სსიპ - ქალაქ თბილისის №175 საჯარო სკოლა

ზოგადსაგანმანათლებლო დაწესებულების მისია ჩვენ ვზრდით, ძლიერი ფინანსური ცოდნითა და უნარებით აღჭურვილ თაობას მომავალ მეწარმეებად და ციფრულ მოქალაქეებად, დემოკრატიულ და მზრუნველ გარემოში. სკოლის ხედვა სწავლების მაღალი ხარისხიდან, სასწავლო პროგრამებიდან, დემოკრატიული, ესთეტიური და მზრუნველი გარემოდან გამომდინარე, ჩვენი სკოლა, მომავალ 7-10 წელიწადში აღზრდის ტექნოლოგიური, ფინანსური და სამეწარმეო ცოდნით აღჭურვილ მოვწავლეებს, რომლებსაც ექნებათ ინოვაციური და თანამედროვე იდეები, ქვეყნისა და მსოფლიოს უკეთესი განვითარებისთვის. სკოლის ღირებულებები სკოლა, საგნების სწავლა-სწავლების, სასკოლო პროექტების, სპორტული, სახელოვნებო და საკლუბო აქტივობების (მოსწავლეების, მასწავლებლების, მშობლების ჩართულობით) საშუალებით, ხელს უწყობს: ა) ურთიერთპატივისცემის, შემწყნარებლობისა და თანასწორობის დამკვიდრებას მოსწავლეებს, მშობლებს და მასწავლებლებს შორის განურჩევლად მათი სოციალური, ეთნიკური, რელიგიური, ლინგვისტური და მსოფლმხედველობრივი კუთვნილებისა; ბ) სკოლის საზოგადოების წევრებისთვის შემოქმედებითი და თანამშრომლობითი გარემოს შექმნას; გ) მოსწავლეთა მოქალაქეობრივი პასუხისმგებლობის განვითარებასა და სამოქალაქო ჩართულობას; დ) ისტორიული და კულტურული მემკვიდრეობის დაცვას; ე) კულტურული მრავალფეროვნების მიმართ პოზიტიური დამოკიდებულებისა და ტოლერანტობის დამკვიდრებას; ვ) ჯანსაღი ცხოვრების წესის დამკვიდრებასა და უსაფრთხოების დაცვას; ზ) გარემოს დაცვით განათლებას მდგრადი განვითარებისთვის; თ) კონფლიქტების მშვიდობიანად მოგვარების გზების სწავლებას; ი) სამეწარმეო უნარების განვითარებას და ინიციატივების წახალისებას; კ) სწავლა-სწავლების პროცესში საგანთა არჩევანის თავისუფლებას.

სკოლას აქვს ორგანიზაციული სტრუქტურა, რომელიც არის საქმიანობის დაგეგმვისა და პასუხისმგებლობის განაწილების ეფექტური საშუალება, სადაც სკოლის თითოეულმა წარმომადგენელმა იცის საკუთარი საქმიანობა და განსაზღვრულია მისი როლი. სწორად დაგეგმილი ორგანიზაციული სტრუქტურა, ხელს უწყობს ურთიერთობებს, ადგენს პოზიციებს, ფორმალური ანგარიშვალდებულების ხაზებს კონკრეტულ თანამდებობებს, პოზიციებსა თუ სტრუქტურულ ერთეულებს შორის, რაც აორგანიზებს პერსონალის შრომის პროცესს. შესაბამისად, წარმოდგენილ დოკუმენეტში მკაფიოდ არის გაწერილი პერსონალის ფუნქციები, მოვალეობები, ამოცანები და მათი საქმიანობის როლი სკოლის სტრატეგიული მიზნების მისაღწევად. აღნიშნული დოკუმენტი ხელმისაწვდომია თითოეული თანამშრომლისთვის.

წინამდებარე სსიპ ქალაქ თბილისის N175 საჯარო სკოლის შინაგანაწესი ვრცელდება სკოლაში დასაქმებულ პირებზე, მოსწავლეებსა და მათ მშობლებზე/კანონიერ წარმომადგენლებზე, ასევე სკოლის ტერიტორიაზე მყოფ ნებისმიერ პირზე და სავალდებულოა შესასრულებლად.