სსიპ - შოთა რუსთაველის სახელობის ქალაქ საჩხერის №3 საჯარო სკოლა

მომავლის ხედვა სსიპ შოთა რუსთაველის სახელობის ქალაქ საჩხერის #3 საჯარო სკოლის მომავლის ხედვაა, რომ იგი 2030 წლისთვისიყოს მყარი და მუდმივ განვითარებაზე ორიენტირებული ცოდნის კერა, სადაც ყველა მოსწავლე და პროფესიული სტუდენტი შეძლებს ცოდნის შეძენას, მაღალი სააზროვნო უნარების განვითარებას და დემოკრატიულ საზოგადოებაში თანაცხოვრებისთვის და დასაქმებისთვის საჭირო კომპეტენციების ჩამოყალიბებას, მრავალფეროვანი პროფესიული საგანმანათლებლო პროგრამების და თანამედროვე მიდგომების დახმარებით. მისია სსიპ შოთა რუსთაველის სახელობის ქალაქ საჩხერის #3 სკოლის მისიაა სახელმწიფოს სტრატეგიისა და საერთაშორისო გამოცდილების გათვალისწინებით, უზრუნველყოს ზოგადი და პროფესიული განათლების ხარისხის ამაღლება და მუდმივი განახლება. სკოლამ ხელი შეუწყოს აქტიური და მოქალაქეობრივი პოზიციის მქონე ახალგაზრდების ჩამოყალიბებას დემოკრატიული კულტურის კომპეტენციების ჩამოყალიბების გზით, მათი ინდივიდუალური შესაძლებლობების და საჭიროებების გათვალისწინებით, უსაფრთხო და შესაძლებლობებით მდიდარ გარემოში. ერთიანი პროფესიული საგანმანათლებლო სივრცის შექმნით დაეხმაროს მოსწავლეებს და პროფესიული საგანმანათლებლო პროგრამის სტუდენტებს ჩამოყალიბდნენ შრომის ბაზარზე ორიენტირებულ, კონკურენტუნარიან, კვალიფიციურ მოქალაქეებად. ღირებულებები განცხადებული მომავლის ხედვისა და სკოლის მისიის განხორციელების მიზნით სასკოლო საზოგადოება თანხმდება, რომ სკოლამ მთლიანობაში და მისმა ყოველმა ცალკეულმა თანამშრომელმა თავიანთი ყოველდღიური საქმიანობის განხორციელებაში უნდა იხელმძღვანელონ შემდეგი სამუშაო პრინციპებითა და მიდგომებით: • ჩვენთვის მნიშვნელოვანია ერთმანეთზე ზრუნვა; • ჩვენთვის მნიშვნელოვანია პროფესიონალიზმი, საქმის სიყვარული და ერთგულება; • ჩვენთვის მნიშვნელოვანია პატიოსნება და კეთილსინდისიერება; • ჩვენთვის მნიშვნელოვანია სხვათა შრომის, მიღწევებისა და აზრის პატივისცემა; • ჩვენთვის მნიშვნელოვანია მიუკერძოებლობა და თანასწორობის უზრუნველყოფა ; • ჩვენ ვაცნობიერებთ საკუთარ პასუხისმგებლობას; • ჩვენ გვესმის, რომ ვაკეთებთ საერთო საქმეს და ვართ ჩვენი სკოლის ერთგულნი;

