სსიპ - ხვიჩა ბიძინაშვილის სახელობის სიღნაღის მუნიციპალიტეტის სოფელ ტიბაანის საჯარო სკოლა

მისია - თანამედროვე სტანდარტების შესაბამისად, ფორმალური და არაფორმალური განათლების გაძლიერების გზით მოსწავლეთა დაინტერესება სამეწარმეო და სოფლის მეურნეობის დარგების მიმართულებით. ხედვა - სკოლის გუნდის წევრებს გათავისებული აქვთ ის, რომ ტიბაანის საჯარო სკოლა მომავალში იქნება ერთ-ერთი სასკოლო კულტურით გამორჩეული მუნიციპალიტეტში. სკოლის ორიენტირი იქნება სოფლის მეურნეობასთან დაკავშირებული საგნების სწავლება, (მეტად დაინტერესება) რაც უბიძგებს საბაზო-საშუალო საფეხურის კურსდამთავრებულებს შესაბამისი პროფესიის არჩევისკენ და ხელს შეუწყობს მათ დასაქმებას ადგილობრივ შრომით ბაზარზე. ეს აგვაცილებს მიგრაციას. უახლესი ეროვნული სტანდარტების მუდმივი დანერგვის გზით, დემოკრატიული კომპეტენციების განვითარებით, ხელს შევუწყობთ ისეთი მოქალაქეების აღზრდას, რომლებიც ქვეყანაში უკეთეს ხვალინდელ დღეს შექმნიან. ღირებულებები - სასკოლო საზოგადოება თანხმდება, იმაზე, რომ ყველასათვის ორიენტირი უნდა იყოს შემდეგი ღირებულებები: • დემოკრატიულ-ლიბერალური ცნობიერება • თანამშრომლობა, ურთიერთპატივისცემა, სამართლიანობა, კომუნიკაბელურობა და პასუხისმგებლობა • კულტურულ ფასეულობათა პატივისცემა • ჯანსაღ გარემოზე ზრუნვა

1. საჯარო სკოლის მიერ ეროვნული სასწავლო გეგმის, ზოგადი განათლების სფეროში საქართველოს კანონმდებლობისა და სამინისტროს ინდივიდუალური ადმინისტრაციულ-სამართლებრივი აქტების შესრულებისთვის, სასწავლო-სააღმზრდელო პროცესისა და ფინანსების მიზნობრივი ხარჯვისთვის თავისი კომპეტენციის ფარგლებში პასუხისმგებელია ამ საჯარო სკოლის დირექტორი, შესაბამისი სტრუქტურული ერთეული ან/და სტრუქტურული ერთეულის წევრი; 2. ზოგადსაგანმანათლებლო დაწესებულების სტრუქტურა მოიცავს პედაგოგიურ საბჭოს, სამეურვეო საბჭოს, დირექციას, მოსწავლეთა თვითმმართველობას და დისციპლინურ კომიტეტს; 3. სკოლაში არსებობს შემდეგი ფუნქციური ერთეულები: საგნობრივი კათედრები, ადმინისტრაცია, მრჩეველთა საბჭო, სასკოლო კლუბები, ინკლუზიური განათლების მხარდამჭერი სპეციალისტები ტექნიკური და სხვა მომსახურე პერსონალი; 4. სკოლის თითოეული სტრუქტურული ერთეული პასუხისმგებელია თავისი კომპეტენციის ფარგლებში მიღებულ გადაწყვეტილებებზე და მათი საქმიანობა ეყრდნობა სკოლის მისიას, ხედვასა და სტრატეგიულ მიზნებს.

სსიპ ხვიჩა ბიძინაშვილის სახელობის სიღნაღის მუნიციპალიტეტის სოფელ ტიბაანის საჯარო სკოლაში ფუნქციონირებს სამოქალაქო განათლების კლუბი, ქიმიის კლუბი "ალმასი" და წიგნიერთა კლუბი. კლუბებს აქვთ სამოქმედო გეგმა, ლოგო, ფეისბუქ-გვერდი, სადაც განთავსებულია კლუბის მუშაობის ამსახველი ფოტო მასალა.

ქცევის წესები და აპელაციის მექანიზმი გაწერილია სკოლის შინაგანაწესში

სკოლის ფინანსები: 1. სკოლის მიმდინარე ხარჯების ანაზღაურება ხორციელდება საქართველოს კანონმდებლობით დადგენილი წესით, მოსწავლეთა სახელმწიფოს მიერ გაცემული ვაუჩერიდან. 2. სკოლას უფლება აქვს მოიზიდოს საქართველოს კანონმდებლობით ნებადართული სხვა ფინანსური სახსრები, მათ შორის მიიღოს შემოსავალი ეკონომიკური საქმიანობიდან, თუ ეს საქმიანობა მავნე ზეგავლენას არ ახდენს მოსწავლეთა ფიზიკურ და ზნეობრივ განვითარებაზე. მიღებული სახსრები კანონმდებლობის შესაბამისად ხმარდება მხოლოდ სკოლის მიზნებისა და ფუნქციების განხორციელებას. 3. სკოლის ყველა შემოსავალი და ხარჯი აისახება მის ბიუჯეტში. 4. სკოლას აქვს დამოუკიდებელი საბანკო ანგარიში და ბეჭედი. ზოგადსაგანმანათლებლო დაწესებულების ანგარიშგება და საბუღალტრო აღრიცხვა: 1. საჯარო სკოლის დირექტორი თანხებს განკარგავს სამეურვეო საბჭოს მიერ დამტკიცებული სკოლის ბიუჯეტის მიხედვით. 2. დირექტორი უფლებამოსილია გადაუდებელი აუცილებლობისას სამეურვეო საბჭოს თანხმობის გარეშე გადაანაცვლოს ბიუჯეტის ერთი მუხლის სახსრების არა უმეტეს 10%-ისა მეორე მუხლში. ამ ცვლილებამ არ უნდა გამოიწვიოს მასწავლებელთა ხელფასების შემცირება. სკოლის ბიუჯეტის დაუმტკიცებლობის შემთხვევაში დირექტორი უფლებამოსილია ყოველთვიურად გასცეს თანხები არა უმეტეს გასული წლის ბიუჯეტის 1/12-ის ოდენობით. 3. სამეურვეო საბჭოს თანხმობა აუცილებელია ისეთი გარიგების დადებისას, რომლის ღირებულებაც აღემატება სკოლის ბიუჯეტის 5%-ს. 4. საჯარო სკოლა საფინანსო-ეკონომიკური საქმიანობის აღრიცხვა-ანგარიშგების დოკუმენტებს აწარმოებს საქართველოს კანონმდებლობით დადგენილი წესით.