სსიპ - ქალაქ თბილისის №177 საჯარო სკოლა

სსიპ ქალაქ თბილისის N177 საჯარო სკოლის მისია სსიპ ქალაქ თბილისის N177 საჯარო სკოლის მისიაა შექმნას, უნივერსალური სასწავლო გარემო. ფორმალური და არაფორმალური განათლებით მოსწავლეებში განავითაროს დემოკრატიული ღირებულებები, შესძინოს ცოდნა, კრიტიკული და შემოქმედებითი აზროვნებისა და გარემოში ადაპტირების უნარი, რაც მათ პროფესიული ორიენტაციის ჩამოყალიბებაში დაეხმარებათ. სკოლის ხედვა • სასკოლო საზოგადოება მოწოდებულია ინკლუზიური გარემოს შექმნისაკენ. • სასკოლო საზოგადოება უზრუნველყოფს უსაფრთხო, პოზიტიური, თანამშრომლობითი გარემოს შექმნას. • სასკოლო საზოგადოება ხელს უწყობს საგანმანათლებლო პროცესში არაფორმალური განათლების ხვედრითი წილის გაზრდას. • სკოლის ადმინისტრაცია ხელს უწყობს ტექნოლოგიების დანერგვას, რესურსების ეფექტურ და ეფექტიან გამოყენებას. • სკოლის ადმინისტრაცია ახალისებს სასკოლოს საზოგადოების მონაწილეობასა და ჩართულობას სკოლის მმართველობაში. სკოლის ღირებულებები: სკოლა ხელმძღვანელობს სასწავლო პროცესში ჩართული პირების საუკეთესო ინტერესებით და საქმიანობას წარმართავს შემდეგ ღირებულებებზე დაყრდნობით: • გამჭირვალობა: ჩვენი საქმიანობა, ხედვები და ღირებულებები საჯაროდაა ხელმისაწვდომი და წინასწარ ცნობილია ყველა დაინტერესებული პირისათვის, უზრუნველყოფილია სკოლის საქმიანობის შესახებ ინფორმაციის საჯაროობა. • ტოლერანტობა: სასკოლო საზოგადოება მრავალფეროვანია. ის, სხვადასხვა ეთნიკური წარმომავლობისა და შესაძლებლობების მქონე წევრებისგან შედგება. ხელს ვუწყობთ ინკლუზიური გარემოს შექმნასა და მათ ჩართულობას. ამ პროცესში კი ვემიჯნებით პროზელიტიზმისა და ინდოქტრინაციის ნებისმიერ მცდელობას. • თანამშრომლობა: ჩვენ პროაქტიურ ნაბიჯებს ვდგავთ სკოლის მმართველობაში, სასკოლო საზოგადოების მონაწილეობის უზრუნველსაყოფად. კონსტრუქციულად განვიხილავთ სიახლეებს, წინადადებებს, განსხვავებულ პოზიციებსა და ორიენტირებულნი ვართ პრობლემების შეთანხმებულ გადაჭრაზე.

სკოლას აქვს ორგანიზაციული სტრუქტურა, რომელიც არის საქმიანობის დაგეგმვის ეფექტური საშუალება.სასკოლო საზოგადოების თითოეულმა წარმომადგენელმა იცის საკუთარი საქმიანობა და განსაზღვრულია მისი როლი. სტრუქტურულ ერთეულებს შორის თანამშრომლობითი ურთიერთობები განსაზღვრავს სკოლის წარმატებულ მუშაობას.

შინაგანაწესი წარმოადგენს სკოლასა და სკოლაში დასაქმებულებს შორის გაფორმებული შრომითი ხელშეკრულების განუყოფელ ნაწილს. დასაქმებული ვალდებულია გაეცნოს შინაგანაწესს და აღნიშნული დაადასტუროს საკუთარი ხელმოწერით.შინაგანაწესი ხელმისაწვდომია ყველა დაინტერესებული პირისათვის.