სსიპ - ბაღდათის მუნიციპალიტეტის სოფელ დიმის საჯარო სკოლა

სსიპ ბაღდათის მუნიციპალიტეტის სოფელ დიმის საჯარო სკოლის მისიაა შექმნას ისეთი სასწავლო სააღმზრდელო გარემო, რომელიც ორიენტირებული იქნება მოსწავლეთა ინტერესებსა და შესაძლებლობებზე. უსაფრთხო გარემოში, საზოგადოებასთან შეთანხმებით აღზარდოს ისეთი მოსწავლე, რომლის ცოდნაც იქნება მყარი და დინამიური, რათა მან შეძლოს თავისი ცოდნის რეალიზაცია, ჩამოყალიბდეს ქვეყნის სრულფასოვან, ჯანსაღ, პატრიოტ და მაღალი პასუხისმგებლობის მქონე ადამიანად და დაიკავოს სათანადო ადგილი საზოგადოებაში. ● სკოლამ სწავლა/სწავლების ხარისხის ზრდით უნდა შეამციროს პროცენტული მაჩვენებელი იმ საგნებისა, რომლებშიც მოსწავლეები იყვნენ წარუმატებელნი. ● სკოლაში მასტიმულირებელი და უსაფრთხო სასწავლო გარემოს შექმნისათვის დიდი ყურადღება მიექცევა მოსწავლეთა შედეგების ანალიზს, შეფასების ვალიდობას და ობიექტურობას. ● თემთან კონსტრუქციული თანამშრომლობისათვის გააქტიურდება თითოეული კლასის მოსწავლის, მასწავლებლისა და მშობლის ჩართულობა სასკოლო ცხოვრებაში. ხედვის ნაწილის მიხედვით სწავლა სწავლების პროცესი განხორციელდება მოსწავლეზე ორიენტირებულ პრინციპებზე დაყრდნობით, რამაც უნდა უზრუნველყოს მოსწავლის შესაძლებლობების - ცოდნის, უნარებისა და დამოკიდებულებების განვითარება და პრაქტიკაში გამოყენება. სკოლის მთავარი ამოცანაა უზრუნველყოს ხარისხიანი განათლება სწავლების დაწყებით და საბაზო საფეხურზე ცოდნის, უნარ-ჩვევებისა და დამოკიდებულებების განმტკიცებით, სწავლების თანამედროვე და აღიარებული მეთოდებით. გარდა ამისა გვინდა ვუზრუნველყოთ უცხოენების სწავლება. ისწავლება პირველი უცხოენა- ინგლისური და მეორე უცხოენა -რუსული. გვინდა შევქმნათ კოლეგებისათვის თანამშრომლობის, პროფესიული განვითარებისა და თანამოაზრეობისათვის აუცილებელი გარემო.

სსიპ ბაღდათის მუნიციპალიტეტის სოფელ დიმის საჯარო სკოლა არის მცირეკონტიგენტიანი. სკოლას არ ჰყავს დირექტორის მოადგილე, მანდატური და სხვა. სკოლაში არის 17 მასწავლებელი, რის გამოც ფუნქციონირებს მხოლოდ სამი კათედრა

საგნობრივი კათედრის მუშაობის პრინციპები სკოლაში არის სამი საგნობრივი კათედრა:  ჰუმანიტარულ და საზოგადოებრივ მეცნიერებათა კათედრა, რომლის შემადგენლობაში შედიან ქართული ენისა და ლიტერატურის მასწავლებლები, უცხო ენის (ინგლისური ენისა და მეორე უცხო ენის მასწავლებლები, ისტორიისა და გეოგრაფიის, მე და საზოგადოების, ჩვენი საქართველოს და სამოქალაქო განათლების მასწავლებლები.  მათემატიკისა და საბუნებისმეტყველო მეცნიერებების კათედრა, რომლის შემადგენლობაში შედიან მატემატიკის მასწავლებლები, ქიმიის, ფიზიკის, ბიოლოგიის, ბუნებისმეტყველების, საბუნებისმეტყველო მეცნიერებების საფუძვლების და ისტის მასწავლებლები.  ფიზიკური აღზრდისა და სპორტის და ესთეტიკური აღზრდის კათედრა, რომლის შემადგენლობაშიც შედიან სახვითი და გამოყენებითი ხელოვნების მასწავლებლები, მუსიკის მასწავლებელი და ფიზიკური აღზრდისა და სპორტის მასწავლებელი.

სკოლას შემუშავებული აქვს ქცევის წესები და აპელაციის მექანიზმები

სკოლა ფუნქციონირებს ერთ შენობაში, რომელიც შედგება ორი სართულისაგან.

სკოლა ფინანსდება ვაუჩერული დაფინასების სისტემით. სკოლას აქვს შემუშავებული ბიუჯეტი რომელიც შეთანხმებულია სამეურვეო საბჭოსთან.