო პროცესის დაწყებამდე ან პირველივე დღეს უნდა მოხდეს სასკოლო გარემოს დათვალიერება, გაცნობა, მოსწავლისათვის საჭირო საორგანიზაციო საკითხების მიწოდება. მუხლი 2. პირველკლასელთა ადაპტაცია 2.1. პირველ კლასელის ადაპტაციისათვის, პირველ რიგში, სასურველია ბავშვისთვის სკოლის შესახებ პოზიტიური განწყობის შექმნა; 2.2. მოსწავლის წარმატებულ ადაპტაციაში მნიშვნელოვან როლს ასრულებს კლასის დამრიგებლის, მასწავლებლისა, ფსიქოლოგის პოზიტიური დამოკიდებულება და პროფესიული უნარები. ადაპტაციას შესაძლებელია ხელი შეუწყოს დაგეგმილმა თამაშებმა, მოსწავლისათვის საინტერესო განმავითარებელი აქტივობების გამოყენებამ, სასურველი ქცევის წახალისებამ, თანაკლასელებთან კომუნიკაციამ, წყვილსა და ჯგუფში მუშაობამ ა.შ.; 2.3. საბავშვო ბაღის სასკოლო ასაკის აღსაზრდელების მოწვევა სკოლაში შენობის დათვალიერების, მოსწავლეთა ნამუშევრების გამოფენების, სპორტულ და მხატვრულ ღონისძიებებზე დასასწრებად სასკოლო გარემოსთან შეგუების მიზნით. მუხლი 3. სსსმ მოსწავლეთა ადაპტაცია 3.1. სსსმ მოსწავლეთა წარმატებული ადაპტაციისთვის საჭიროა ინფორმაცია ბავშვის ფუნქციური, სოციალურ-ემოციური, წინა აკადემიური, უნარების შესახებ. ასევე, მნიშვნელოვანია ბავშვის ინტერესების, ქცევის თავისებურებების და პიროვნული მახასიათებლების ცოდნა. სკოლამ აღნიშნული ინფორმაცია უნდა მოიპოვოს ბავშვის ოჯახთან თანმიმდევრული კომუნიკაციით. ობიექტურ წყაროს წარმოადგენს საქართველოს განათლებისა და მეცნიერების სამინისტროს ინკლუზიური განათლების მულტიდისციპლინური გუნდის დასკვნა, სადაც დაწვრილებით არის აღწერილი ბავშვის საჭიროებები და მოცემულია სასწავლო პროცესისა და გარემოს მორგების რეკომენდაციები. 3.2. შეზღუდული შესაძლებლობის მქონე ბავშვების რეგისტაციის შემთხვევაში, სკოლამ უნდა გაითვალისწინოს მოსწავლის საჭიროებები (მაგალითად ფიზიკური გარემოს ადაპტირებასთან დაკავშირებული საჭიროებები), რათა მომავალმა მოსწავლემ შეძლოს გარემოში თავისუფლად გადაადგილება. 3.3. რიგ შემთხვევებში, შეიძლება გამოიკვეთოს ინკლუზიური განათლების დამხმარე სპეციალისტების მობილიზების საჭიროებაც (სპეციალური მასწავლებელი, ბავშვის ინდივიდუალური ასისტენტი და სხვა). აღნიშნულის საჭიროების შემთხვევაში, დროულად უნდა მოხდეს სათანადო სპეციალისტების შერჩევა. 3.4. მნიშვნელოვანია, სკოლის მხრიდან მშობლებმა მიიღონ ამომწურავი ინფორმაცია, თუ რა დამხმარე სერვისებია

