სსიპ - ნუგზარ ჭანტურიას სახელობის ქალაქ საგარეჯოს №2 საჯარო სკოლა

სკოლის მისია: მოსწავლეს მისცეს საფუძვლიანი საშუალო ზოგადი განათლება, აღზარდოს დემოკრატიული სახელმწიფოს ღირსეული მოქალაქე. მატარებელი თავისუფალი პიროვნების ჩამოყალიბებისთვის. ხელი შეუწყოს მოზარდის გონებრივი და ფიზიკური უნარ-ჩვევების განვითარებას, საფუძველი ჩაუყაროს მოსწავლეში აუცილებელი ცოდნით უზრუნველყოფას, ცხოვრების ჯანსაღი წესის დამკვიდრებას, ლიბერალურ-დემოკრატიულ ღირებულებებზე დამყარებული სამოქალაქო ცნობიერების ჩამოყალიბებას, კულტურულ ფასეულობათა პატივისცემას, მოსწავლის მიერ ოჯახის, საზოგადოების, სახელმწიფოსა და გარემოს წინაშე საკუთარი უფლება-მოვალეობების გაცნობიერების ხელშეწყობას. ნიადაგი მოუმზადოს პიროვნების შემდგომი განვითარებისათვის მაღალი ხარისხის პროფესიული განათლების მიცემას და როგორც თეორიული ასევე პრაქტიკული ცოდნისა და ღირებულებების აღზრდა-ჩამოყალიბებას. უზრუნველყოს სსსმ მოსწავლეების ჩართვა ზოგად- საგანმანათლებლო პროცესში სხვა მოსწავლეებთან ერთად, რათა მათ თავი იგრძნონ საზოგადოების სრულუფლებიან წევრად. სკოლის ხედვა: უზრუნველყოს უსაფრთხო და წამახალისებელი გარემო, განათლების ხელმოსაწვდომობა ყველასთვის, რათა მისცეს მოსწავლეებს მაღალი ხარისხის განათლება, მაქსიმალურად შეუწყოს ხელი თითოეული მოსწავლის ნიჭისა და პოტენციალის გამოვლენას, აღზარდოს ისინი დემოკრატიული ღირებულებებით და პრინციპებით. სკოლის ღირებულებები: კვალიფიციური მასწავლებლები საგანთაშორის დაგეგმილი ინტეგრირებული აქტივობები უსაფრთხო და წამახალისებელი გარემოს შექმნა ჯანსაღი წესის დაცვასთან დაკავშირებით დაგეგმილი ღონისძიებები კულტურული მემკვიდრეობის დაცვისათვის დაგეგმილი ექსკურსიების ორგანიზება მოსწავლეთა ოჯახის წევრების ჩართულობით დაგეგმილი ღონისძიებების ორგანიზება მოსწავლეთა ინიციატივების მხარდაჭერა. სსსმ მოსწავლის ჩართულობა სკოლის მიერ დაგეგმილ აქტივობებში

სკოლის სტრუქტურა 1. სკოლის სტრუქტურა მოიცავს სამეურვეო საბჭოს, სკოლის დირექციას, პედაგოგიურ საბჭოს, დირექციის დამხმარე პერსონალს, მოსწავლეთა თვითმმართველობას, დისციპლინურ კომიტეტს, ტექნიკურ პერსონალს; 2. სკოლის ხელმძღვანელობასა და წარმომადგენლობას, ახორციელებს სკოლის დირექტორი; 3. სკოლის თვითმმართველობის უმაღლესი არჩევითი ორგანოა სამეურვეო საბჭო. სამეურვეო საბჭო კანონმდებლობით დადგენილ უფლებამოსილების ფარგლებში და წინამდებარე შინაგანაწესის შესაბამისად ასრულებს მასზედ დაკისრებულ მოვალეობას; 4. სკოლას ჰყავს მასწავლებელთა თვითმმართველობის ორგანო – პედაგოგიური საბჭო, რომელშიც შედის სკოლის ყველა პედაგოგი. პედაგოგიური საბჭო სასკოლო სასწავლო გეგმის შესაბამისად დირექტორის მონაწილეობით შეიმუშავებს და სამეურვეო საბჭოსთან შეთანხმებით ამტკიცებს სასკოლო სასწავლო გეგმებს და ასრულებს სკოლის წესდებით განსაზღვრულ ფუნქცია-მოვალეობებს; 5. შრომითი ურთიერთობების საფუძველზე სკოლაში დასაქმებული არიან მასწავლებლები და დამხმარე პერსონალი; 6. სკოლაში დისციპლინური გადაცდომის განხილვის მიზნით სამეურვეო საბჭო ირჩევს დისციპლინურ კომიტეტს.