სსიპ - ვარლამ ჩერქეზიშვილის სახელობის საგარეჯოს მუნიციპალიტეტის სოფელ თოხლიაურის საჯარო სკოლა

მისია სსიპ - ვარლამ ჩერქეზიშვილის სახელობის საგარეჯოს მუნიციპალიტეტის სოფელ თოხლიაურის საჯარო სკოლის მისიაა მოსწავლეს მისცეს საფუძვლიანი საშუალო ზოგადი განათლება, აღზარდოს დემოკრატიული სახელმწიფოს ღირსეული მოქალაქე. სასკოლო საზოგადოების თანამშრომლობით მივაღწიოთ აღმზრდელობითი პროცესის მთავარ ღირებულებას - თავისუფალი ადამიანის აღზრდას თავისუფალ, უსაფრთხო და ჯანსაღ გარემოში. უსაფრთხო სასწავლო გარემოს შექმნით, თანამედროვე მოთხოვნათა შესაბამისი ხარისხიანი განათლების მიცემით, დამოუკიდებელი, კრიტიკული, ლოგიკური და შემოქმედებითი აზროვნების განვითარებით, მოვამზადოთ კანონმორჩილი, განვითარებული, კონკურენტუნარიანი, ადაპტაციის უნარის მქონე ეროვნული ინტერესების გამტარებელი, საზოგადოებრივად აქტიური, დემოკრატიული პრინციპების მქონე, პატრიოტული სულისკვეთებით გამსჭვალული სრულყოფილი მოქალაქეები. უზრუნველყოს სსსმ მოსწავლეების ჩართვა ზოგად- საგანმანათლებლო პროცესში სხვა მოსწავლეებთან ერთად, რათა მათ თავი იგრძნონ საზოგადოების სრულუფლებიან წევრად. ხედვა უზრუნველყოს სასკოლო საზოგადოებისთვის უსაფრთხო, ეფექტური, ინკლუზიური სასწავლო და სამუშაო გარემო, სადაც მოსწავლეებს ექნებათ მაღალი სასკოლო მოტივაცია და სკოლისადმი დადებითი დამოკიდებულება. სკოლის ხედვა ეფუძნება პრინციპს, რომ იყოს მუდმივად განათლებაზე ორიენტირებული, ინდივიდუალურ საჭიროებებსა და ინტერესებზე მორგებული, შედეგზე ორიენტირებული სასწავლო პროცესი. მოხდეს საგანმანათლებლო და სააღმზრდელო მუშაობის ინტეგრაცია, მოსწავლე ვითარდებოდეს როგორც გონებრივად ისე ფიზიკურად. მოსწავლემ შეძლოს ქვეყნის ინტერესების, ტრადიციებისა და ღირებულებების დაცვა და გააზრება. ღირებულებები • კვალიფიციური მასწავლებლები • საგანთაშორის დაგეგმილი ინტეგრირებული აქტივობები • უსაფრთხო და წამახალისებელი გარემოს შექმნა • ჯანსაღი წესის დაცვასთან დაკავშირებით დაგეგმილი ღონისძიებები • კულტურული მემკვიდრეობის დაცვისათვის დაგეგმილი ექსკურსიების ორგანიზება • მოსწავლეთა ოჯახის წევრების ჩართულობით დაგეგმილი ღონისძიებების ორგანიზება • მოსწავლეთა ინიციატივების მხარდაჭერა. • კოლეგიალობა • ფორმალური და არაფორმალური განათლების ურთიერთქმედება • სსსმ მოსწავლის ჩართულობა სკოლის მიერ დაგეგმილ აქტივობებში • უსაფრთხო და წამახალისებელი გარემოს შექმნა

სკოლის სტრუქტურა 1. სკოლის სტრუქტურა მოიცავს სამეურვეო საბჭოს, სკოლის დირექციას, პედაგოგიურ საბჭოს, დირექციის დამხმარე პერსონალს, მოსწავლეთა თვითმმართველობას, დისციპლინურ კომიტეტს, ტექნიკურ პერსონალს; 2. სკოლის ხელმძღვანელობასა და წარმომადგენლობას, ახორციელებს სკოლის დირექტორი; 3. სკოლის თვითმმართველობის უმაღლესი არჩევითი ორგანოა სამეურვეო საბჭო. სამეურვეო საბჭო კანონმდებლობით დადგენილ უფლებამოსილების ფარგლებში და წინამდებარე შინაგანაწესის შესაბამისად ასრულებს მასზედ დაკისრებულ მოვალეობას; 4. სკოლას ჰყავს მასწავლებელთა თვითმმართველობის ორგანო – პედაგოგიური საბჭო, რომელშიც შედის სკოლის ყველა პედაგოგი. პედაგოგიური საბჭო სასკოლო სასწავლო გეგმის შესაბამისად დირექტორის მონაწილეობით შეიმუშავებს და სამეურვეო საბჭოსთან შეთანხმებით ამტკიცებს სასკოლო სასწავლო გეგმებს და ასრულებს სკოლის წესდებით განსაზღვრულ ფუნქცია-მოვალეობებს; 5. შრომითი ურთიერთობების საფუძველზე სკოლაში დასაქმებული არიან მასწავლებლები და დამხმარე პერსონალი; 6. სკოლაში დისციპლინური გადაცდომის განხილვის მიზნით სამეურვეო საბჭო ირჩევს დისციპლინურ კომიტეტს.