სსიპ - ბაღდათის მუნიციპალიტეტის სოფელ როხის საჯარო სკოლა

მისია როხის საჯარო სკოლის მისიაა მოსწავლეთა შესაძლებლობების გამოვლენა და განვითარება, რათა ისინი ჩამოყალიბდნენ მაღალი პასუხისმგებლობის მქონე ადამიანებად, რომლებიც შექმნიან მშვიდობიან სამყაროს. მოსწავლეთათვის თანამედროვე საგანმანათლებლო სტანდარტების შესაბამისი ცოდნის მიცემა, სახელმწიფოებრივად და შემეცნებითად მოაზროვნე ახალგაზრდების აღზრდა, რომლებიც მუდმივად იზრუნებენ მომავალი წარმატებისთვის. სკოლის ძირითადი პრინციპებია - ემსახურო სმოსწავლეებში თავისუფალი აზროვნების განვითარებისათვის ხელშემწყობი და უსაფრთხო გარემოს შექმნას. ცოდნის წარმატებით გადატანას და გამოყენებას განსხვავებულ სიტუაციაში. სკოლა, ოჯახთან ერთად, ზრუნავს მოსწავლის უწყვეტ განვითარებასა და განათლებაზე. ხედვა სსიპ ბაღდათის მუნიციპალიტეტის სოფელ როხის საჯარო სკოლის მომავლის ხედვაა , რომ იყოს მუდმივ განვითარებაზე ორიენტირებული სასწავლო დაწესებულება. თანამედროვე მოთხოვნათა და გამოწვევათა შესაბამისად , ზრუნავდეს თავისუფალი და კომპეტენტური ახალგაზრდის ჩამოყალიბებაზე, რათა წვლილი შეჰქონდეს ქვეყნის სამეცნიერო , კულტურულ, სოციალურ და ეკონომიკურ განვითარებაში. სსიპ ბაღდათის მუნიციპალიტეტის სოფელ როხის საჯარო სკოლა მოწოდებულია უზრუნველყოს სწავლა-სწავლების, აღზრდისა და განვითარებისათვის ოპტიმალური გარემოს ფორმირება, რომელშიც მოსწავლე შეიძენს ფუნდამენტურ კომპეტენციებს: მიიღებს ბაზისურ საგნობრივ ცოდნას და შეეძლება მისი პრაქტიკული გამოყენება, ექნება სწრაფვა დამოუკიდებელი და უწყვეტი განათლებისადმი, ავთენტური შეფასებისადმი, გაიაზრებსთავისი, როგორც მოქალაქის როლს, უფლება-მოვალეობებს, განივითარებს პასუხისმგებლობასა და ტოლერანტობას, ყოფით სფეროს გამოიყენებს როგორც არეალს ჯანმრთელობის, ტრადიციების, რესურსების, გარემოს დაცვისათვის, კულტურის სფეროში შეძლებს მრავალმხრივი ინტელექტის ექსპრესიას, კულტურის ტრანსფერს, თავისუფალი დროის გონივრულ დაგეგმვას. სკოლის მიზანია უზრუნველყოს ხარისხიანი განათლება სწავლების ყველა საფეხურზე ეროვნული სასწავლო გეგმით გათვალისწინებული ცოდნის, უნარ-ჩვევებისა და დამოკიდებულებების განმტკიცებით, განახორციელოს მოსწავლეზე ორიენტირებული სწავლება პედაგოგიური პერსონალის ინტელექტუალური და ემოციურირ ესურსებით, გამოიყენოს სწავლების თანამედროვე და აღიარებული მეთოდები, ინტელექტუალური სწავლების პრინციპები, საბაზრო ეკონომიკისა და დამამთავრებელი კლასის მოსწავლეთა მოთხოვნების გათვალისწინებით განახორციელოს ეკონომიკური, ტექნიკური, ჰუმანიტარული და საბუნებისმეტყველო პროფილითს წავლება; - უზრუნველყოს უცხოური ენების სწავლებაის წავლება პირველი უცხო ენა ინგლისური და მეორე უცხო ენა რუსული. უზრუნველყოს ერთიანი ეროვნული გამოცდებისათვის კონკურენტუნარიანი გარემოს შექმნა. ღირებულებები ჰუმანიზმი, პატრიოტიზმი, ტოლერანტობა, პასუხისმგებლობა, პროფესიონალიზმი, საქმისადმი სიყვარული და ერთგულება. სხვათა შრომის, მიღწევებისა და აზრის პატივისცემა. საჯაროობა, პროფესიული განვითარება

სკოლას ხელმძღვანელობს დირექტორის მოვალეობის შემსრულებელი, სკოლის სტრუქტურა მოიცავს ;პედაგოგიური საბჭოს, სამეურვეო საბჭოს, სკოლის დირექციას, სკოლის მოსწავლეთა თვითმართველობას და დისციპლინურ კომიტეტს.

მასწავლებლების ურთიერთდახმარებისა და სასწავლო პროცესის ხარისხიანად წარმართვის მიზნით სკოლაში ფუნქციონირებს 7 საგნობრივი კათედრა: • სახელმწიფო ენის; • საზოგადოებრივი მეცნიერებების; • საბუნებისმეტყველო მეცნიერებების; • მათემატიკის; • უცხოური ენების; • სპორტის; • ესთეტიკური აღზრდის;

სკოლას შემუშავებული აქვს ქცევის წესები და აპელაციის მექანიზმები

სკოლა შედგება ორი ფლიგელისაგან (სამსართულიანი და ორსართულიანი).

2022 წლის დეკებრის ბოლოს დამტკიცდა სკოლის 2023 წლის ბიუჯეტი.