სსიპ - საგარეჯოს მუნიციპალიტეტის სოფელ ნინოწმინდის საჯარო სკოლა

მისია: ნინოწმინდის საჯარო სკოლის მისიაა, წარმატებული სწავლა - სწავლების გზით აღზარდოს დამოუკიდებლად მოაზროვნე, ტოლერანტი, კანონმორჩილი, სულიერად და ფიზიკურად ჯანმრთელი, ზნეობრივად სრულყოფილი პიროვნება, რომელიც აღჭურვილი იქნება აკადემიური და სოციალური უნარ-ჩვევებით და გაცნობიერებული ექნება თავისი უფლება-მოვალეობანი ქვეყნისა და საზოგადოების წინაშე. როგორც სკოლის მისიიდან გამომდინარეობს, დღეს საგანმანათლებლო პროცესის ცენტრში დგას მოსწავლე, მისი განვითარების პროცესი და მის მიერ მიღწეული შედეგი. სწორედ ამიტომ, სკოლის მთავარი მიზანია შედეგზე ორიენტირება და მოსწავლის აღჭურვა ქმედითი ცოდნითა და უნარ-ჩვევებით. ნინოწმინდის საჯარო სკოლა ზოგადი განათლების ეროვნული მიზნებიდან გამომდინარე, თანმიმდევრულად ახორციელებს თანამედროვე სტანდარტების შესაბამისი განათლებით აღჭურვილი ახალგაზრდობის აღზრდას, ეროვნული სასწავლო გეგმით გათვალისწინებული ამოცანების განხორციელებას.