სსიპ - ქალაქ ჭიათურის №7 საჯარო სკოლა

სკოლის მისია აღზარდოს შემწყნარებელი, ეროვნული იდეალების ერთგული პიროვნება. ხელი შეუწყოს მოსწავლეს პროფესიულ ორიენტაციაში, დაეხმაროს დააკმაყოფილოს თანამედროვე ციფრული სამყაროს მოთხოვნები, აღმოაჩინოს საკუთარი შესაძლებლობები და ჩამოყალიბდეს კრიტიკულად მოაზროვნე, შემოქმედ, მოტივირებულ და მიზანდასახულ პიროვნებად. შექმნას უსაფრთხო, ინკლუზიური და ცოდნაზე ორიენტირებული სასწავლო გარემო მშობელთა ჩართულობით, რომ თითოეული მოსწავლე აქციოს პასუხისმგებლობიან, ინიციატივის მქონე მოქალაქედ. იქცეს თემისთვის კულტურულ-საგანმანათლებლო კერად. სკოლის ხედვა მომავალში (5-15 წლის პერსპექტივაში) ჩვენს სკოლას ვხედავთ, როგორც სამართლიან, უსაფრთხო, ინკლუზიურ,პროფესიულ განათლებაზე ორიენტირებულ და თემისთვის მნიშვნელოვან კულტურულ-საგანმანათლებლო სივრცეს, სადაც თითოეული მოსწავლე აღიარებულია უნიკალურ პიროვნებად და იზრდება როგორც სანდო, ლიდერული თვისებების მქონე ღირსეული მოქალაქე. სკოლის ღირებულებები: ✔ სამართლიანობა ჩვენ ვუზრუნველყოფთ თანაბარ შესაძლებლობებს ყველა მოსწავლისთვის — მათი სოციალური სტატუსის, წარმომავლობისა თუ საჭიროებების მიუხედავად. სწორედ ამ პრინციპს დაეფუძნება სასკოლო საზოგადოების მიერ მიღებული ნებისმიერი გადაწყვეტილება. ✔ ობიექტურობა ჩვენი შეფასებები, სწავლების მეთოდები და სკოლის წესები ეფუძნება მკაფიო, გამჭვირვალე და ობიექტურ კრიტერიუმებს. ყველა მოსწავლე თუ მასწავლებელი ვალდებულია გაიაზროს, რომ გადაწყვეტილებები ემყარება ფაქტებს და არა სუბიექტურ შეხედულებებს. ✔ ვალიდურობა ჩვენი სასწავლო პროცესები მიზანმიმართულად აგებულია ისე, რომ რეალურად ასახოს მოსწავლეთა ცოდნა და კომპეტენციები. შეფასება და სწავლება მორგებულია მოსწავლის საჭიროებებზე, ასაკობრივ თავისებურებებზე, თანამედროვე სტანდარტებსა და დროის მოთხოვნებზე. ✔ უსაფრთხო და ინკლუზიური გარემო ჩვენ ვქმნით მხარდაჭერ გარემოს, სადაც დაცულია თითოეული მოსწავლის ფიზიკური და ემოციური უსაფრთხოება. მრავალფეროვნება აღიქმება ძალად, ხოლო ინკლუზიური მიდგომა — საფუძვლად. ✔ მოქალაქეობრივი პასუხისმგებლობა ჩვენ ვზრდით მოსწავლეებს მაღალი მოქალაქეობრივი პასუხისმგებლობის გრძნობით, ემპათიისა და საზოგადოების მიმართ ზრუნვის უნარით. ✔ ინიციატივა და თვითრეალიზაცია ჩვენი სკოლა ხელს უწყობს მოსწავლეთა ინდივიდუალური ინტერესებისა და შესაძლებლობების გამოვლენასა და გაძლიერებას. აღვზრდით ინიციატივიან, დამოუკიდებელ მოაზროვნეებს.