სკოლის თანამდებობრივი სტრუქტურა შედგება: სკოლის დირექციის, ადმინისტრაციის, ტექნიკური პერსონალისა და მასწავლებლებისაგან. სკოლის დირექცია შედგება დირექტორის, დირექტორის მოადგილისა და ბუღალტრისაგან. სკოლის ადმინისტრაცია შედგება საინფორმაციო მენეჯერის, საქმისმწარმოებელის, ბიბლიოთეკარი და მატერიალურ-ტექნიკური უზრუნველყოფის კოორდინატორისგან, ხოლო ტექნიკური პერსონალი შედგება დარაჯის და დამლაგებლისაგან. სკოლაში დასაქმებული პირების ფუნქციები რეგულირდება მოქმედი კანონმდებლობით, რომლითაც ძირითადად ვხელმძღვანელობთ, ასევე ყველას ფუნქციები მკაფიოდაა გაწერილი მათთან გაფორმებულ შრომით ხელშეკრულებებში. სკოლას დირექტროის ბრძანებით (ბრძანება N2-51, 09.08.2023) დამტკიცებული აქვს სკოლაში დასაქმებულ პირთა თანამდებობრივი ინსტრუქციები, რომელიც განსაზღვრავს მათ უფლება- მოვალეობებს და საკვალიფიკაციო მოთხოვნებს. სკოლაში ფუნქციონირებს შემდეგი სტრუქტურული ერთეულები: პედაგოგიური საბჭო, სამეურვეო საბჭო, სკოლის მოსწავლეთა თვითმმართველობას, დისციპლინური კომიტეტი, მრჩეველთა საბჭო, საგნობრივი კათედრები. სკოლის სტრუქტურული ორგანოები არის არჩევითი, ამ ორგანოებს ჰყავთ მათი წევრების მიერ სამართლიანდ, ობიექტურად და ყოველგვარი კანონის დაცვით არჩეული თავჯდომარე და მდივანი. ამ ორგანოების არჩევის შესახებ სასკოლოს საზოგადოების წევრებს ეცნონებებათ ინფორმაცია კანონით განსაზღვრულ ვადაში, არჩევნების ჩატარებამდე ტარდება საინფორმაციო შეხვედრები მშობლებთან და მოსწავლეებთან, შეხვედრებზე განიხილება ამ ორგანოების არჩევის წესი, ორგანოების წევრების ფუნქცია მოვალეობები, განიხილება მათი მუშაობის სპეციფიკა და რა გამოწვევები შეიძლება ქონდეთ მუშაობის პროცესში.

სსიპ შოთა რუსთველის სახელობის ქალაქ საჩხერის დირექტორს ბრძანებით N2-56 (10.08.2023) აქვს დამტკიცებული მოსწავლის ინიციატივების მხარდამჭერი მექანიზმები.

სსიპ შოთა რუსთველის სახელობის ქალაქ საჩხერის დირექტორს ბრძანებით N2-53 (09.08.2023) აქვს დამტკიცებული სკოლაში შემოსული განცხადებებისა და საჩივრის განხილვის წესი.

სსიპ შოთა რუსთაველი სახელობის ქალაქ საჩხერის #3 საჯარო სკოლას 2016 წლის 1 ივნისიდან სარგებლობის უფლებით სსიპ ქონების მართვის ეროვნული სააგენტოსგან სარგებლობის უფლებით გადაცემული აქვს 3590.38 კვ.მ. ფართი, მასზე არსებული შენობა-ნაგებობით. შენობა არის 3 სართულიანი, ნულოვან სართულზე განთავსებულია სარდაფი, პირველ სართულზე განთავსებულია კომპიუტერული ლაბორატორია, 6 საკლასო ოთახი, რესურს ოთახი, სველი წერტილები, მეორე სართულზე დირექტორის კაბინეტი, კანცელარია, ბიბლიოთეკა, სამასწავლებლო და სველი წერტილები, მესამე სართულზე განთავსებულია 8 საკლასო ოთახი. სკოლას აქვს სპორტული დარბაზი, რომელიც განთავსებულია სკოლის 1 სართულზე. გასულ წელს დარბაზს ჩაუტარდა რეაბილიტაცია. ასევე აქვს სკოლის ეზოში 100 კვ.მ გარე სპორტული მოედანი. სკოლას აქვს საბუნებისმეტყველო ლაბორატორია, რომელიც განთავსებულია მე-2 სართულზე. მოსწავლეებს ფიზიკის, ქიმიის და ბიოლოგიის გაკვეთილების ექსპერიმენტული ნაწილი უტარდებათ ლაბორატორიაში; საბუნებისმეტყველო ლაბორატორიაში განთავსებულია კოლბები; მულაჟები; მიკროსკოპები; მაგნიტები; პლასტმასის ცილინდრები; კომპასი და სხვა ნივთები, რომლის დახმარებითაც მოსწავლეებს შეუძლიათ პრაქტიკული მუშაობა, კვლევის ჩატარება, მისი შედეგის აღრიცხვა, გაანალიზება და სათანადო დასკვნის გამოტანა. სკოლაში არის საგანმანათლებლო პროცესის წარმართვისთვის აუცილებელი გარემო; სკოლაში არის უწყვეტი ელექტროენერგია, შენობის პირველ და მეორე სართულზე განთავსებულია სველი წერტილი, სკოლაში არის ჯანმრთელობისათვის უსაფრთხო სასმელი წყალი, შენობაში ასევე დამონტაჟებულია ცენტრალური გათბობა. სკოლის შენობას აქვს ბუნებრივი განათება, ყველა სასწავლო ოთახს აქვს ორი ან მეტი ფანჯარა.

სსიპ შოთა რუსთაველის სახელობის ქალაქ საჩხერის N3 საჯარო სკოლის 2023 წლის ბიუჯეტი (დანართის სახით)