მოსწავლის, პერსონალის, მშობლის/კანონიერი წარმომადგენლის კანონიერი უფლებების დაცვა სსიპ სიღნაღის მუნიციპალიტეტის სოფელ ძველი ანაგის საჯარო სკოლა 2023 წ თავი I მოსწავლის და მოსწავლის მეურვის კანონიერი უფლებები მუხლი 1. ზოგადი დებულებები 1. სკოლა არის ადგილი, სადაც რეალიზდება ბავშვის ერთ-ერთი ფუნდამენტური უფლება - განათლების უფლება. მხოლოდ სკოლის მოსწავლის სტატუსის მოპოვება არ არის საკმარისი ამ უფლების დასაცავად. სკოლა ვალდებულია ყოველდღიურად იზრუნოს თითოეული ბავშვის უფლებების დაცვაზე. 2. სკოლაში უზრუნველყოფილია სასკოლო საზოგადოების წევრების: მოსწავლეების, მოსწავლეთა მშობლების/კანონიერი წარმომადგენლების (შემდგომ „მეურვის“), სკოლის ყველა პერსონალის კანონიერი უფლებების დაცვა. ამ მიზნით: 2.1. სკოლას აქვს შინაგანაწესი; 2.2. სკოლაში ფუნქციონირებს სკოლის სამეურვეო საბჭო; 2.3. სკოლას ყავს დისციპლინური კომიტეტი; 2.4. სკოლის ექიმი 2.5. თითოეულ კლასს ყავს დამრიგებელი; 2.6. სკოლას აქვს სასკოლო სასწავლო გეგმა. 3. სასკოლო საზოგადოების ყველა წევრს უფლება აქვს ჰქონდეს უსაფრთხო გარემო. მუხლი 2. მოსწავლისა და მისი მეურვის კანონიერი უფლებები 1. მოსწავლეებისათვის მათი უფლებებისა და სკოლის მიერ დადგენილი წესების გაცნობას თითოეული კლასის დამრიგებელი ახორციელებს მათი ასაკობრივი თავისებურებების გათვალისწინებით. ეს შესაძლებელია განხორციელდეს ვიზუალიზაციით, სახელოვნებო/შემოქმედებითი მიდგომების გამოყენებით. დაუშვებელია მოსწავლისათვის უფლებებისა და წესების გაცნობა დოკუმენტზე ხელმოწერით, მოსწავლეში შიშის გრძნობის გაღვიძება, დასჯის შიშის შექმნა და სხვა. 2. ინფორმაცია მოსწავლისა და მისი მეურვის უფლებების შესახებ ყოველი სასწავლო წლის დასაწყისში სკოლის ადმინისტრაციის ან კლასის დამრიგებლის მიერ ელექტრონულად ეგზავნება ყველა მოსწავლეს. 3. თითოეული მოსწავლის მეურვესთან სკოლა აფორმებს ხელშეკრულებას, სადაც დეტალურადაა გაწერილი მხარეთა უფლება-მოვალეობები. მუხლი 3. სკოლის შინაგანაწესი 1. თითოეული მოსწავლე და მისი მეურვე ვალდებულია იცნობდეს შინაგანაწესს 2. მოსწავლეებსა და მათ მეურვეებს ყოველი სასწავლო წლის დასაწყისში კლასის დამრიგებელი გააცნობს შინაგანაწესს, ასევე შინაგანაწესში შეტანილ ცვლილებებს ცვლილების შეტანიდან 5 სამუშაო დღის ვადაში. 3. თოთოეულ მოსწავლეს ან მის მეურვეს უფლება აქვს: 3.1. თავისუფლად გამოხატოს საკუთარი აზრი და მოითხოვოს მისი პატივისცემა; 3.2. ხელშეუხებელი იყოს მისი რელიგიური თავისუფლება; 3.3. დაცული იყოს არასათანადო მოპყრობის, უყურადღებობისა და შეურაცხყოფისაგან; 3.4. დასაბუთებული უარი თქვას სკოლის მიერ დაწესებული სასკოლო ფორმის ტარებაზე, ან შესაბამისი ფინანსური შესაძლებლობის არარსებობის შემთხვევაში მოითხოვოს სკოლისგან მისი შეძენა; 3.5. არ გაამჟღავნოს ინფორმაცია მისი ეთნიკური, რელიგიური, გენდერული იდენტობის შესახებ; 3.6. არ გაამჟღავნოს ინფორმაცია მისი ჯანმრთელობის შესახებ თუ ეს საფრთხეს არ უქმნის საზოგადოებრივ ჯანდაცვას ან მოსწავლის სიცოცხლეს; 3.7. ფლობდეს ინფორმაციას სკოლის მიერ მოსწავლის შესახებ რომელი მონაცემები მუშავდება, მონაცემების დამუშავების მიზანი და სამართლებრივი საფუძველი, რა გზით შეგროვდა მონაცემები, ვისზე გაიცა მის შესახებ მონაცემები გაცემის საფუძვლისა და მიზნის მითითებით; 3.8. სკოლის დირექტორთან წარადგინოს საჩივარი/მოთხოვნა სკოლის პერსონალის ან სხვა მოსწავლის ან სხვა მოსწავლის მეურვის მხრიდან თავისი უფლებების დარღვევის გამო და მოითხოვოს მიყენებული ზიანის სრული ანაზღაურება; 3.9. თოთოეულ მოსწავლეს ან მის მეურვეს უფლება აქვს სკოლის სამეურვეო საბჭოს წარუდგინოს საჩივარი/მოთხოვნა სკოლის დირექტორის მხრიდან თავისი უფლებების დარღვევის გამო და მოითხოვოს მიყენებული ზიანის სრული ანაზღაურება; 3.10. დისციპლინური დევნისას ისარგებლოს დუმილის უფლებით, რაც არ ათავისუფლებს მას დისციპლინური პასუხისმგებლობისაგან; 3.11. იცნობდეს სკოლის საგანგებო სიტუაციებზე რეაგირების გეგმას; 3.12. სკოლის მიერ დადგენილი წესების დაცვით შეუზღუდავად ისარგებლოს სკოლის ბიბლიოთეკით; 3.13. სკოლის ადმინისტრაციასთან შეთანხმებით სკოლის მიერ დადგენილი წესით ისარგებლოს სკოლის სხვა სივრცეებით: სპორტული მოედანი, სააქტო დარბაზი და სხვა. 3.14. თავისუფლად შეიკრიბონ სკოლის ტერიტორიაზე კანონით დადგენილი წესით სკოლის წინასწარი შეტყობინების საფუძველზე, ასევე ამ შეკრებაზე მიიწვიონ სხვა პირი; 3.15. შექმნას სასკოლო კლუბები, მოსწავლეთა თვითმმართველობა ან სხვა გაერთიანება. 4. მეურვეს უფლება აქვს: 4.1. მოითხოვოს სკოლის შენობაში შესვლა სკოლის მიერ წინასწარ განსაზღვრულ დროს, ან განსხვავებულ პერიოდში სკოლის ადმინისტრაციასთან შეთანხმებით; 4.2. მოითხოვოს ინდივიდუალური შეხვედრა მასწავლებელთან, სკოლის დირექციის წარმომადგენელთან, სკოლის ფსიქოლოგთან, სკოლის ექიმთან; 4.3. ფლობდეს ინფორმაციას მოსწავლის მიმართ გამოყენებული დისციპლინური ზომების შესახებ. მუხლი 4. სასკოლო სასწავლო გეგმა 1. ყველა მოსწავლესა და მის მეურვეს აქვს უფლება იცნობდეს სასკოლო სასწავლო გეგმას. სასკოლო სასწავლო გეგმა განთავსებულია სკოლის ვებგვერდზე 2. სასკოლო სასწავლო გეგმას ყოველწლიურად შეიმუშავებს სკოლა ეროვნულ სასწავლო გეგმაზე დაყრდნობით. სასკოლო სასწავლო გეგმის ზოგიერთი საკითხი შეთანხმებული უნდა იყოს მოსწავლეებთან/მეურვეებთან. 3. სსსმ მოსწავლის ან სხვა მოსწავლის ინდივ

სსიპ სიღნაღის მუნიციპალიტეტის სოფელ ძველი ანაგის საჯარო სკოლა სრულად რეაბილიტირებულია 2020 წელს. სკოლა ადაპტირებულია, აღჭურვილია ინტერნეტით, ყველა საჭირო საგანმანათლებლო რესურსით და ინვენტარით.

სსიპ სიღნაღის მუნიციპალიტეტის სოფელ ძველი ანაგის საჯარო სკოლაში სამეურვეო საბჭოს მიერ დამტკიცებულია 2023 წლის ბიუჯეტი , სახელწიფო შესყიდვების გეგმა და შესყიდვებზე პასუხისმგებელი პირი.