სსიპ - ქალაქ თბილისის №86 საჯარო სკოლა

მისია: ტოლერანტულ გარემოში ხარისხიანი განათლების მიცემა და კონკურენტუნარიანი პიროვნების აღზრდა. ხედვა: სსიპ-ქაქაქ თბილისის N86 საჯარო სკოლის ხედვაა, რომ იყოს ტოლერანტულ გარემოში მუდმივ განვითარებაზე ორიენტირებული ცოდნის კერა. თანამედროვე გამოწვევების შესაბამისად მისცეს მოსწავლეებს ხარისხიანი განათლება და ჯანსაღი კონკურენციის საფუძველზე აღზარდოს განათლებული თაობა. ღირებულებები: სსიპ-ქაქაქ თბილისის N86 საჯარო სკოლის ხედვისა და მისიის განხორციელების მიძნით სასკოლო საზოგადეობა თანხმდება, რომ მათ უნდა გააცნობიერონ საკუთარი პასუხისმგებლობა და მათთვის მნიშვნელოვანი იყოს ისეთი ღირებულებები, როგორებიცაა: სამართლიანმობა, გუნდურობა, ობიექტურობა, სიახლეების მიმღებლობა, სოციალური პასუხისმგებლობა.

სკოლის სტრუქტურა მოიცავს პედაგოგიურ საბჭოს, სამეურვეო საბჭოს, სკოლის დირექციას, მოსწავლეთა თვითმმართველობას და დისციპლინურ კომიტეტს.

სკოლა ის წმინდა ტაძარია, ის დაუშრეტელი ცოდნის წყაროა, რომელიც გვასაზრდოებს ამქვეყნად ფასდაუდებელი საუნჯით. ყველა სკოლა თავისი ღირსეული წარსულითა და ტრადიციებით გამოირჩევა. ერთ-ერთი მათგანია სსიპ-ქალაქ თბილისის N86 საჯარო სკოლა, რომელიც დედაქალაქის ულამაზეს ადგილას, ზემო ავლაბარში, ელიის გორაზე, მახათის მთის კალთაზე აწოწილი ნაძვების ჩრდილში აღმართულა და მოკრძალებით მასპინძლობს ყველა ცოდნასმოწყურებულ ყრმას.