სსიპ - ქალაქ თბილისის №133 საჯარო სკოლა

ზოგადსაგანმანათლებლო დაწესებულების მისიაა: ურთიერთზრუნვითა და თანამშრომლობით შექმნას უსაფრთხო, მამოტივირებელი, ინოვაციური და ინკლუზიური სასწავლო გარემო, რომელიც ემსახურება გლობალურად მოაზროვნე, ყოველმხრივ განვითარებული, შემოქმედი, ინოვატორი ინდივიდების ჩამოყალიბებას თითოეული მათგანის წარმატებული და რეალიზებული მომავლისათვის საკუთარი ქვეყნის საკეთილდღეოდ! ზოგადსაგანმანათლებლო დაწესებულების ხედვა 2030 წლისათვის ჩვენი სკოლა გახდება რეგიონში აღიარებული, წარმატებული ზოგადსაგანმანათლებლო დაწესებულება, რომელიც ორიენტირებული იქნება მოსწავლეთა საჭიროებებისა და ინტერესების მუდმივ დაკმაყოფილებაზე. სკოლის მოსწავლეები, მასწავლებელთა კვალიფიციური და მოტივირებული გუნდის დახმარებით, შეძლებენ გამოიმუშაონ კრიტიკული, შემოქმედებითი აზროვნება და მუდმივად პროგრესისაკენ მსწრაფ გარემოში ადაპტაციის უნარი. STEAM-ის საგნების გაძლიერებით სკოლა ადგილს დაიმკვიდრებს საერთაშორისო ბაზარზე, ხოლო ციფრული ტექნოლოგიების აქტიური გამოყენებითა და დანერგვით უპასუხებს XXI საუკუნის გამოწვევებს. სკოლა მოსწავლეს შესძენს იმ უნარებს, რომლებსაც ის გამოიყენებს ახალი მატერიალური, ინტელექტუალური და სულიერი ღირებულებების შესაქმნელად, რათა უზრუნველყოს ქვეყნისა და საქართველოს თითოეული მოქალაქის სრულფასოვანი ცხოვრების მხარდაჭერა. სკოლის ღირებულებები: სკოლა უპირველეს ყოვლისა, ხელმძღვანელობს სასწავლო პროცესში ჩართული პირების საუკეთესო ინტერესებით და საქმიანობას წარმართავს შემდეგ ღირებულებებზე დაყრდნობით:  ჯანსაღი ცხოვრება;  სიყვარული;  ჰუმანიზმი;  პატრიოტიზმი;  სამართლიანობა;  პასუხისმგებლობა;  თანამშრომლობა;  ინოვაციურობა;  ტოლერანტობა;  გარემოსდაცვა

სსიპ ქალაქ თბილისის N133 საჯარო სკოლის სტრუქტურა

შინაგანაწესი წარმოადგენს სკოლასა და სკოლაში დასაქმებულებს შორის გაფორმებული შრომითი ხელშეკრულების განუყოფელ ნაწილს. დასაქმებული ვალდებულია გაეცნოს შინაგანაწესს და აღნიშნული დაადასტუროს საკუთარი ხელმოწერით. შინაგანაწესი ხელმისაწვდომია ყველა დაინტერესებული პირისათვის.